தியேட்டரில் திணறும் விடாமுயற்சி! இதுவரை வசூல் இவ்வளவுதானா? கோட் அளவுக்கு இல்லையே..

Vidaamuyarchi Box Office Collection Day 14 : அஜித் நடிப்பில் சில நாட்களுக்கு முன்னர் வெளியான படம், விடாமுயற்சி. இந்த படத்தை மகிழ் திருமேனி இயக்கியிருந்தார். இந்த படத்தை லைகா நிறுவனம் தாயரித்திருந்தது. இந்த நிலையில், இப்படம் இதுவரை செய்துள்ள வசூல் எவ்வளவு தெரியுமா?

விடாமுயற்சி:

அஜித் நடிப்பில் 2 ஆண்டுகளுக்கு பின்பு வெளியாகியிருக்கும் படம், விடாமுயற்சி. பல மாதங்கள் படப்பிடிப்பில் இருந்து பின்பு வெளியான இந்த படம், ரசிகர்கள் மத்தியில் பெரும் எதிர்பார்ப்பை ஏற்படுத்தியது. இதில் அஜித்திற்கு ஜோடியாக த்ரிஷா நடித்திருந்தார். இந்த படத்தில், அர்ஜுன், ரெஜினா, ஆரவ் உள்ளிட்டோர் நெகடிவ் கதாப்பாத்திரங்களில் நடித்திருந்தனர். இப்படம், பொங்கல் பண்டிகையை ஒட்டி ரிலீஸாவதாக கூறப்பட்டது. பின்னர், பணிகள் சரியாக முடிக்கப்படாத காரணங்களினால் ரிலீஸ் பிப்ரவரி 6ஆம் தேதிக்கு மாற்றப்பட்டது. 

ஆரம்பத்தில் இருந்தே பல பிரச்சனைகளை சந்தித்த விடாமுயற்சி திரைப்படம், ரிலீஸிற்கு பின்னர் கலவையான விமர்சனங்களை பெற்றது. அஜித்திற்கு ஏற்ற மாஸான காட்சிகள் இருக்கும் என சிலர் எதிர்பார்த்த நிலையில், அது கதையிலும் படத்திலும் இல்லாமல் போனதால் ஏமாற்றமடைந்தனர். அதே போல, படத்தில் பெரிய திருப்பங்கள் இல்லை என்றும் பின்னணி இசை இல்லையென்றால் சில காட்சிகள் பெரிதாக பார்க்கப்பட்டிருக்காது என்றும் கூறப்பட்டது.

இதுவரை செய்திருக்கும் வசூல்..

விடாமுயற்சி படம் முதல் நாளில் உலளவில் சுமார் ரூ.22 கோடி வசூலித்ததாக கூறப்பட்டது. தற்போது இந்த படம் வெளியாகி 14 நாட்கள் ஆகியிருக்கிறது. இதுவரை வெளியாகியுள்ள தகவல்களின் படி, இப்படம் உலகளவில் சுமார் ரூ.132 கோடியை தாண்டியிருப்பதாக கூறப்படுகிறது. இதில், வட இந்திய மற்றும் உலகளவு வசூலும் அடக்கம். இந்த நாளில் மட்டும் இப்படம் சுமார் 50 லட்சம் வரை வசூலிக்கும் என எதிர்பார்க்கப்படுகிறது.

கோட் அளவுக்கு இல்லையே..

தமிழ் சினிமாவை பொறுத்தவரை, விஜய்யும் அஜித்தும்தான் போட்டி நடிகர்களாக கருதப்படுகின்றனர். இவர்களின் படங்கள்தான் ஒரே சமயத்தில் வெளியாகியும் வந்தது. இந்த இரு படங்களின் வசூலையும் மக்கள் எப்போதும் ஒப்பிட்டு பார்ப்பது வழக்கம். இந்த நிலையில், கடந்த ஆண்டு விஜய் நடிப்பில் வெளியான தி கோட் படத்தை விட, விடாமுயற்சி படம் பாக்ஸ் ஆபிஸிலும் விமர்சனத்திலும சறுக்கியிருப்பதாக கருத்துகள் எழுந்திருக்கின்றன. கோட் படம், அதன் 14ஆம் நாள் வசூலில், உலகளவில் சுமார் 413 கோடி வசூலித்திருந்ததாக கூறப்படுகிறது.

இருப்பினும், படம் குறித்து சில நேர்காணல்களில் பேசிய மகிழ் திருமேனி, படம் நன்றாக வந்திருப்பது தனக்கும் அஜித்திற்கும், தயாரிப்பு நிறுவனத்திற்கும் மகிழ்ச்சியை தருவதாகவும் இதற்கு மேல் வேறு என்ன வேண்டும் என்றும் பேசினார்.

ஆப்பு வைக்க வரும் 2 படங்கள்:

விடாமுயற்சி திரைப்படம் ஏற்கனவே வசூலில் தடுமாறிக்கொண்டிருக்கும் நிலையில், அதற்கு ஆப்பு வைப்பதற்காகவே இன்னும் இரண்டு படங்கள் வெளியாக இருக்கின்றன. அதில் ஒன்று தனுஷ் இயக்கத்தில் உருவாகியிருக்கும் நிலவுக்கு என் மேல் என்னடி கோபம். இந்த படம், இளசுகள் அதிகம் எதிர்பார்க்கும் படமாக இருக்கிறது. அதே போல, பிரதீப் ரங்கனாதன் இயக்கத்தில் உருவாகியிருக்கும் டிராகன் படமும் பிப்ரவரி 21ஆம் தேதியான நாளை வெளியாகிறது. இந்த படங்கள் வந்த பிறகு விடாமுயற்சி படம் வாஷ்-அவுட் ஆகிவிடும் என கூறப்படுகிறது. 

மேலும் படிக்க | ஈ அடிக்கும் தியேட்டர்கள்? விடாமுயற்சி படத்தின் 1 வார வசூல் இவ்வளவு தானா?

மேலும் படிக்க  | GOAT vs Vidaamuyarchi: முதல் நாளில் எந்த படம் அதிக வசூல்? யார் ஓப்பனிங் கிங்?

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