शिवसेना राष्ट्रवादीला मोठा झटका! पालकमंत्री नसलेल्या जिल्ह्यात भाजपचे संपर्कमंत्री

BJP to appoint Sampark Pramukhs : महायुती सरकारमधे आता एका नव्या मुद्यावरुन संघर्षाला तोंड फुटलंय. भाजपनं त्यांच्या पक्षाचा पालकमंत्री नसलेल्या जिल्ह्यात संपर्कमंत्री नेमण्यास सुरुवात केलीय. सरकार आणि संघटनेत समन्वयासाठी ही संपर्कमंत्री नेमल्याचं सांगण्यात येतंय. जिथं राष्ट्रवादी आणि शिवसेनेचे पालकमंत्री आहेत तिथं आता भाजपचा संपर्कमंत्री असणार आहे.

उपमुख्यमंत्री अजित पवार पालकमंत्री असलेल्या बीडमध्ये पंकजा मुंडे तर एकनाथ शिंदेंच्या ठाण्यात गणेश नाईक यांच्यावर जबाबदारी देण्यात आल्यानं सगळेच आश्चर्यचकीत झालेत. भाजपनं नेमलेल्या संपर्कमंत्र्यांमुळं शिवसेना सावध झालीय. 

हे देखील वाचा... महाराष्ट्रातील 13 बड्या IAS अधिकाऱ्यांच्या तडकाफडकी बदल्या; मंत्रालयात दुसऱ्यांदा अधिकाऱ्यांच्या बदलीचा धडाका

शिवसेनाही भाजपचे पालकमंत्री आहेत त्या जिल्ह्यात संपर्कमंत्री नेमणार असल्याची घोषणा लागलीच शिवसेनेनं केलीय. सहपालकमंत्रिपदावरुन महायुतीत नाराजी पाहायला मिळाली होती. आता संपर्कमंत्रीपदावरुनही महायुतीत रणकंदन होण्याची शक्यता नाकारता येत नाही.

भाजपच्या संपर्कमंत्र्यांची यादी

पंकजा मुंडे - बीड
गणेश नाईक - ठाणे
अतुल सावे - संभाजीनगर
चंद्रकांत पाटील - पुणे
माधुरी मिसाळ - कोल्हापूर
आशिष शेलार -रत्नागिरी
गिरीश महाजन - जळगाव
जयकुमार रावल - नंदुरबार
मंगलप्रभात लोढा - मुंबई शहर
अशोक उईके - यवतमाळ
जयकुमार गोरे - धाराशिव
मेघना बोर्डीकर - हिंगोली
आकाश फुंडकर - बुलढाणा
पंकज भोयर - गोंदिया
राधाकृष्ण विखे पाटील - वाशीम