కథువా ఘటనను మరువకముందే మరో ఘోరం వెలుగుచూసింది. ఏడాది కూడా నిండని పసికందును ఎత్తుకుపోయి ఓ దుర్మార్గుడు లైంగికదాడికి పాల్పడ్డాడు. అనంతరం ఆ చిన్నారిని హత్య చేశాడు. ఈ దారుణం మధ్యప్రదేశ్ రాష్ట్రంలో చోటుచేసుకుంది.
వివరాల్లోకి వెళితే.. ఇండోర్‌లోని ఎంజి రోడ్‌ పోలీసుస్టేషన్‌ పరిధిలో జరిగిన ఈ ఘటనకు రాష్ట్రంలో, దేశంలో సంచలనంగా మారింది. శుక్రవారం తెల్లవారుజామున ఈ ఘటన జరిగింది. నగరంలోని రాజ్‌వాడా ఫోర్ట్‌ సమీపంలో గల ఓ భవనం బేస్‌మెంట్‌లో రక్తపుమడుగులో పడి ఉన్న చిన్నారి మృతదేహాన్ని పోలీసులు కనుగొన్నారు. విచారణ చేపట్టిన పోలీసులు బేస్‌మెంట్‌లో ఉన్న సీసీటీవీ ఫుటేజీల ఆధారంగా శుక్రవారం తెల్లవారుజామున 4 గంటల ప్రాంతంలో ఓ వ్యక్తి ఆ పసికందును భుజాన ఎత్తుకొని బేస్‌మెంట్‌కు తీసుకొచ్చినట్లు కనిపించింది. దీంతో ఆ దిశగా పోలీసులు విచారణ ప్రారంభించారు.
Indore: Girl under one year of age killed after allegedly being raped in MG Road police station limits. Police reached the spot after getting information that a child's body is lying unattended with blood spots around it. One arrested #MadhyaPradesh pic.twitter.com/FSvno5Mwr4
— ANI (@ANI) April 21, 2018
రాజ్‌వాడా ఫోర్ట్‌ సమీపంలో ఓ కుటుంబం బెలూన్లు అమ్ముకుంటూ జీవనం సాగిస్తోంది. వారికి ఏడాది కూడా నిండని కుమార్తె ఉంది. గురువారం రాత్రి వాళ్ళందరూ ఫోర్ట్‌ ముందు నిద్రపోగా.. ఓ వ్యక్తి చిన్నారిని ఎత్తుకెళ్లాడు. సమీపంలోని ఓ భవనం బేస్‌మెంట్‌లోకి తీసుకెళ్లి ఆమెపై లైంగిక దాడికి పాల్పడి అనంతరం ఆమెను చంపేశాడు. శుక్రవారం మధ్యాహ్నం బేస్‌మెంట్‌లో షాప్ తెరవడానికి వెళ్లిన ఓ వ్యక్తి రక్తపుమడుగులో పడిఉన్న చిన్నారిని చూసి పోలీసులకు సమాచారమిచ్చాడు. నిందితుడిని త్వరలోనే పట్టుకుంటామని పోలీసులు తెలిపారు. అయితే, ఈ కేసులో ఆ పాప మామను స్పెషల్ ఇన్వెస్టిగేషన్ టీం అరెస్టు చేసింది. నేరం చేసిన తరువాత ఆ వ్యక్తి పాప తల్లితో తీవ్రంగా గొడవపడ్డారని పోలీసులు చెప్పారు.
Victim's family didn't name the accused as a suspect, who is victim's uncle in relation. Initial suspects were ruled out by Special Investigation Team (SIT) & victim's uncle was arrested. Accused had an argument with victim's mother after which he committed the crime: DIG Indore pic.twitter.com/jnyLovdYzT
— ANI (@ANI) April 21, 2018
