விடாமுயற்சி படத்தின் பாசிடிவ்-நெகடிவ் என்ன? படம் பார்த்தவர்கள் சொன்ன கருத்து..

Vidaamuyarchi Positives And Negatives : கிட்டத்தட்ட 2 ஆண்டுகளுக்கு பிறகு வெளியாகும் அஜித் படம், விடாமுயற்சி. மகிழ் திருமேனி இயக்கத்தில் ஆக்ஷன் த்ரில்லர் பாணியில் உருவாகியிருக்கும் இந்த படத்தில், அஜித்திற்கு ஜோடியாக த்ரிஷா நடித்திருக்கிறார். பிப்., 6ஆம் தேதியான இன்று இப்படம் வெளியாகி இருப்பதை தொடர்ந்து, இதில் இருக்கும் நெகடிவ் மற்றும் பாசிடிவ் விஷயங்கள் குறித்து நெட்டிசன்கள் கருத்துகளை தெரிவித்த வண்ணம் உள்ளனர். படம், கலவையான விமர்சனத்தை பெற்றுள்ளது.

விடாமுயற்சி:

படத்தின் தலைப்பிற்கு ஏற்றார் போல, விடாமுயற்சி திரைப்படத்தின் படப்பிடிப்பும் விடா..முயற்சியுடன்தான் முடிக்கப்பட்டது. துணிவு படம் வெளியான போது, அதனுடன் சேர்ந்து வெளியானதுதான் இந்த படத்தின் அறிவிப்பும். ஆனால், அதன் பிறகு படத்திற்கான வேலைகள் தாெடங்கப்படாததால், அடுத்தடுத்த அப்டேட்கள் வெளியாக தாமதம் ஆனது. ஷூட்டிங் முடிவதற்கும் அஜித்தும் பைக் எடுத்துக்கொண்டு இந்தியா டூருக்கு கிளம்பி விட்டார். இதனால், அஜர்பைஜானில் சில மாதங்களில் நடைப்பெற்று முடிக்கப்பட வேண்டிய படத்தின் ஷூட்டிங், பல மாதங்கள் பிடித்துக்கொண்டது.

இத்தனைக்கு பிறகு, இப்படம் 2025 பொங்கல் பண்டிகைக்கு வெளியாகும் என கூறப்பட்டது. ஆனால், இந்த ரிலீஸ் தேதியும் தள்ளிப்போய், கடைசியாக பிப்ரவரியில் வெளியாகி இருக்கிறது.

நெட்டிசன்களின் கருத்து:

எந்த படம் வெளியானாலும் அதற்கு, படம் பார்த்த நெட்டிசன்கள் இணையத்தில் கருத்துகளை பதிவிடுவது வழக்கம். அந்த வகையில், ஒரு சிலர் தங்களது விமர்சனங்களை இணையத்தில் தெரிவித்து இருக்கின்றனர். 

அது ஒரு புறம் இருக்க, இன்னும் சிலர் விடாமுயற்சி படத்தில் இருக்கும் பாசிடிவ் என்ன? நெகடிவ் என்ன? என பிரித்து பிறருக்கு புரியுமாறு சில விமர்சனங்களை முன்வைத்துள்ளனர். அப்படி, படத்தில் என்ன நிறை-குறை இருக்கிறது என்று அவர்கள் கூறியிருக்கின்றனர் என்பதை இங்கு பார்ப்போம்.

பாசிடிவ்:

