Weight Loss Journey: உடல் பருமன் பிரச்னை இருப்பவர்கள், உடல் எடையை குறைக்கும் நடவடிக்கையில் ஈடுபடும் முன் ஊட்டச்சத்து நிபுணர்கள், உடற்பயிற்சி பயிற்றுநர்கள் மற்றும் மருத்துவர்கள் உள்ளிட்டோரிடம் ஆலோசித்து அதன் பின்னர் உடல் எடை குறைப்பில் ஈடுபடுவதே ஆரோக்கியமானதாக இருக்கும். இருப்பினும், சமூக வலைதளங்கள் அல்லது உங்களின் சுற்றத்தில் இருப்பவர்களின் உடல் எடை குறைப்பு அனுபவத்தை கேட்கவும் செய்யலாம். அவை உங்களுக்கு தன்னம்பிக்கையை அளிக்கலாம்.
Weight Loss Journey: 42 நாள்களில் 25 கிலோ குறைப்பு...
அந்த வகையில், தற்போது மருத்துவர் ஒருவர் 42 நாள்களில் 25 உடல் எடையை குறைத்து, அதனை சமூக வலைதளங்களில் பதிவிட்டு பெரும் ஆச்சர்யத்தை ஏற்படுத்தியுள்ளா். சீனாவை சேர்ந்த மருத்துவர் ஒருவர் அந்நாட்டு சமூக வலைதளத்தில் தனது உடல் எடை குறைப்பு அனுபவத்தை பகிர்ந்திருப்பதால் சௌத் சீனா மார்னிங் போஸ்ட் என்ற ஊடகம் செய்தி வெளியிட்டுள்ளது.
மேலும், இந்த உடல் எடை குறைப்பு நடவடிக்கை மூலம் அந்த மருத்துவர்கள் பல உடற்தகுதிக்கான விருதுகளையும் வென்றதாகவும் கூறப்படுகிறது. சீனாவில் பேஸ்புக், X, இன்ஸ்டாகிராம் போன்ற சமூக வலைதளங்கள் மக்களால் பயன்படுத்தப்படுவதில்லை என்றும் குறிப்பிடத்தக்கது.
Weight Loss Journey: 97.5 கிலோவில் இருந்த வு டியான்ஜென்
சீனாவின் மத்திய ஹூபே மாகாணத்தில் உள்ள வூஹான் பல்கலைக்கழகத்தின் ஜாங்னான் மருத்துவமனையில் அறுவை சிகிச்சை நிபுணராக இருப்பவர் வு டியான்ஜென். டியான்ஜெனுக்கு 31 வயதாகும். மருத்துவமனழையில் கடும் பணிச்சூழல் காரணமாக அவரது வாழ்க்கைமுறை மிகவும் மோசமாக இருந்துள்ளது. இதனால் அவரது உடல் எடையும் எக்குத்தப்பாக அதிகரித்திருக்கிறது. எனவே, ஒருகட்டத்தில் அவர் உடல் எடை குறைப்பு நடவடிக்கையில் இறங்கி உள்ளார்.
2023ஆம் ஆண்டில் டியான்ஜென் தனக்கு லேசான கொழுப்பு கல்லீரல் பிரச்னை இருப்பதை கண்டறிந்துள்ளார். அப்போது அவர் 97.5 கிலோ உடல் எடையுடன் இருந்துள்ளார். உடல் பருமனால் பாதிக்கப்பட்ட சிலருக்கு அறுவை சிகிச்சை மூலம் டியான்ஜென் சிகிச்சை அளித்திருக்கிறாராம். தானே உடல் பருமானால் பாதிக்கப்பட்டால், மற்றவர்கள் தான் எப்படி காப்பாற்ற முடியும் என்ற கேள்வி எழுந்துள்ளது. எனவே, உடனடியாக உடல் எடை குறைப்பில் இறங்கி உள்ளார்.
Weight Loss Journey: கொழுப்பை கரைக்க டியான்ஜென் பின்பற்றியவை
இதனால், அவர் ஷி ஃபேன் என்ற உடற்பயிற்சி பயிற்றுநரை தனது உடல் எடை குறைப்புக்காக நியமித்துள்ளார். இந்த ஷி ஃபேன் என்பது லிதுவேனியாவில் IFBB உலக ஃபிட் மாடல் சாம்பியன்ஷிப் போட்டிகளில் ஒட்டுமொத்த உடற்தகுதிக்கான சாம்பியன் பட்டத்தை வென்றவர் ஆவார்.
