Director VN Aditya: డల్లాస్‌లో ఆడిషన్స్‌.. వీఎన్ ఆదిత్య సినిమాకు సూపర్ రెస్పాన్స్

Director VN Aditya New Movie: డైరెక్టర్ వీఎన్ ఆదిత్య కొత్త సినిమా అనౌన్స్ చేశారు. ఓఎంజీ ప్రొడక్షన్‌ హౌస్‌పై డాక్టర్‌ మీనాక్షి అనిపిండి నిర్మాత వ్యవహరిస్తున్నారు. ఈ సినిమాకు సంబంధించిన ఆడిషన్స్‌ను అమెరికాలోని డల్లాస్‌లో నిర్వహించగా.. సూపర్ రెస్పాన్స్ వచ్చింది.   

Written by - ZH Telugu Desk | Last Updated : Jul 9, 2024, 03:05 PM IST
Director VN Aditya: డల్లాస్‌లో ఆడిషన్స్‌.. వీఎన్ ఆదిత్య సినిమాకు సూపర్ రెస్పాన్స్

Director VN Aditya New Movie: మనసంతా నువ్వే, శ్రీరామ్, నేనున్నాను వంటి సూపర్ హిట్ సినిమాలతో తెలుగు ప్రేక్షకుల్లో మంచి గుర్తింపు తెచ్చుకున్నారు డైరెక్టర్ వీఎన్ ఆదిత్య. ఆయన సినిమా అంటే.. మంచి ఫీల్‌గుడ్ లవ్ స్టోరీ లేదా కమర్షియల్ హంగులతో సందేశాత్మక మూవీ అని ఆడియన్స్ ఫిక్స్ అయిపోతారు. ప్రేక్షకులు కుటుంబ సమేతంగా చూసే విధంగా రూపొందిస్తారు. ఎన్నో సక్సెస్‌ఫుల్ సినిమాలకు దర్శకత్వం వహించిన వీఎన్ ఆదిత్య.. గత కొంతకాలంగా వరుసగా ప్రాజెక్ట్‌లను తెరకెక్కించే పనిలో ఉన్నారు. ఆయన దర్శకత్వంలో రూపొందిన సినిమాలు వరుసగా విడుదలకు సిద్ధమవుతున్నాయి. ఈ నేపథ్యంలోనే ఆయనకు సంబంధించి మరో మూవీ అప్‌డేట్ వచ్చింది.

Also Read: Harish Shankar: ట్రోల్స్ కి పంచ్ ఇచ్చిన హరీష్ శంకర్.. కానీ ఎవరికి!

వీఎన్ ఆదిత్య డైరెక్షన్‌లో ఓఎంజీ ప్రొడక్షన్‌ హౌస్‌ అనే కొత్త నిర్మాణ సంస్థలో సినిమా రానుంది. ఈ మూవీని డాక్టర్‌ మీనాక్షి అనిపిండి నిర్మించనున్నారు. ఈ మేరకు ఇటీవల అమెరికాలోని టెక్సాస్ రాష్ట్రంలోని డల్లాస్ నగరంలో కొత్త మూవీ ప్రకటన చేశారు. ఈ సినిమా నిర్మాణం డల్లాస్‌లోనే జరుగుతుందని.. త్వరలోనే సెట్స్‌ మీదకు తీసుకువెళుతున్నట్లు మేకర్స్ ప్రకటించారు. తాజాగా ఈ సినిమాకు సంబంధించి నటీనటుల ఎంపిక కోసం ఓఎంజీ ప్రొడక్షన్‌ హౌస్‌ ఆడిషన్స్‌ నిర్వహించింది.

ఈ ఆడిషన్స్‌కు ప్రవాస భారతీయులతోపాటు అమెరికన్స్‌, స్పానిష్‌ పీపుల్‌, ఆఫ్రికన్స్‌, యూరోపియన్స్‌, ఏషియన్స్‌ వచ్చారు. తమిళ్‌, కన్నడ, తెలుగు భాషలకు చెందిన వారు ఆడిషన్స్‌కు ఎక్కువ ఆసక్తి చూపించారు. ఆడిషన్స్‌కు మంచి రెస్పాన్స్ రావడంతో డైరెక్టర్ వీఎన్ ఆదిత్య సంతోషం వ్యక్తం చేశారు. తమ కొత్త సినిమా మేం నిర్వహించిన ఆడిషన్స్ సూపర్ హిట్ అయిందన్నారు. సినిమాలో నటించేందుకు ఎక్కువమంది ఆసక్తి చూపించారని తెలిపారు. 

ప్రొడ్యూసర్ మీనాక్షి అనిపిండి మాట్లాడుతూ.. వీఎన్ ఆదిత్య మూవీ అంటేనే ఫీల్‌ గుడ్ సినిమాలకు చిరునామా అని చెప్పారు. ఆయన డైరెక్షన్‌లో తాను నిర్మాతగా తొలి సినిమా చేస్తుండడం సంతోషంగా ఉందన్నారు. సున్నితమైన భావోద్వేగాలతో సినిమా ఉంటుందన్నారు.  

Also Read: Abhishek Sharma Love Story: టీమ్ ఓనర్‌తోనే అభిషేక్ శర్మ డేటింగ్..? ట్రెండింగ్‌లో ఉన్న ఆమె ఎవరంటే..!

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

TwitterFacebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి 

Trending News

By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.

x