• படத்தில் நல்ல விஷயங்களில் முதல் விஷயமாக அஜித்தின் நடிப்பு பார்க்கப்படுகிறது. இது, 2 ஆண்டுகளுக்கு பின்பு வெளிவரும் அஜித் படம் என்பதாலும், பல நாட்களுக்கு பிறகு கார் சேசிங் காட்சியில் இவர் நடித்திருப்பதாலும் அது பார்க்க நன்றாக இருபப்தாக சிலர் கூறி வருகின்றனர். 
• இரண்டாவது நல்ல விஷயம், சவடீகா பாடல். அனிருத் இசையில், அறிவு எழுத்தில் ஆண்டனி தாசன் பாடிய பாடல், சவடீகா. இந்த பாடல் வெளியான போதும் ஹிட் ஆனது. இதையடுத்து படத்திலும் இப்பாடல் நன்றாக இருப்பதாக கூறப்படுகிறது.
• விடாமுயற்சி படத்தின் டிரைலர் வெளியான போதே, இந்த படத்தின் ஒளிப்பதிவு பலர் நல்ல கருத்துகளை தெரிவித்தனர். முழு படத்திலும் ஸ்டைலான ஒளிப்பதிவு மற்றும் பட உருவாக்கம் நடைப்பெற்றிருப்பதாக ரசிகர்கள் தெரிவித்து வருகின்றனர்.
• கார் சேசிங் காட்சி, அந்த காட்சியின் எடிட்டிங் நன்றாக இருப்பதால், அது படத்தின் பாசிடிவாக பார்க்கப்படுகிறது.
• அனிருத் பின்னணி இசையில் கலக்கி இருக்கிறாராம். படத்தில் இசையே பல இடங்களில் பேசுவதாக சிலர் கமெண்டில் தெரிவித்து வருகின்றனர்.

மேலும் படிக்க | GOAT vs விடாமுயற்சி! ப்ரீ புக்கிங்கில் மாஸ் காட்டியது யார்?

நெகடிவ்:

வேறு சில நடிகர்களின் ரசிகர்கள், வேண்டுமென்றே விடாமுயற்சி படத்திற்கு நெகடிவாக விமர்சனங்களை பதிவிட்டு வருகின்றனர். ஒரு ரசிகர், விடாமுயற்சியை-வீண் முயற்சி என்றே கூறி ட்வீட் போட்டிருக்கிறார். இதை எந்த நோக்கத்துடன் பதிவிட்டார் என்பது அவருக்கு மட்டுமே தெரியும். ஒரு சிலர், உண்மையாக படத்தில் என்ன குறை இருக்கிறது என்று கூறி வருகின்றனர். 

• அஜித்-த்ரிஷா ரொமான்ஸ்: அஜித்துடன் அதிக முறை ஜோடி சேர்ந்து நடித்த ஒரே நாயகி, த்ரிஷாதான். ஆனால், விடாமுயற்சி படத்தில் அவர்களின் ரொமான்ஸ் மனதில் ஒட்டவே இல்லை என சிலர் கூறி வருகின்றனர். இவர்களுக்கான ரொமாண்டிக் காட்சிகள் மிகவும் டல் ஆக இருக்கிறதாம்.
• உணர்ச்சிகள்: படத்தின் சில காட்சிகள் உணர்ச்சியற்று இருப்பதால், ரசிகர்களால் அதனை உள்வாங்கிகொள்ள முடியவில்லை என சிலர் தெரிவித்து வருகின்றனர். ஒரு சில இடங்களில், அடுத்து என்ன நடக்கும் என்ற எதிர்பார்ப்பே ஏற்படாமல் இருப்பதாகவும் கூறுகின்றனர்.
• இழுவையான கதை: விடாமுயற்சி படத்தின் கதை பல இடங்களில் பெரிய திருப்பங்கள் ஏதுமின்றி மிகவும் தொய்வுடன் செல்வதாகவும், இழு இழுவென இழுப்பதாகவும் சிலர் கூறி வருகின்றனர். மேக்கிங் நன்றாக இருந்தாலும், அதன் பின் எந்த அர்த்தமும் இல்லாதது போல தோன்றுவதாக சிலர் கூறுகின்றனர்.

மேலும் படிக்க | Vidaamuyarchi FDFS: விடாமுயற்சி எப்படி இருக்கு...? X நெட்டிசன்கள் விமர்சனம்

மேலும் படிக்க | அஜித்திற்கு தோல்வியை தேடித்தந்த பிப்ரவரி ரிலீஸ் படங்கள்! விடாமுயற்சி அவ்ளோ தானா?

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