Savings Deposit Interest Rates: இந்திய ரிசர்வ் வங்கி (RBI) அதிக வட்டி விகிதங்களின் பலன்களை கணக்கு வைத்திருப்பவர்களுக்கு வழங்குவதற்காக சேமிப்பு வைப்பு விகிதங்களை அதிகரிக்குமாறு நாட்டில் உள்ள வங்கிகளை வலியுறுத்துகிறது. ஆனால், வங்கிகள் இந்த திட்டத்தை ஏற்க தயக்கம் காட்டி வருகின்றன. பல வங்கி ஆதாரங்கள் செய்தி நிறுவனமான ராய்ட்டர்ஸிடம், கடன் வழங்குபவர்கள் தங்கள் லாப வரம்புகளை அதிகரிக்க சேமிப்பு வைப்பு விகிதங்களை உயர்த்த விரும்பவில்லை என தெரிவித்துள்ளன.
அதிகரித்து வரும் பணவீக்கத்தை எதிர்கொள்வதற்கான ஆர்பிஐயின் தீவிரமான நிலைப்பாட்டின் ஒரு பகுதியாக கடந்த ஆண்டு வட்டி விகிதங்கள் 250 அடிப்படை புள்ளிகளுக்கு மேல் அதிகரித்தாலும், கடன் விகிதங்களில் கணிசமான அதிகரிப்புக்கு மாறாக சேமிப்பு வைப்பு விகிதங்கள் ஒப்பீட்டளவில் நிலையானதாகவே உள்ளது. சேமிப்புக் கணக்குகள், மொத்த வங்கி வைப்புத்தொகையில் கணிசமான பகுதியைக் கொண்டிருக்கும் நிலையில், பொதுவாக குறைந்த வட்டி விகிதங்களை வழங்குகின்றன. பணவியல் கொள்கையின் விரிவான பரிமாற்றத்தை எளிதாக்க வங்கிகள் இந்த விகிதங்களை உயர்த்த வேண்டும் என்று ரிசர்வ் வங்கி (Reserve Bank of India) ஆர்வமாக உள்ளது. வட்டி விகித பரிமாற்றத்தின் கணிசமான பகுதி வெளிப்புற பெஞ்ச்மார்க் கடன் விகிதங்கள் காரணமாக ஏற்பட்டாலும், ஒரு சிறிய பகுதி இன்னும் குறைந்த சேமிப்பு வைப்பு விகிதங்களுக்கான காரணமாக உள்ளது என இந்த விஷயத்தை நன்கு அறிந்த ஒரு ஆதாரம் மூலம் ராய்ட்டர்ஸ் மேற்கோள் காட்டியது.
பொதுத்துறை வங்கிகள் சேமிப்பு வைப்பு வட்டி விகிதங்களை 2.70 சதவீதம் முதல் 4 சதவீதம் வரை வழங்குகின்றன, அதே சமயம் பெரிய தனியார் வங்கிகள் 3 சதவீதம் முதல் 4.50 சதவீதம் வரை வட்டி விகிதங்களை வழங்குகின்றன என்பது குறிப்பிடத்தக்கது. இருப்பினும், ஒரு தனியார் துறை வங்கியின் உயர் அதிகாரி ஒருவர், சேமிப்புக் கணக்குகளைப் பராமரிப்பது தொடர்பான கணிசமான செயல்பாட்டு மற்றும் தொழில்நுட்பச் செலவுகளை எடுத்துக்காட்டி, 20 முதல் 25 அடிப்படை புள்ளிகள் வரை மிதமான அதிகரிப்பு கூட வங்கிகள் மற்றும் நிதி நிறுவனங்களுக்கு பெரும் தாக்கத்தை ஏற்படுத்தும் என்று வலியுறுத்தினார். "20 பிபிஎஸ்-25 பிபிஎஸ் அதிகரிப்பு கூட வங்கிகள் மற்றும் நிதி நிறுவனங்களின் செலவுகளை ஈடு க்கட்ட முடியாமல் மிகவும் பாதிக்கும்" என்று அந்த அதிகாரி கூறினார், "இது இந்த கட்டத்தில் வருமானம் பெருமளவு குறைந்து பாதிப்பை ஏற்படுத்தும்" என்று கூறினார்.
சேமிப்பு வைப்பு விகிதங்களை உயர்த்துவது குறித்து பரிசீலிக்க ரிசர்வ் வங்கி வலியுறுத்தல்
ரிசர்வ் வங்கி தனது பணவியல் கொள்கை அறிக்கையில், கடன் வட்டி விகிதங்களை விட தற்போதைய இறுக்கமான சுழற்சியின் போது டெர்ம் டெபாசிட் வட்டி விகிதங்கள் குறிப்பிடத்தக்க அதிகமாக இருந்தாலும், சேமிப்பு வைப்பு விகிதங்கள் பெரும்பாலும் மாறாமல் உள்ளது என்று குறிப்பிட்டுள்ளது. இது வங்கிகளுக்கான நிதிகளின் ஒட்டுமொத்த செலவில் மிதமான உயர்வு மற்றும் நிகர வட்டி வரம்புகள் அதிகரிப்பதற்கு பங்களித்துள்ளது என்று ரிசர்வ் வங்கி தனது அறிக்கையில் மேலும் கூறியுள்ளது. சேமிப்பு வைப்பு விகிதங்களை உயர்த்துவது குறித்து பரிசீலிக்க ரிசர்வ் வங்கி வங்கிகளை கூட்டங்களின் போது ஊக்குவித்து வருவதாகவும், தேவைப்பட்டால் இந்த முயற்சியை மேலும் முன்னெடுக்க தயாராக இருப்பதாகவும் கூறப்படுகிறது.
மேலும் படிக்க | 8% வட்டி கொடுக்கும் வங்கிகளின் சிறப்பு FD... அக். 31 வரை மட்டுமே வாய்ப்பு..!!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