வு டியான்ஜென் மற்றும் ஷி ஃபேன் இருவரும் இணைந்து உடல் எடை குறைப்பு நடவடிக்கையில் இறங்கியுள்ளனர். எப்படி குறைந்த காலகட்டத்தில் கொழுப்பை கரைத்து, தசைகளை அதிகப்படுத்தலாம் என இருவரும் இணைந்து திட்டமிட்டுள்ளனர். அதில் தினமும் 2 மணிநேரம் உடற்பயிற்சி மேற்கொள்ளுதல் மற்றும் தினமும் 6 மணிநேரம் நன்றாக தூங்குவது ஆகியவற்றை மாற்றவே கூடாது என திட்டுமிட்டுள்ளனர்.
Weight Loss Journey: தீவிரமான உடற்பயிற்சி
தொடர்ச்சியாக இந்த கட்டுப்பாடுகளை பின்பற்ற டியான்ஜென், ஷி ஃபேனுக்கு உதவி உள்ளார். இவர்களின் கடின உழைப்புகள் 6 வாரங்களிலேயே நல்ல பலன் கிடைத்திருக்கிறது. மேலும், தானும் பாடிபில்டிங் போட்டிகளில் பங்கேற்க வேண்டும் என மருத்துவர் வு டியான்ஜென் விருப்பப்பட்டுள்ளார். இதனால், போட்டி நெருங்க நெருங்க உடற்சிபயிற்சிகளை மேலும் தீவிரமாக்கி உள்ளனர். அதாவது, ஒருநாளுக்கு 4 மணிநேரம் கடுமையாக உடற்பயிற்சிகளை மேற்கொண்டனர்.
தொழில்முறையானபாடிபில்டிங் வீரர்களை காட்டிலும் வு டியான்ஜென் கடுமையாக பயிற்சி மேற்கொண்டதாக அவரது உடற்பயிற்சி பயிற்றுநர் ஊடகத்திடம் தெரிவித்திருக்கிறார். ஜனவரியில் நடைபெற்ற தியான்ருய் கோப்பை உடற்தகுதி போட்டி மற்றும் பாடிபில்டிங் போட்டிகளில் அவர் பங்கேற்றார்.
Weight Loss Journey: எக்கச்சக்க பரிசுகள்
அந்த போட்டிகளில் பங்கேற்ற ஒரே மருத்துவர் இவர்தானாம். மேலும், போட்டி கடுமையாக இருந்தாலும் புதிய வீரர்களுக்கான பிரிவில் சாம்பியன்ஷிப் பட்டத்தை டியான்ஜென் வென்றுள்ளார். மேலும், பல உடற்தகுதிக்கான பரிசுகளையும் அவர் வென்றிருக்கிறார்.
Weight Loss Journey: வு டியான்ஜென்னின் அறிவுரை
மேலும், இதுகுறித்து மருத்துவர் வு டியான்ஜென் கூறுகையில்,"எப்போதும் உடல் எடை குறைப்பதை நீண்ட காலத்திற்கு திட்டமிடுங்கள். உடனடியாகவோ, குறுகிய காலத்திற்கான உடல் எடை குறைப்பு நடவடிக்கையை நான் பரிந்துரைக்க மாட்டேன். ஏனென்றால் அதனை பின்பற்றினால் குறைவாக சாப்பிட வேண்டும்" எனவும் அவர் அறிவுரை கூறியுள்ளார்.
(பொறுப்பு துறப்பு: மருத்துவர் வு டியான்ஜென் கூறியதுபோல் நீண்ட கால முயற்சியில் உடல் எடையை குறைப்பதே ஆரோக்கியமானதாக இருக்கும். எனவே, உடல் எடை குறைப்பு நடவடிக்கையை பின்பற்றும் முன் நிபுணர்களை சந்தித்து உரிய ஆலோசனை பெற வேண்டும். மேலே கூறப்பட்ட அனைத்தும் வு டியான்ஜென் கருத்தாகும், இதற்கு ஜீ நியூஸ் (Zee Tamil News) பொறுப்பேற்காது)
மேலும் படிக்க | 150 கிலோவில் இருந்த பெண்... 86 கிலோவை குறைத்தது எப்படி? 5 முக்கிய டிப்ஸ்
மேலும் படிக்க | ஒரே வாரத்தில் 12 கிலோ... படுவேகமாக எடையை குறைத்த பெண் - எப்படி தெரியுமா?
மேலும் படிக்க | 6 மாசத்தில் 30 கிலோவை குறைத்த பெண்... கொழுப்பை குறைக்க உதவியது எது தெரியுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
