ஏர் இந்தியா விமானத்தில் பெண் ஒருவர் மீது சிறுநீர் கழித்ததாக குற்றம் சாட்டப்பட்ட சங்கர் மிஸ்ரா, டெல்லி காவல்துறையால் கைது செய்யப்பட்டுள்ளார். பெங்களூருவை சேர்ந்த சங்கர் மிஸ்ராவை டெல்லி போலீசார் கைது செய்து டெல்லிக்கு போலீசார் அழைத்து வந்தனர். குற்றம் சாட்டப்பட்ட சங்கர் மிஸ்ரா இன்று நீதிமன்றத்தில் ஆஜர்படுத்தப்படுகிறார். குற்றம் சாட்டப்பட்ட சங்கர் மிஸ்ரா மீது முக்கிய நடவடிக்கை எடுக்கப்பட்டு வருகிறது. விசாரணைக்காக போலீஸ் காவலில் வைக்கப்படுவார் எனவும் கூறப்படுகிறது. விமான பயணத்தில் ஒரு வயதான பெண்ணுடன் அநாகரீகமாக நடந்து கொண்டதாகக் குற்றம் சாட்டப்பட்ட சங்கர் மிஸ்ராவை, முன்னதாக அவரது நிறுவனம் பணி நீக்கம் செய்தது. அதேநேரம், தனது மகன் பொய் வழக்கில் சிக்க வைக்கப்படுவதாக குற்றம்சாட்டப்பட்டவரின் தந்தை தெரிவித்துள்ளார்.
சங்கர் மிஸ்ரா கைது
குற்றம் சாட்டப்பட்ட ஷங்கர் மிஸ்ரா முன்ஜாமீன் தாக்கல் செய்ய நடவடிக்கை மேற்கொண்டு வந்தார். ஷங்கர் மிஸ்ரா நீதிமன்றத்தில் முன்ஜாமீன் மனு தாக்கல் செய்ய இருந்தார். விமானத்தில் இருந்த பெண்ணிடம் தவறாக நடந்து கொண்டதாக கூறப்படுகிறது. குற்றவாளி சங்கர் மிஸ்ராவை தேடும் பணியில் போலீசார் தொடர்ந்து ஈடுபட்டு வந்த நிலையில், தற்போது அவர் கைது செய்யப்பட்டுள்ளார்.
மேலும் படிக்க | போதையில் பெண் மீது சிறுநீர் கழித்த பயணிக்கு 30 நாள் தடை விதித்தது ஏர் இந்தியா!
விமானத்தில் நடந்த அவமானகரமான சம்பவம்
நவம்பர் 26 அன்று, நியூயார்க்கில் இருந்து டெல்லிக்கு வந்து கொண்டிருந்த ஏர் இந்தியா விமானத்தில் ஒரு அவமானகரமான சம்பவம் நடந்தது. ஏர் இந்தியா விமானத்தின் வணிக வகுப்பில் பயணித்த குடிபோதையில் வயதான பெண் ஒருவர் சிறுநீர் கழித்துள்ளார். குற்றம் சாட்டப்பட்ட இளைஞரின் பெயர் சங்கர் மிஸ்ரா மற்றும் அவர் பன்னாட்டு நிறுவனத்தில் பணிபுரிந்து வந்தார்.
விமான குழு உறுப்பினரிடம் புகார்
பாதிக்கப்பட்ட பெண், விமான குழு உறுப்பினரிடம் புகார் அளித்ததாகவும், தனது உடைகள், காலணிகள் மற்றும் உடமைகளில் சிறுநீர் கறை படிந்திருப்பதாகவும் கூறினார். ஆனால் விமானக் குழு உறுப்பினர் அவரது பொருட்களை தொட மறுத்துவிட்டார். இருப்பினும், விமான குழு உறுப்பினர் பெண்ணின் உடைமைகள் மற்றும் காலணிகளை கிருமி நீக்கம் செய்து, வேறு உடை மற்றும் காலுறைகளைக் கொடுத்தார்.
பாதிக்கப்பட்ட பெண் அதிருப்தி
பாதிக்கப்பட்ட பெண் பயணி, குழு உறுப்பினரின் அணுகுமுறையால் அதிருப்தி அடைந்தார். தரையிறங்கிய பிறகு, குற்றம் சாட்டப்பட்ட சங்கர் மிஸ்ராவை கைது செய்ய வேண்டும் என்று அந்தப் பெண் விரும்பினார். ஆனால் விமான ஊழியர்கள், மன்னிப்பு கேட்டு, விஷயத்தை தீர்த்து வைத்தனர். பயணிகளின் மரியாதை மற்றும் பாதுகாப்பை ஏர் இந்தியா விமானக் குழுவினர் கவனிக்கத் தவறியதாக அந்தப் பெண் குற்றம் சாட்டியுள்ளார். அதன்பிறகு நவம்பர் 27 அன்று அந்தப் பெண் டாடா குழுமத் தலைவர் என். சந்திரசேகரனிடம் புகார் அளித்தார்.
மேலும் படிக்க | விமானத்தில் தொடரும் ‘சிறுநீர்’ பிரச்சனை! போதையில் பயணி நடத்திய அட்டூழியம்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
