Guru Peyarchi Palangal: மே மாதம் குரு பெயர்ச்சி நடக்கவுள்ளது. இதனால் எந்தெந்த ராசிகளுக்கு அற்புதமான நன்மைகள் கிடைக்கும்? யாருக்கு அதிர்ஷ்டம் அதிகமாகும்? குரு பெயர்ச்சி ராசிபலனை பற்றி இங்கே காணலாம்.
Guru Peyarchi Palangal: அனைத்து கிரகங்களும் ஒரு குறிப்பிட்ட காலத்தில் ராசிகளை மாற்றுகின்றன. இவை கிரக பெயர்ச்சிகள் என அழைக்கப்படுகின்றன. இவற்றின் தாக்கம் அனைத்து ராசிகளிலும் காணப்படும். சில ராசிகளில் இதனால் சுப பலன்களும் சில ராசிகளுக்கு பிரச்சனைகளும் ஏற்படும். குரு பெயர்ச்சியின் தாக்கமும் அனைத்து ராசிகளிலும் இருக்கும். குரு பெயர்ச்சியின் தாக்கத்தால் அதிக நன்மைகளை ஆடையவுள்ள ராசிகளை பற்றி இந்த பதிவில் காணலாம்.
குரு பகவான் தற்போது ரிஷப ராசியில் உள்ளார். குரு பகவான் மே 14 ஆம் தேதி காலை 11:20 மணிக்கு மிதுன ராசியில் பெயர்ச்சி ஆகவுள்ளார். குரு பெயர்ச்சி இந்த ஆண்டின் மிக முக்கியமான ஜோதிட நிகழ்வாக பார்க்கப்படுகின்றது.
மிதுனத்தில் குரு பெயர்ச்சியின் தாக்கம் அனைத்து ராசிகளிலும் இருக்கும். எனினும் சில ராசிகளின் மீது குரு அருள் அதிகமாக இருக்கும். இவர்கள் வாழ்வில் வெற்றியின் உச்சம் தொடுவார்கள். அந்த அதிர்ஷ்ட ராசிகளை பற்றி இந்த பதிவில் காணலாம்.
மேஷம்: குரு பெயர்ச்சி மேஷ ராசிக்காரர்களுக்கு சிறப்பான மற்றும் நேர்மறையான விளைவை ஏற்படுத்தும். பண வரவு அதிகமாகும். பொருளாதார நிலை மேம்படும். குடும்பத்தில் சுப நிகழ்வுகள் நடக்கும். மூதாதையர் சொத்துக்களால் நன்மை கிடைக்கும். நிலுவையில் உள்ள பணிகள் வெற்றிகரமாக முடிவடையும். வெளிநாட்டிலிருந்து பணம் சம்பாதிக்க உங்களுக்கு வாய்ப்புகள் கிடைக்கும். நிலம், கட்டிடம் போன்ற ரியல் எஸ்டேட் வாங்கும் வாய்ப்பு அதிகரிக்கும்.
கன்னி: குரு பெயர்ச்சி கன்னி ராசிக்காரர்களுக்கு அதிக நன்மைகளை அளிக்கும். குருவின் அருளால், மாணவர்களின் அறிவுத்திறன் வளரும். வியாபாரத்தில் லாபம் அதிகரிக்கும். அவர்கள் படிப்பில் கவனம் செலுத்துவார்கள். அலுவலக பணிகளில் உள்ளவர்களுக்கு பதவி உயர்வு மற்றும் ஊதிய உயர்வு கிடைக்கும். வீடு, வாகனம் வாங்கும் யோகம் உண்டாகும்.
தனுசு: குரு பெயர்ச்சியின் தாக்கத்தால் தனுசு ராசிக்காரர்களுக்கு அனுகூலமான பலன்கள் கிடைக்கும். இந்த ராசிக்காரர்களுக்கு குரு நேர்மறையான விளைவை ஏற்படுத்துவார். தனுசு ராசிக்காரர்களுக்கு வேலையில் அதிக பலன்களைப் பெற வாய்ப்பு கிடைக்கும். முன்னேற்றத்திற்கான பல வாய்ப்புகள் கிடைக்கும். தனுசு ராசிக்காரர்களுக்கு தடைபட்ட அல்லது தேங்கி நிற்கும் வேலைகளில் வெற்றி கிடைக்கும். ஆன்மீக பணிகளில் நாட்டம் அதிகரிக்கும். வீடு, நிலம், கார் வாங்கும் யோகம் உண்டாகும்.
கும்பம்: கும்ப ராசிக்காரர்களுக்கு அதிர்ஷ்டம் பிரகாசிக்கும். அலுவலக பணிகளில் வெற்றி கிடைக்கும். தொழில்முறை வெற்றிகள் அதிகமாகும். வருமானம் அதிகரிக்கும். பொருளாதார நிலைமை மேம்படும். இந்த காலகட்டத்தில், குரு பகவானின் அருளால் அதிர்ஷ்டத்தின் முழுமையான ஆதரவு கிடைக்கும்.
மீனம்: குரு பெயர்ச்சி மீன ராசிக்காரர்களுக்கு அற்புதமான பலன்களை அளிக்கும். உடல் ஆரோக்கியம் மேம்படும். குடும்பத்தில் மகிழ்ச்சி நிலவும், குடும்ப உறுப்பினர்களிடையே நிலவும் பிரிவினை நீங்கும். பொருளாதார நிலை மேம்படும். அலுவலக பணிகளில் ஊதிய உயர்வும் பதவி உயர்வும் கிடைக்கும். குடும்பத்தில் மகிழ்ச்சியும் அமைதியும் இருக்கும்.
திருமண வாழ்க்கை, குழந்தைகள், கல்வி, வேலை ஆகியவற்றில் சுப பலன்களைப் பெற, 'குரு பிரம்மா குரு விஷ்ணு, குரு தேவோ மகேஸ்வர; குரு சாஷாத் பரப்பிரம்மா, தஸ்மை ஸ்ரீகுருவே நமஹ' என்ற இந்த ஸ்லோகத்தை சொல்வது நல்லது.
குரு பகவானின் அருள் பெற வியாழக்கிழமைகளில் கோயில்களில் குரு பகவானின் சன்னிதியில் விளக்கு ஏற்றி பிரார்த்தனை செய்யலாம்.
பொறுப்பு துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்தூள்ளன. ஜீ மீடியா இந்த தகவல்களை உறுதிப்படுத்தவில்லை.
