சாம்பியன்ஸ் டிராபி 2025 தொடர் நேற்று (பிப்.19) பாகிஸ்தானில் தொடங்கியது. நேற்றைய போட்டியில் பாகிஸ்தான் - நியூசிலாந்து அணிகள் மோதின. இந்த நிலையில், இன்று (பிப்.20) இந்திய அணி வங்கதேசம் அணியை எதிர்கொள்கிறது.
இந்தியா - வங்கதேசம் அணிகளுக்கான சாம்பியன்ஸ் டிராபி போட்டி இன்று (பிப்.20) துபாயில் நடைபெறுகிறது. இப்போட்டியில் இந்திய அணிக்கான பிளேயிங் 11 என்ன? எந்த வீரர்களுக்கு வாய்ப்பு அளிக்கப்படுகிறது என்பதை இங்கு பார்க்கலாம்.
இந்திய அணியின் கேப்டன் ரோகித் சர்மா தொடக்க வீரராக இப்போட்டியில் களம் இறங்குவார்.
இந்திய அணியின் துணை கேப்டனான சுப்மன் கில், கேப்டன் ரோகித் சர்மாவுடன் களம் இறங்குவார்.
அணியின் நட்சத்திர வீரரான விராட் கோலி இப்போட்டியில் ஒன் - டவுனில் களம் இறங்குவார்.
ஒருநாள் போட்டியில் சிறப்பாக விளையாடி வரும் ஸ்ரேயாஸ் ஐயர் 4வது இடத்தில் களம் இறங்குவார்.
விக்கெட் கீப்பர் இடத்திற்கு ரிஷப் பந்திற்கும், கே.எல்.ராகுல் இடையேயும் போட்டி நிலவி வருகிறது. ஆனால் 5வது இடத்தில் கே.எல்.ராகுல் சிறப்பாக விளையாடுவதால் அவரே களம் இறக்கப்படுவார் என எதிர்பார்க்கப்படுகிறது.
இந்திய அணியின் நட்சத்திர ஆல் ரவுண்டரான ஹர்திக் பாண்டியா, இப்போட்டியில் கே.எல்.ராகுலுக்கு அடுத்ததாக களம் இறக்கப்படலாம்.
சுழற் பந்து வீச்சாளர் அக்சர் பட்டேல் பேட்டிங்கிலும் சிறந்து விளங்குவதால், அவர் பிளேயிங் 11-ல் இடம் பெற வாய்ப்புள்ளது. இவர் 5வது இடத்திலும் பேட்டிங் செய்ய அதிக வாய்ப்புள்ளது.
ரவீந்திர ஜடேஜா இந்தியாவின் பல இக்கட்டான சூழ்நிலைகளில் வீக்கெட் மற்றும் ரன்களை அடித்து காப்பாற்றி இருக்கிறார். அந்த வகையில், இவர் பிளேயிங் 11ல் இடம் பெற வாய்ப்புள்ளது.
இந்திய அணியின் சூழற்பந்து வீச்சாளரான குல்தீப் யாதவ், இப்போட்டியில் இடம் பெற வாய்ப்புள்ளது.
வேகப்பந்து வீச்சாளரான முகமது ஷமி, இந்திய அணியின் முன்னணி பவுலராக திகழ்கிறார். அணியின் பும்ரா இல்லாத நிலையில், இவர் மீது அதிக எதிர்பார்ப்பு உள்ளது.
இடது கை வேகப்பந்து வீச்சாளரான அர்ஷ்தீப் சிங் சமீபமாக இந்திய அணிக்காக சிறப்பாக பந்து வீசி வருகிறார். அந்த வகையில், இவர் பிளேயிங் 11ல் இடம் பெற வாய்ப்புள்ளது.
