Suriya Next Movie Heroine Bhagyashri Borse : இந்த ஆண்டில், சூர்யாவின் சில படங்கள் அடுத்தடுத்து வெளியாகி அவருக்கு கம்-பேக் படங்களாக அமைய இருக்கிறது. இந்த நிலையில், அவரது அடுத்த படத்தை யார் இயக்கப்போவது மற்றும் அந்த படத்தில் அவருக்கு யார் ஜாேடி என்பது குறித்த தகவல்கள் தற்போது வெளியாகி இருக்கிறது.
சூர்யா நடிக்கும் 2 படங்கள்:
நடிகர் சூர்யா நடிப்பில் 2 ஆண்டுகளுக்கு பின்பு திரையரங்குகளில் வெளியான படம் ‘கங்குவா’. இந்த படம் அவரது படுத்து கிடந்த மார்கெட்டை காலி செய்யும் அளவிற்கான விமர்சனங்களுக்கு உள்ளானது. நல்ல வேலையாக இந்த படம் வெளிவருவதற்கு முன்னரே அவர் கார்த்திக் சுப்புராஜ் இயக்கத்தில் உருவான ‘ரெட்ரோ’ திரைப்படத்தில் நடித்து விட்டார். அதே போல ஆர்.ஜே.பாலாஜி இயக்கத்தில் உருவாகும் அவரது 45வது படத்திலும் நடித்து வருகிறார்.
இந்த இரண்டு படங்களும் அவருக்கு கம்-பேக் கொடுக்கும் படங்களாக அமையும் என எதிர்பார்க்கப்படுகிறது. இந்த வகையில், அவர் அடுத்து எந்த இயக்குநருடன் கைக்காேர்க்க போகிறார் என்ற எதிர்பார்ப்புகளும் எழுந்துள்ளது. அது குறித்த ஒரு தகவல்தான் தற்போது கோலிவுட் வட்டாரங்களில் வட்டமடித்து கொண்டிருக்கிறது.
சூர்யாவின் அடுத்த பட இயக்குநர்:
நடிகர் சூர்யா, அடுத்ததாக தெலுங்கு பட இயக்குநரான வெங்கி அட்லூரியுடன் கைக்கோர்க்க இருப்பதாக கூறப்படுகிறது. இவர், ஏற்கனவே தனுஷை வைத்து வாத்தி மற்றும் கடந்த ஆண்டு துல்கர் சல்மானை வைத்து லக்கி பாஸ்கர் போன்ற படங்களை இயக்கி ஹிட் இயக்குநராக மாறினார். இந்த நிலையில், இவர் சூர்யாவின் அடுத்த படத்தை இயக்க இருக்கிறார் என்பது ரசிகர்களை மகிழ்வித்துள்ளது.
ஹீரோயின் யார்?
வெங்கி அட்லூரி இயக்கத்தில் சூர்யா நடிக்கும் படத்தில் அவருக்கு ஜாேடியாக நடிக்கும் கதாநாயகி குறித்த தகவல்களும் தற்போது வைரலாகி வருகிறது. அந்த நாயகியின் பெயர் பாக்யஸ்ரீ போர்ஸ். இவர் ஏற்கனவே யாரியன் 2 என்ற படத்திலும், மிஸ்டர் பச்சன் என்ற படத்திலும் நடித்திருக்கிறார். சமீப காலமாக ட்ரெண்டிங்கில் இருக்கும் கதாநாயகிகளுள் இவரும் ஒருவர்.
சூர்யாவை விட ரொம்ப சின்னவர்..
ஹீரோக்கள், தங்களின் பாதி வயதில் கூட இல்லாத கதாநாயகர்களுடன் ஜோடி சேர்ந்து நடிப்பது என்பது புதிதான விஷயம் அல்ல. அதே கதைதான் தற்போது சூர்யா-பாக்கியஸ்ரீ இணைந்து நடிக்கும் படத்திலும் தொடர்கிறது. சூர்யாவிற்கு தற்போது 49 வயதாகிறது. ஆனால், அவருக்கு ஜோடியாக நடிக்க இருக்கும் பாக்கியாவிற்கோ வயது 25தான். இதனால், சூர்யா தன்னை விட 24 வயது குறைந்த நடிகையுடன் ஜோடி போட்டு நடிப்பது குறித்து, இணையத்தில் பலரும் பேசி வருகின்றனர். இன்னும் இந்த படம் குறித்தோ அல்லது இவர்தான் கதாநாயகி என்பது குறித்த அதிகாரப்பூர்வ தகவல்கள் எதுவும் வெளியாகவில்லை என்பது குறிப்பிடத்தக்கது.
வெற்றி பெறுவாரா சூர்யா?
நடிகர் சூர்யா மலைபோல் நம்பிக்கொண்டிருந்த ‘கங்குவா’ திரைப்படம், கையை விரித்து விட்டது. இந்த நிலையில், அவர் நடிப்பில் இந்த ஆண்டே வெளியாக இருக்கும் ரெட்ரோ மற்றும் சூர்யா 45 ஆகிய படங்கள் அவரை தூக்கி விடுமா என எதிர்பார்த்து ரசிகர்கள் காத்துக்கொண்டுள்ளனர். இந்த முயற்சியிலாவது சூர்யா வெற்றி பெறுவாரா என்று பலர் எதிர்நோக்கி காத்துக்கொண்டுள்ளனர்.
மேலும் படிக்க | கங்குவா படத்திற்கு பிறகு சிவா இயக்கும் படம்! அஜித் ஹீரோ இல்லை..வேறு யார் தெரியுமா?
மேலும் படிக்க | அஜித்தின் அடுத்த பட இயக்குநர்!! ‘இந்த’ 2 பேரில் ஒருவர்தான்..யார் தெரியுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
