டெங்கு காய்ச்சலிலிருந்து விரைவில் குணமாக உதவும் ‘மேஜிக்’ உணவுகள் இவைதான்!!

Dengue Recovery: நாடு முழுவதும் டெங்கு காய்ச்சல் பாதிப்புகள் அதிகரித்து வருகின்றன. கொசுக்களால் பரவும் இந்த நோய் பரவுவதைப் பொறுத்தவரை 2023 ஆம் ஆண்டு குறிப்பாக கவலையளிக்கும் ஆண்டாக இருந்துள்ளது. வெப்பமான வெப்பநிலை மற்றும் அதிக ஈரப்பதம் ஆகியவை ஏடிஸ் கொசுக்களின் இனப்பெருக்கம் மற்றும் வளர்ச்சிக்கு சாதகமான சூழ்நிலையை உருவாக்குகின்றன. டெங்கு என்பது DENV வைரஸால் ஏற்படும் ஒரு வைரஸ் தொற்று ஆகும். இது பாதிக்கப்பட்ட கொசுக்கள் கடிப்பதன் மூலம் மனிதர்களுக்கு பரவுகிறது. இந்தியா மட்டுமின்றி, பல நாடுகளில் 2023-ல் டெங்கு பாதிப்பு அதிவேகமாக அதிகரித்துள்ளது.

டெங்கு காய்ச்சலுக்கு ஆளான ஒரு நபர் அதிலிருந்து மீளும்போது தனது ஊட்டச்சத்தை கவனித்துக்கொள்வது முக்கியமாகும். ஏனெனில் பிளேட்லெட்டுகள் இழப்பு மற்றும் உடலில் ஏற்படும் அழற்சியின் காரணமாக, நோயாளிகள் இழந்த வலிமையை மீண்டும் பெற நேரம் எடுக்கும். பிளேட்லெட்டுகளை உருவாக்க இரத்த ஹீமோகுளோபின் அளவை பராமரிக்க இரும்புச்சத்து போன்ற அத்தியாவசிய ஊட்டச்சத்துக்கள் நமது உடலுக்கும் தேவைப்படுகிறது. பழங்கள் மற்றும் காய்கறிகளில் வைட்டமின்கள், தாதுக்கள், நார்ச்சத்து மற்றும் பிற அத்தியாவசிய ஊட்டச்சத்துக்கள் நிறைந்துள்ளன. அவை நோய் எதிர்ப்பு சக்தியை அதிகரிக்கவும் மீட்புக்கு உதவவும் உதவுகின்றன.

டெங்கு காய்ச்சலால் பாதிக்கப்பட்டவர்கள் கீழ்கண்ட பழங்கள் மற்றும் காய்கறிகளை உட்கொண்டால் மிக இயல்பாக மீண்டும் ஆரோக்கியமான உடலை பெற முடியும்.

1. கிவி பழம்

டெங்கு காய்ச்சலால் (Dengue Fever) பாதிக்கப்பட்டிருக்கும் வேளையில், வேகமாக குணமடைய சத்தான உணவை உட்கொள்வது அவசியம். கிவி பழத்தில் வைட்டமின் சி மற்றும் பொட்டாசியம், பாலிபினால்கள் மற்றும் கால்லிக் அமிலம் மற்றும் ட்ரோலாக்ஸ் போன்ற ஆன்டிஆக்ஸிடன்ட்கள் நிறைந்துள்ளன. அவை உடலின் நோயெதிர்ப்பு நிலையை மேம்படுத்த உதவுகின்றன. மேலும் தொற்றுநோயை திறம்பட எதிர்த்துப் போராட உதவுகின்றன. நோய் எதிர்ப்பு சக்தியை மேம்படுத்துவதோடு, உடலின் எலக்ட்ரோலைட்டுகளை சமநிலைப்படுத்தவும் இவை உதவுகின்றன. 

2. பப்பாளி

பப்பாளியில் (Papaya) உயிரியல் ரீதியாக செயல்படும் சில சேர்மங்களான பப்பைன், கரிகைன், சைமோபாபைன், அசிட்டோஜெனின் போன்றவை உள்ளன. அவை அழற்சி எதிர்ப்பு பண்புகள் மற்றும் ஆண்டிஆக்சிடெண்ட் பண்புகளைக் கொண்டுள்ளன. அவை உடலின் நோயெதிர்ப்பு நிலையை வலுப்படுத்த உதவுகின்றன, டெங்கு தொடர்பான வீக்கத்தைக் குறைக்கின்றன, விரைவாக மீள உதவுகின்றன. 

