Champions Trophy 2025 साठी यजमान पाकिस्तानचा संघ जाहीर, 'या' खेळाडूकडे कर्णधारपद, भारतासोबत मॅच कधी?
Champions Trophy 2025 : चॅम्पियन्स ट्रॉफी सुरु होण्यासाठी अवघे काही दिवस शिल्लक असताना यजमान पाकिस्तानने त्यांचा संघ जाहीर केला आहे.
)
Champions Trophy 2025 : 19 फेब्रुवारी पासून आयसीसी चॅम्पियन्स ट्रॉफीला (Champions Trophy) सुरुवात होणार आहे. जवळपास 8 वर्षांनी आयोजित करण्यात आलेय चॅम्पियन्स ट्रॉफीमध्ये यंदा 8 संघ सहभागी झाले असून ही स्पर्धा हायब्रीड पद्धतीने पाकिस्तान आणि दुबई मध्ये खेळवली जाणार आहे. भारत त्यांचे सर्व सामने दुबईत खेळेल तर इतर सर्व सामने हे पाकिस्तानातील दोन शहरांमध्ये खेळवले जातील. चॅम्पियन्स ट्रॉफी सुरु होण्यासाठी अवघे काही दिवस शिल्लक असताना यजमान पाकिस्तानने (Pakistan) त्यांचा संघ जाहीर केला आहे.
यंदा चॅम्पियन्स ट्रॉफीमध्ये सहभागी होणाऱ्या जवळपास सर्व देशांनी आपले संघ जाहीर केले होते. मात्र यजमान पाकिस्तानने त्यांचा संघ जाहीर केला नव्हता. अखेर शुक्रावर 31 जानेवारी रोजी संध्याकाळी पाकिस्तानने चॅम्पियन्स ट्रॉफीसाठी आपला संघ जाहीर केला. पाकिस्तानच्या संघाचं कर्णधारपद मोहम्मद रिझवानकडे देण्यात आलं असून चॅम्पियन्स ट्रॉफी आधी पाकिस्तानचा हाच संघ लाहोर आणि कराची येथे न्यूझीलंड आणि दक्षिण आफ्रिकेची त्रिकोणी एकदिवसीय मालिका खेळेल. टीममध्ये कोणतेही बदल करण्यासाठी पीसीबीकडे 11 फेब्रुवारीपर्यंत वेळ आहे.
हेही वाचा : धोनीचा उत्तराधिकारी असणाऱ्या ऋतुराज गायकवाडची संपत्ती किती? कार कलेक्शन पाहून तर डोळे फिरतील
पाकिस्तानच्या संघात फलंदाज म्हणून बाबर आजम, फखर जमान, कामरान गुलाम, सऊद शकील, तैय्यब ताहिर यांचा समावेश करण्यात आलाय. तर फहीम अशरफ, खुशदिल शाह, सलमान अली आगा या ऑल राउंडरला संधी देण्यात आलीये. संघात विकेटकिपर म्हणून मोहम्मद रिज़वान आणि उस्मान खान यांचा समावेश आहे. वेगवान गोलंदाजीची कमान हारिस रऊफ, मोहम्मद हसनैन, नसीम शाह, शाहीन शाह अफरीदी यांच्याकडे देण्यात आली असून फिरकीपटू म्हणून अबरार अहमद याचा समावेश करण्यात आलेला आहे.
PAKISTAN SQUAD FOR CHAMPIONS TROPHY 2025:
Rizwan (C), Babar, Fakhar, Kamran Ghulam, Shakeel, Tahir, Faheem, Khushdil Shah, Salman Ali Agha, Usman Khan, Abrar, Rauf, Hasnain, Naseem, Shaheen. pic.twitter.com/sUBjyG9hYm
— Johns. (CricCrazyJohns) January 31, 2025
चॅम्पियन्स ट्रॉफीचे दोन ग्रुप :
ग्रुप ए - पाकिस्तान, भारत, न्यूझीलंड, बांग्लादेश
ग्रुप बी - दक्षिण अफ्रीका, ऑस्ट्रेलिया, अफगानिस्तान, इंग्लंड
पाकिस्तानचा संघ :
मोहम्मद रिझवान (कर्णधार), बाबर आझम, फखर जमान, कामरान गुलाम, सऊद शकील, तैय्यब ताहिर, फहीम अशरफ, खुशदिल शाह, सलमान अली आगा (उपकर्णधार) , उस्मान खान, अबरार अहमद, हारिस रौफ, मोहम्मद हसनैन, नसीम शाह, शाहीन शाह अफरीदी
टीम इंडिया ग्रुप स्टेज सामने :
20 फेब्रुवारी : गुरुवार - भारत विरुद्ध बांगलादेश - ठिकाण : दुबई
23 फेब्रुवारी : रविवार - भारत विरुद्ध पाकिस्तान - ठिकाण : दुबई
2 मार्च : रविवार - भारत विरुद्ध न्यूझीलंड - ठिकाण : दुबई