ஒரு நாளைக்கு ஒருவர் எவ்வளவு உப்பு சாப்பிடலாம்? WHO முக்கிய அறிவிப்பு

Salt Intake Guidelines | உணவில் அதிக உப்பை சேர்ப்பது ஆரோக்கியத்துக்கு கேடு விளைவிக்கலாம் என்பதால், உலக சுகாதார அமைப்பு (WHO) அதற்கான புதிய வழிகாட்டுதல்களை வெளியிட்டுள்ளது. WHO குறிப்பிட்டது போல, ஒரு நாளைக்கு அதிகபட்சம் 5 கிராம் மட்டுமே உப்பு உணவில் சேர்க்க வேண்டும். ஆனால் இந்தியர்கள் பொதுவாக தினசரி 10 கிராம் வரை உப்பு எடுத்துக் கொள்கிறார்கள், இது பல ஆரோக்கிய சிக்கல்களுக்கு வழிவகுக்கும்.

எந்த உப்பு சாப்பிட வேண்டும்?

WHO வழிகாட்டுதலின்படி, பொதுவாக பயன்படுத்தப்படும் டேபிள் சால்ட்க்கு பதிலாக, குறைவான சோடியம் மற்றும் அதிகமான பொட்டாசியம் கொண்ட உப்பு பயன்படுத்தலாம். இதனால், ரத்த அழுத்தம் கட்டுப்பாட்டில் இருக்கும் மற்றும் இதய நோய்கள் ஏற்படும் அபாயம் குறையும்.

அதிக உப்பு சாப்பிட்டால் என்ன பாதிப்பு?

* உயர் ரத்த அழுத்தம் (Hypertension)

* இதய நோய்கள் மற்றும் மாரடைப்பு அபாயம்

* கிட்னி, கல்லீரல் செயலிழப்பு

* உடலில் நீர் சோகுதல் மற்றும் டிஹைட்ரேஷன்

* எலும்புகள் பலவீனமடைதல்

குழந்தைகள் மற்றும் கர்ப்பிணி பெண்கள் எந்த உப்பு சாப்பிடலாம்?

WHO தெரிவிப்பதாவது, குழந்தைகள், கர்ப்பிணி பெண்கள் மற்றும் சிறுநீரக கோளாறுகள் உள்ளவர்களுக்கு பொதுவாக பயன்படுத்தப்படும் உப்பு சரியாக இருக்கும், குறைவான சோடியம் கொண்ட உப்பு அவசியம் அல்ல.

இந்தியர்களுக்கு WHO விதிகள் ஏன் முக்கியம்?

இந்தியர்களின் உணவுப் பழக்க வழக்கங்களில் உப்பு மிக முக்கிய இடம் பிடித்திருப்பதால், அதிக உப்பின் விளைவுகளைத் தவிர்க்க WHO கூறும் இந்த புதிய வழிகாட்டுதல்கள் கடைபிடிக்க வேண்டும். குறைவான சோடியம் கொண்ட உப்பு உணவுக்கு ஏற்றது மற்றும் ஆரோக்கியத்தையும் பாதுகாக்கும்.

மேலும் படிக்க | 85 கிலோ அப்போ, 58 கிலோ இப்போ...! இஞ்சி இடுப்பழகுக்கு அந்த பெண்ணே சொல்லும் 5 டிப்ஸ்

அதிக உப்பு உடலில் உள்ளதை காட்டும் மிக முக்கிய அறிகுறிகள்

1. அதிக தாகம் (Extreme Thirst)

உடலில் அதிக உப்பு சேரும்போது, நீர் இழப்பு அதிகமாகும். இதன் காரணமாக தாகம் அதிகரிக்கும், மேலும் அதிகமாக தண்ணீர் குடிக்க வேண்டிய நிலை உருவாகும்.

