7th Pay Commission, DA Hike: மத்திய அரசு ஊழியர்கள் ஜனவரி 2025 -க்கான அகவிலைப்படி உயர்வு குறித்த அறிவிப்புக்காக காத்திருக்கிறார்கள். 7வது சம்பளக் குழுவின் பரிந்துரைகளின் படி, இந்த முறை அகவிலைப்படி 3% அதிகரிக்கப்படும் என எதிர்பார்க்கப்படுகின்றது. இது நடந்தால் மத்திய அரசு ஊழியர்கள் மற்றும் ஓய்வூதியதாரர்களுக்கு அது மிகப்பெரிய நல்ல செய்தியை அளிக்கும்.
Dearness Allowance: அகவிலைப்படி அதிகரிப்பு
அகவிலைப்படி 3% அதிகரிக்கப்பட்டால், மத்திய அரசு ஊழியர்களின் மொத்த அகவிலைப்படி மற்றும் ஓய்வூதியதாரர்களின் அகவிலை நிவாரணம் (Dearness Relief) ஆகியவை 56% ஆக அதிகரிக்கும். இது ஜனவரி 2025 -க்கான டிஏ உயர்வாக இருக்கும். எனினும் இதற்கான அறிவிப்பு மார்ச் மாதம் வரும் என எதிர்பார்க்கப்படுகின்றது.
அகவிலைப்படி என்றால் என்ன?
கவிலைப்படி (DA) என்பது மத்திய மற்றும் மாநில அரசு ஊழியர்கள், ஓய்வூதியதாரர்கள் மற்றும் குடும்ப ஓய்வூதியதாரர்களுக்கு வழங்கப்படும் ஒரு வகையான கொடுப்பனவாகும். தொடர்ந்து அதிகரிக்கும் பணவீக்கம் விலைவாசி ஆகியவற்றை ஈடுசெய்ய, வாழ்க்கைச் செலவுகளை சமாளிக்க உதவும் ஒரு கொடுப்பனவாக இது அளிக்கப்படுகின்றது.
AICPI Index: ஏஐசிபிஐ குறியீட்டு எண்கள்
ஆண்டுக்கு இரண்டு முறை அகவிலைப்படி மாற்றப்படுகின்றது. ஜனவரி மற்றும் ஜூலை மாதங்களில் இந்த திருத்தங்கள் அமலுக்கு வருகின்றன. அத்தியாவசிய பொருட்கள் மற்றும் சேவைகளுக்கான விலை மாற்றங்களின் அளவீடான தொழில்துறை தொழிலாளர்களுக்கான அகில இந்திய நுகர்வோர் விலைக் குறியீட்டின் (AICPI-IW) அடிப்படையில் அகவிலைப்படி தீர்மானிக்கப்படுகிறது. முந்தைய ஆண்டின் ஜூலை முதல் டிசம்பர் வரையிலான ஏஐசிபிஐ குறியீட்டு எண்களின் அடிப்படையில் ஜனவரி மாத அகவிலைப்படியும், ஜனவரி முதல் ஜூன் மாதம் வரையிலான ஏஐசிபிஐ குறியீட்டு எண்களின் அடிப்படையில் ஜூன மாத அகவிலைப்படியும் தீர்மானிக்கப்படுகின்றன.
DA Hike: டிஏ உயர்வு ஏன் முக்கியமாகிறது?
அரசு ஊழியர்களின் சம்பளம் மற்றும் ஓய்வூதியதாரர்களின் வருமானத்தில் அகவிலைப்படி ஒரு முக்கிய அங்கமாக உள்ளது. இது நாளுக்கு நாள் அதிகரிக்கும் செலவுகளுக்கு மத்தியில் அவர்களது வாங்கும் சக்தியைப் பராமரிக்க உதவுகிறது.
Dearness Allowance Calculation: அகவிலைப்படி எவ்வாறு கணக்கிடப்படுகிறது?
அகவிலைப்படி கணக்கீடு, தொழிலாளர் அமைச்சகம் மூலம் வெளியிடப்படும் AICPI-IW தரவுகளுடன் நேரடியாக தொடர்புகொண்டுள்ளது. இதற்கான செயல்முறையை இங்கே காணலாம்.
