மட்டன் ஈரல் vs சிக்கன் ஈரல்: எதில் அதிக நன்மைகள் இருக்கு? எதில் பிரச்னை இருக்கு?

Chicken Liver vs Mutton Liver: அசைவம் என்றாலே பலரின் நாக்கிலும் எச்சில் ஊறும். வெறும் சுவைக்காக மட்டுமல்ல ஊட்டச்சத்துக்காகவும் அசைவம் சாப்பிடலாம். சைவத்தில்தான் அதிக ஊட்டச்சத்துக்கள் என கூறுவது தவறானது. சைவத்தை போல் அசைவ உணவகளிலும் ஊட்டச்சத்துக்கள் நிறைந்திருக்கின்றன. சிக்கன், மட்டன், பீப் உள்ளிட்டவை பெரும்பாலோனாரால் சாப்பிடப்படும் உணவாகும்.

அதாவது, கோழி, ஆடு, மாடு ஆகியவற்றின் இறைச்சிகள் உடலுக்கு ஆரோக்கியானவை. அந்த வகையில் சிக்கன், மட்டன், பீப் ஆகிய மூன்றின் ஈரல் பகுதியும் மிகுந்த ஊட்டச்சத்து மிகுந்தவை ஆகும். ஈரலை வறுத்தும், ஈரலை கிரேவியாகவும் கூட வைத்து சாப்பிடுவார்கள். அந்த வகையில், இங்கு சிக்கன் ஈரல் மற்றும் மட்டன் ஈரல் இரண்டில் எதில் அதிக நன்மைகள் இருக்கின்றன, இவற்றை யார் யார் கண்டிப்பாக சாப்பிட வேண்டும், யார் சாப்பிடக்கூடாது ஆகியவற்றை இங்கு காணலாம்.

மட்டன் ஈரலின் நன்மைகள்

தேசிய மருத்துவ நூலகத்தின் தகவல்களின்படி, மட்டன் ஈரலில் இரும்புச்சத்து, பொட்டாஸியம், தாமிரம், வைட்டமிண் ஏ, வைட்டமிண் டி, வைட்டமிண் பி12 ஆகியவை உள்ளன. ரத்தச்சோகை உள்ளவர்கள் மட்டன் ஈரலை சாப்பிடலாம், ரத்தத்தில் ஆக்ஸிஜன் சப்ளை அதிகமாகும். வைட்டமிண் பி12 இருப்பதால் நோய் எதிர்ப்பு சக்தியும் அதிகரிக்கும். மட்டன் ஈரலில் உள்ள கனிமங்கள் உடலின் நொதி சார்ந்த செயல்பாடுகளை அதிகரிக்கச் செய்யும்.

மேலும் படிக்க | சிக்கன் vsமட்டன் எது உடலுக்குச் சிறந்தது? இதில் இந்த பகுதி சாப்பிட்டால் உடம்புக்கு நல்லதாம்!

சிக்கன் ஈரலின் நன்மைகள்

தேசிய மருத்துவ நூலகத்தின் தகவல்களின்படி, சிக்கன் ஈரலில் புரதச்சத்து, இரும்புச்சத்து, வைட்டமிண் 12, வைட்டமிண் ஏ, ஃபோலேட், செலீனியம் இதில் உள்ளது. உங்களின் மூளை ஆரோக்கியமாக இருப்பதற்கு வைட்டமிண் பி12 அதிகம் உதவும். செலிமியம் உங்களுக்கு புற்றுநோய் வரும் ஆபத்தை குறைக்கும்.

மேலும், ரத்த சர்க்கரை அளவும் கட்டுக்கோப்பாக இருக்கும். எனவே நீரிழிவு நோயாளிகளும் இதனை சாப்பிடலாம். ஃபோலேட் அதிகம் இருப்பது உங்களின் தாம்பத்ய வாழ்க்கையை சிறப்பாக வைத்திருக்க உதவும். ஈரலை வேகவைத்து சாப்பிட்டால் குறைந்த கொழுப்புதான் இருக்கும். இதனால், இதை சாப்பிட்டால் உடல் எடையும் கட்டுக்கோப்பாக இருக்கும்.

சிக்கன் ஈரல் vs மட்டன் ஈரல்: எதில் அதிக நன்மை?

எனவே, சிக்கன் ஈரலோ, மட்டன் ஈரலோ அவரவர் தேவைக்கு ஏற்ப எடுத்துக்கொள்ளலாம். அதேநேரத்தில், ஈரலை வறுத்து சாப்பிடுவதற்கு பதில் நன்கு சமைத்து, அதாவது காய்கறிகளுடன் வேகவைத்து சாப்பிடுவது கூடுதல் நன்மை தரும். வாரத்தில் ஓரிரு நாள்கள் மட்டும் சாப்பிட்டால் போதும். மேலும், சிக்கன் ஈரலை விட மட்டன் ஈரலில்தான் அதிக ஊட்டச்சத்து இருக்கிறது என்றாலும் குறைவான அளவில் எடுத்துக்கொள்வதே உடல் ஆரோக்கியத்திற்கு நல்லது. அதிகமாக உட்கொள்ள வேண்டாம்.

சிக்கன் ஈரல் மற்றும் மட்டன் ஈரல்: மக்களே இதில் கவனம்...

சிக்கன், மட்டன் ஈரலை அதிகமாக சாப்பிட்டால் உடலில் கொலஸ்ட்ரால் அளவுகள் அதிகமாகும். இதயம், சிறுநீரகம், கொழுப்பு கல்லீரல், கொலஸ்ட்ரால் சார்ந்த பிரச்னைகள் இருந்தால் சிக்கன் ஈரல், மட்டன் ஈரலை குறைவாக சாப்பிட வேண்டும். சிக்கன் ஈரலில் வைட்டமிண் ஏ அதிகம் இருக்கிறது. இது குழந்தைகளுக்கு கேடு விளைவிக்கும். எனவே, கர்ப்பிணிகள் சிக்கன் ஈரலை தவிர்க்கலாம்.

சிக்கன் ஈரலில் ஏற்கெனவே அதிக கொழுப்பு இருப்பதால் எண்ணெய், வெண்ணெய் போன்றவற்றில் போட்டு வறுக்கக் கூடாது. இது உடலுக்கு கேடு விளைவிக்கலாம். சிக்கன் ஈரல், மட்டன் ஈரல் இரண்டையும் நன்கு சுத்தம் செய்து, நன்கு சமைத்தே சாப்பிட வேண்டும். நன்கு கழுவவில்லை என்றால் அதில் இருக்கும் ஆபத்தான பாக்டீரியாக்களால் பிரச்னை வரலாம்.

(பொறுப்பு துறப்பு: இவை அனைத்தும் பொதுவான தகவல்களை அடிப்படையாக கொண்டது. இதனை பின்பற்றும் முன் ஊட்டச்சத்து நிபுணர்கள், மருத்துவர்களை சந்தித்து ஆலோசனை செய்ய வேண்டும். இதனை ஜீ நியூஸ் (Zee Tamil News) உறுதிப்படுத்தவில்லை)

மேலும் படிக்க | அடிக்கடி சிக்கன் சாப்பிடுபவரா நீங்கள்? இதை தெரிஞ்சுக்கோங்க!

சார்பில்லாத சமரசமில்லாத செய்திகள் உங்கள் உள்ளங்கைகளில்!