3. மாதுளை

மாதுளம் பழத்தில் இரும்புச் சத்து அதிகம் உள்ளது. இது நோயாளியின் ரத்தக்கசிவு அளவுருக்களை மீட்டெடுக்க உதவுகிறது. மேலும் இது பிளேட்லெட் எண்ணிக்கையைப் பாதுகாக்க உதவுகிறது. இது டெங்கு காய்ச்சலின் போது சோர்வைக் குறைக்கவும் உதவுகிறது. மேலும் மாதுளை உடலின் ஆற்றல் அளவை பராமரிக்க உதவுகிறது.

மேலும் படிக்க | பல்லு போனா சொல்லு போச்சு! பற்களின் ஆரோக்கியம் பற்றிய இந்த கேள்வி உங்களுக்கு இருக்கா?

4. கீரை

வைட்டமின் கே -வின் சிறந்த ஆதாரமான கீரை வகைகள் பிளேட்லெட் எண்ணிக்கையை நேரடியாக உயர்த்தாது, ஆனால் இரத்த அணுக்கள் நன்றாக உறைவதற்கு இவை உதவும். டெங்கு நோயாளிகளுக்கு கீரை மற்ற முக்கிய நன்மைகளையும் வழங்குகிறது. கீரையில் அதிக அளவு இரும்புச்சத்து, ஃபோலேட் மற்றும் ஒமேகா 3 கொழுப்பு அமிலங்கள் உள்ளன. இவை அழற்சிக்கு சார்பான சைட்டோகைன்களை அடக்கி உடல் முழுவதும் வீக்கத்தைக் குறைக்க உதவுகின்றன. கூடுதலாக, கீரை வைரஸால் ஏற்படும் ஆண்டிஆக்சிடெண்ட் அழுத்தத்திலிருந்து பாதுகாக்க உதவுகிறது மற்றும் சோர்வு மற்றும் பலவீனம் போன்ற அறிகுறிகளில் இருந்து விரைவாக மீள உதவுகிறது.

5. பீட்ரூட்

பீட்ரூட்டில் அதிக அளவு இரும்புச்சத்து மற்றும் ஃபோலிக் அமிலம் உள்ளன. அவை இரத்த சிவப்பணுக்களின் உற்பத்திக்கு அவசியமானவை. கூடுதலாக, பீட்ரூட்டில் நச்சு நீக்கும் பண்புகள் உள்ளன. இது உங்கள் கல்லீரலை சுத்தப்படுத்தவும், அதன் செயல்பாட்டை மேம்படுத்தவும் உதவுகிறது. மேலும் டெங்கு தொடர்பான அழற்சியின் காரணமாக உடலில் உள்ள பிளேட்லெட்டுகளின் ஃப்ரீ ரேடிக்கல் சேதத்தைத் தடுக்கிறது. பீட்ரூட் ரத்தக்கசிவு அளவுருக்களை பராமரிக்க உதவுகிறது, இருப்பினும் பிளேட்லெட் அளவுகளில் நேரடி தாக்கம் இல்லை.

6. சிட்ரஸ் பழங்கள்

ஆரஞ்சு, நெல்லிக்காய், எலுமிச்சை போன்ற சிட்ரஸ் பழங்களில் வைட்டமின் சி நிறைந்துள்ளது. இது நோய் எதிர்ப்பு சக்தியை பலப்படுத்துகிறது. டெங்கு காய்ச்சலுக்கான பிளேட்லெட்டுகளுடன் இரத்த ஓட்டத்தை துரிதப்படுத்துகிறது. இதன் மூலம் இது இரத்தப்போக்கு அபாயத்தைக் குறைத்து பிளேட்லெட் மாற்றத்தின் தேவையையும் குறைக்கிறது

7. பூசணி

பூசணியில் வைட்டமின் ஏ மற்றும் பீட்டா கரோட்டின் போன்ற ஆண்டிஆக்சிடெண்டுகள் நிறைந்துள்ளன. இது உடலில் வீக்கம் மற்றும் ஆக்ஸிஜனேற்ற அழுத்தத்தை எதிர்த்துப் போராடும்.

மேலும் படிக்க | தொப்பை கொழுப்பு கரைய, உடல் எடை குறைய... இந்த ‘மேஜிக்’ உணவுகள் உதவும்

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