இரத்தத்தில் சர்க்கரை அளவு அதிகமாக இருப்பதால் ஏற்படுவது நீரிழிவு நோய். நீரிழிவு நோய் கட்டுப்படுத்தப்படாமல் இருந்தால், இதய நோய், நரம்பு பாதிப்பு, கண் பிரச்சினைகள், சிறுநீரக பாதிப்பு ஆகியவை ஏற்படும் வாய்ப்புகள் அதிகம். இரத்த சர்க்கரை அளவைக் கட்டுப்படுத்த உணவு கட்டுப்பாடு மிக அவசியம். சில உணவுப் பொருட்கள் இரத்த சர்க்கரை அளவை அதிகரிக்கின்றன. மற்றவை சர்க்கரை அளவைக் குறைக்கின்றன.
இரத்த சர்க்கரை நோயாளிகளுக்கு சைவம் மற்றும் அசைவ உணவுகளில் எது ஆரோக்கியமான உணவு என்பதை தெரிந்து கொள்வோம்.
பச்சை இலை காய்கறிகள்
மற்ற காய்கறிகளுடன் ஒப்பிடும்போது பச்சை இலைக் காய்கறிகளில் ஊட்டச்சத்துக்கள் அதிகம். மேலும் அதில் ஜீரணிக்கக்கூடிய கார்போஹைட்ரேட்டுகள் குறைவாக உள்ளன. அதாவது எவ்வளவு சாப்பிட்டாலும் ரத்தத்தில் சர்க்கரை அளவு அதிகரிக்காது. உங்கள் அன்றாட உணவில் சேர்த்துக்கொள்ள வேண்டிய சில சிறந்த காய்கறிகளை (Health Tips) அறிந்து கொள்ளலாம்.
ஆக்ஸிஜனேற்றங்கள் நிறைந்துள்ள காய்கறிகள்
கீரை வகைகள் மற்றும் முட்டைக்கோஸ் ஆகியவற்றில் வைட்டமின் சி நிறைந்துள்ளன. வைட்டமின் சி வகை 2 நீரிழிவு நோயாளிகளுக்கு சர்க்கரையை நிர்வகிக்க உதவுகிறது. மேலும் பச்சை இலை கீரைகளில் சிறந்த ஆக்ஸிஜனேற்றங்கள் நிறைந்துள்ளன, அவை நீரிழிவு நோயின் காரணமாக ஏற்படும் உடல் உள்ளுப்புகள் பாதிப்புல் இருந்து பாதுகாக்க உதவும்.
பழங்கள்
பழங்களை தினமும் உட்கொள்வது ஆரோக்கியத்திற்கு மிகவும் நன்மை பயக்கும் என்பதை எல்லோரும் அறிவர. ஆப்பிள், ஆரஞ்சு மற்றும் பெர்ரி போன்ற பழங்களில் வைட்டமின்கள், தாதுக்கள் மற்றும் ஆக்ஸிஜனேற்றங்கள் அதிக அளவில் உள்ளன. பழங்கள் உடலுக்கு ஆற்றலை அள்ளிக் கொடுப்பதோடு, நோய் எதிர்ப்பு சக்தியையும் வலுப்படுத்துகிறது. எனினும், பழங்களை ஜூஸாக அருந்தாமல், அப்படியே சாப்பிடுவது தான் நல்லது. இதனால், இதில் உள்ள நார்சத்துக்கள் உடலுக்கு முழுமையாக கிடைக்கும்.
மீன் உணவுகள்
நீரிழிவு நோய் உள்ளவர்கள் மட்டுமல்லாது, சாதாரண உடல் நிலையில் இருப்பவர்களுக்கும், உணவில் ஆரோக்கிய கொழுப்பு நிறைந்த உணவுகள் கட்டாயம் இருக்க வேண்டும். சால்மன் மற்றும் நெத்திலி போன்ற கொழுப்பு நிறைந்த மீன்களை சாப்பிடுவது, ஒமேகா-3 கொழுப்பு அமிலங்கள், DHA மற்றும் EPA ஆகியவற்றை பெற உதவுகிறது. இது நீரிழிவு நோயால் ஏற்படக்கூடிய சிக்கல்களில் இருந்து உங்கள் இதயத்தைப் பாதுகாக்க உதவும்.
மேலும் படிக்க | ஓட்ஸை நைட் ஊறவைத்து... காலையில் இப்படி சாப்பிடுங்க - தொப்பை பட்டுனு கரையும்!
உடல் எடையை எளிதில் குறைக்கலாம்
DHA மற்றும் EPA இரண்டும் உங்கள் இரத்த நாளங்களைப் பாதுகாக்கின்றன, வீக்கத்தைக் குறைக்கின்றன. உங்கள் இதய தமனிகளின் செயல்பாட்டை மேம்படுத்துகின்றன. உங்களுக்கு நீரிழிவு நோய் இருக்கும் போது இதய நோய் மற்றும் பக்கவாதம் ஏற்படும் அபாயம் கிட்டத்தட்ட இரட்டிப்பாகும் என்பதால், கொழுப்பு நிறைந்த மீன்களை உங்கள் உணவில் சேர்த்துக் கொள்வதால், இந்த ஆபத்துகள் ஏற்படும் வாய்ப்புகளை குறைக்கலாம். இது தவிர, கொழுப்பு நிறைந்த மீன் புரதத்தின் வளமான மூலமாகும், இது உங்களுக்கு அதிக பசியை ஏற்படுத்தாது. வயிறு நிறைந்த உணர்வைக் கொடுக்கு. இதனால் உடல் எடையை எளிதில் குறைக்க உதவுகிறது.
முட்டை
முட்டை புரோட்டீன் சத்து நிறைந்தது. உடலின் தசைகளுக்குத் தேவையான அனைத்து அத்தியாவசிய அமினோ அமிலங்களும் முட்டையில் உள்ளன. முட்டையை வேகவைத்து, ஆம்லெட் செய்து அல்லது காய்கறிகளுடன் பொரியல் செய்து சாப்பிடலாம். சர்க்கரை நோயாளிகளும் இதனை உட்கொள்ளலாம்.
பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.
மேலும் படிக்க | ஆண்களின் அழகை கெடுக்கும் குடல் அசுத்தம்... காரணமும் தீர்வும் முழு விவரம்..!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
