Adipurush Special Poster: శ్రీరామ నవమి స్పెషల్ పోస్టర్ రిలీజ్..సీతా లక్ష్మణ సమేతుడిగా రామ్!

Adipurush Sirama Navamani Special Poster: శ్రీ రామనవమి సంధర్భంగా ప్రభాస్ హీరోగా నటిస్తున్న ఆదిపురుష్ సినిమా నుంచి ఒక స్పెషల్ పోస్టర్ రిలీజ్ చేశారు. ఆ వివరాలు  

Written by - Chaganti Bhargav | Last Updated : Mar 30, 2023, 07:17 AM IST
Adipurush Special Poster: శ్రీరామ నవమి స్పెషల్ పోస్టర్ రిలీజ్..సీతా లక్ష్మణ సమేతుడిగా రామ్!

Prabhas Adipurush Sirama Navamani Special Poster: ప్రభాస్ హీరోగా ఆది పురుష్ అనే ఒక అద్భుతమైన దృశ్య కావ్యం తెరకెక్కుతున్న సంగతి తెలిసిందే. రామాయణ మహా గాథను ఆధారంగా చేసుకుని ఈ సినిమాని బాలీవుడ్ డైరెక్టర్ ఓం రౌత్ తెరకెక్కించారు. స్వయంగా ఆయనే రాసుకుని డైరెక్ట్ చేసిన ఈ సినిమాని టి సిరీస్ సంస్థతో పాటు రెట్రో ఫైల్స్ అనే సంస్థ సహా నిర్మించింది. తెలుగు, హిందీ భాషలలో ఏకకాలంలో నిర్మించిన ఈ సినిమాని ఇతర భారతీయ భాషల్లో కూడా విడుదల చేస్తున్నారు.

ఈ సినిమాలో ప్రభాస్, కృతి సనన్, సైఫ్ అలీ ఖాన్ నటిస్తున్నారు. అలాగే సన్నీ సింగ్, వాత్సల్ సేథ్ వంటి వారు ఇతర కీలక పాత్రలలో నటిస్తున్నారు. ఈ సినిమాని కరోనా ఉధృతంగా ఉన్న ఆగస్టు 2020 వ సంవత్సరంలో ఒక అఫీషియల్ మోషన్ పోస్టర్ ద్వారా ప్రకటించారు. తర్వాత షూటింగ్ ఫిబ్రవరి 2021 లో మొదలై నవంబర్ 2021 లోనే పూర్తయింది.

ఆ తర్వాత నుంచి ఈ సినిమా పోస్టు ప్రొడక్షన్ పనులు జరుగుతూనే ఉన్నాయి. వాస్తవానికి ఈ సినిమా ముందే రిలీజ్ అవ్వాల్సింది కానీ 3d లో సినిమాను రిలీజ్ చేసేందుకు మరింత వాయిదా వేస్తూ వస్తున్నారు. అజయ్ అతుల్ ఈ సినిమాకి సంగీతం అందిస్తున్నారు. దాదాపు 550 కోట్ల బడ్జెట్ తో తెరకెక్కిన ఈ సినిమా ఇండియాలో తెరకెక్కుతున్న భారీ బడ్జెట్ సినిమాల్లో ఒకటిగా నిలిచింది.

అనేకసార్లు వాయిదా పడుతూ వచ్చిన ఈ సినిమా ఎట్టకేలకు జూన్ 16వ తేదీన విడుదల చేయాలని నిర్ణయం తీసుకున్నారు. తెలుగు, తమిళ, కన్నడ, మలయాళ, హిందీ భాషల్లో ఈ సినిమాని రిలీజ్ చేసేందుకు నిర్ణయం తీసుకున్నారు. అయితే శ్రీరామ నవమి సందర్భంగా ఈ సినిమా నుంచి అఫీషియల్ అప్డేట్ వచ్చేసింది. 

''Mantron se badhke tera naam Jai Shri Ram, मंत्रों से बढ़के तेरा नाम जय श्री राम ,మంత్రం కన్నా గొప్పది నీ నామం జై శ్రీరామ్ #JaiShriRam #RamNavmi'' అంటూ ఒక స్పెషల్ పోస్టర్ ను టీం ట్వీట్ చేసింది. ఆ పోస్టర్ లో రాముడిగా ప్రభాస్ సీతా లక్ష్మణ ఆంజనేయ సమేతుడిగా కనిపిస్తున్నారు. మీరూ చూసేయండి మరి. 

Also Read: Dasara Twitter Review: దమ్ము చూపిస్తున్న దసరా... నాని కెరీర్ బెస్ట్.. ప్లస్సులు, మైనస్సులు ఇవే?

Also Read: NTR 30: 'పవన్' ప్రాపర్టీ మీద కన్నేసిన ఎన్టీఆర్.. అసలు సంగతి ఇదా?

 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ -  https://bit.ly/3P3R74U 

ఆపిల్ లింక్ -  https://apple.co/3loQYe 

మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి  TwitterFacebook

 

 

Trending News

By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.

x