2. முகம் மற்றும் கை, கால் வீக்கம் (Swelling - Edema)

உடலில் நீர் சேர்த்து வைக்கும் திறனை அதிகரிக்கும் என்பதால், முகம், கை, கால்களில் வீக்கம் (Edema) ஏற்படும்.

3. உயர் ரத்த அழுத்தம் (High Blood Pressure)

உப்பில் உள்ள சோடியம் ரத்தக்குழாய்களில் நீரை அதிகமாக சேர்த்து, ரத்த அழுத்தத்தை உயர்த்தும். இது மாரடைப்பு மற்றும் ஸ்ட்ரோக் அபாயத்தை அதிகரிக்கலாம்.

4. தலைவலி (Headache)

உடலில் நீர்சத்து குறைவதால் டிஹைட்ரேஷன் (Dehydration) ஏற்பட்டு, திடீரென தலைவலி அதிகரிக்கலாம்.

5. சிறுநீர் வெளியேற்றம் அதிகரித்தல் (Frequent Urination)

உடலில் சேரும் அதிக உப்பை வெளியேற்ற சிறுநீரகங்கள் அதிக வேலை செய்யும். இதனால் சிறுநீர் அடிக்கடி வெளியேறும்.

6. எலும்பு பலவீனம் (Bone Weakness - Osteoporosis)

அதிக உப்பு சாப்பிடுவதால் கால்சியம் குறைபாடு ஏற்பட்டு, எலும்புகள் மெலிவதோடு, உடைந்துவிடும் அபாயமும் அதிகரிக்கலாம்.

7. வயிற்றுப்போக்கு அல்லது மலச்சிக்கல் (Digestive Issues)

சிலருக்கு அதிக உப்பு உட்கொள்வதால் வயிற்றுப்போக்கு ஏற்படலாம், சிலர் மலச்சிக்கலால் பாதிக்கப்படலாம்.

8. இதய நோய்கள் அபாயம் (Heart Disease & Stroke)

நீண்ட காலம் அதிக உப்பு சாப்பிடுவோர் கொலஸ்ட்ரால் அதிகரிப்பு, இதய கோளாறு, மாரடைப்பு, ஸ்ட்ரோக் போன்ற அபாயங்களை சந்திக்கலாம்.

9. சிறுநீரக செயலிழப்பு (Kidney Damage)

சிறுநீரகங்கள் அதிக உப்பை வடிகட்ட முடியாமல் போனால் கிட்னி ஸ்டோன், சிறுநீரக செயலிழப்பு ஏற்படும்.

10. மனநிலை மாற்றம் மற்றும் குணம் மாறுதல் (Mood Swings & Irritability)

உடலில் நீர் சமநிலை பாதிக்கப்படும்போது மனஅழுத்தம், கவலை, கோபம், மனநிலை மாறுதல் போன்ற விளைவுகள் ஏற்படலாம்.

தவிர்க்கும் வழிகள்:

* தினசரி 5 கிராம் (ஒரு டீஸ்பூன்) மட்டுமே உப்பு எடுத்துக் கொள்ளவும்.

* அதிக உப்பு உள்ள ஜங்க் உணவுகள், பாக்கெட் ச்னாக்ஸ், பிகில்ஸ் போன்றவற்றை குறைக்கவும்.

* நிறைய தண்ணீர் குடிக்கவும்.

* நாட்டு உப்பு அல்லது குறைந்த சோடியம் உள்ள உப்பு பயன்படுத்தவும்.

உங்கள் உடலில் மேலே கூறிய அறிகுறிகள் காணப்பட்டால், உடனே உப்பின் அளவை குறைத்து மருத்துவரை அணுகுவது நல்லது.

 

மேலும் படிக்க | 100 நாள்களில் 24 கிலோவை குறைத்த பெண்... கொழுப்பை கரைத்த காலை உணவு என்ன தெரியுமா?

சார்பில்லாத சமரசமில்லாத செய்திகள் உங்கள் உள்ளங்கைகளில்!