AICPI தரவு சேகரிப்பு:
- நுகர்வோர் விலைகளில் ஏற்படும் மாற்றங்களை பிரதிபலிக்கும் வகையில், AICPI-IW தொழிலாளர் பணியகத்தால் மாதந்தோறும் புதுப்பிக்கப்படுகிறது.
- உதாரணமாக, நவம்பர் 2024 இன் குறியீடு 144.5 புள்ளிகளாக இருந்தது. இது 3% டிஏ அதிகரிப்பை ஆதரிக்கும் ஒரு நிலையான எண்ணிக்கையாக பார்க்கப்படுகின்றது.
DA Formula: டிஏ சூத்திரம்:
- DA = [(AICPI – 115.76) / 115.76] × 100
- அகவிலைப்படி சதவீதத்தை தீர்மானிக்க இந்த எண் அருகிலுள்ள முழு எண்ணுக்கு மாற்றப்பட்டு முழுமையாக்கப்படுகிறது.
- டிசம்பர் 2024 க்கான இறுதி செய்யப்பட்ட AICPI தரவு 3% உயர்வை உறுதிப்படுத்தும், இது புதிய DA விகிதத்தை 56% ஆக மாற்றும்.
முன்மொழியப்பட்ட 3% டிஏ உயர்வின் தாக்கம் என்னவாக இருக்கும்?
ஜனவரி 2025 -இல் அகவிலைப்படி 53% இலிருந்து 56% ஆக அதிகரிக்கும் என எதிர்பார்க்கப்படுகிறது. இது நடந்தால், இதனால் 47.58 லட்சத்திற்கும் அதிகமான மத்திய அரசு ஊழியர்களுக்கும் 69.76 லட்சத்திற்கும் அதிகமான ஓய்வூதியதாரர்களுக்கும் பெரிய நிவாரணத்தை அளிக்கும்.
Salary Hke for Central Government Employees: மத்திய அரசு ஊழியர்களுக்கான நன்மை
- ரூ.18,000 அடிப்படை ஊதியம் பெறும் ஊழியர்களுக்கு மாதந்தோறும் அகவிலைப்படி ரூ.9,540 =இலிருந்து ரூ.10,080 ஆக உயரும்.
- இதன் விளைவாக மாதத்திற்கு ரூ.540 அதிகரிப்பு ஏற்படும்.
- அடிப்படை ஊதியம் அதிகமாக உள்ளவர்களுக்கு இன்னும் அதிக உயர்வு இருக்கும். உதாரணமாக, ரூ.25,000 அடிப்படை ஊதியம் உள்ளவர்களிக்கு மாதத்திற்கு அகவிலைப்படி ரூ.750 அதிகரிக்கும்.
- அடிப்படை ஊதியம் ரூ.50,000 உள்ளவர்களுக்கு மாதத்திற்கு அகவிலைப்படி ரூ1,500 உயரும்.
Pension Hike for Pensioners: ஓய்வூதியதாரர்களுக்கான நன்மை
- ஓய்வூதியதாரர்களுக்கும் அகவிலைப்படி நிவாரணத்தில் (DR) சமமான அதிகரிப்பு கிடைக்கும். இது அவர்களின் வருமானம் பணவீக்கத்திற்கு ஏற்ப இருப்பதை உறுதி செய்யும்.
- ரூ.30,000 மாதாந்திர அடிப்படை ஓய்வூதியம் பெறும் ஓய்வூதியதாரர்களுக்கு அகவிலை நிவாரணத்தில் (DR) ரூ.900 அதிகரிப்பு கிடைக்கும்.
DA Arrears: ஜனவரி மற்றும் பிப்ரவரி 2025க்கான டிஏ அரியர் தொகை
இந்த அகவிலைப்படி உயர்வு ஜனவரி 1, 2025 முதல் அமலுக்கு வருவதால், மார்ச் 2025 இல் திருத்தப்பட்ட கொடுப்பனவுகளுடன் ஊழியர்கள் மற்றும் ஓய்வூதியதாரர்கள் ஜனவரி மற்றும் பிப்ரவரி மாதங்களுக்கான நிலுவைத் தொகையையும் பெறுவார்கள்.
மேலும் படிக்க | டோல்கேட்டில் புதிய நடைமுறை! இனி ஒவ்வொரு முறையும் பணம் செலுத்த வேண்டாம்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
