Health Tips Tamil | ஆரோக்கியமான வாழ்க்கை மற்றும் உடல்நலன் இருக்க வேண்டும் என்றால் இரவு நேரத்தில் சாப்பிட கூடாத உணவுகளை தெரிந்து வைத்திருக்க வேண்டும். ஏனென்றால் இரவு நேரத்தில் சாப்பிடும் உணவுகள் தான் உங்கள் ஆரோக்கியத்தை அதிகம் பாதிக்கும் வாய்ப்புகள் அதிகம். குறிப்பாக அதிக கலோரி மற்றும் ஜீரணிக்க கடினமான உணவுகள் இரவில் சாப்பிடுவதால் தூக்கம் பாதிக்கப்படலாம். இதுதவிர இது உடல் எடை அதிகரிப்பு, ஜீரணிக்கோளாறுகள் மற்றும் பிற உடல்நலப் பிரச்சினைகளுக்கு வழிவகுக்கும். எனவே, இரவில் என்ன மாதிரியான உணவுகள் சாப்பிடுவதைத் தவிர்ப்பது நல்லது என்பதை அவசியம் தெரிந்து கொள்வது உங்களின் ஆரோக்கியமான வாழ்க்கைக்கு நல்லது.
இரவில் சாப்பிடக்கூடாத உணவுகளின் பட்டியல்
1. கொழுப்பு மற்றும் எண்ணெய் அதிகமுள்ள உணவுகள்
பிரைடு உணவுகள் பிரைடு ரைஸ், பிரைடு சிக்கன், பாஸ்ட் ஃபுட் உணவுகளான பர்கர், பீட்சா மற்றும் எண்ணெய் அதிகமுள்ள உணவுகள் சாப்பிடாதீர்கள். இது உங்களின் ஆரோக்கியத்துக்கு ஆபத்தை கொண்டுவரக்கூடியவை.
2. சர்க்கரை அதிகமுள்ள உணவுகள்
அதேபோல் சர்க்கரை அதிகம் உள்ள உணவுகளையும் இரவில் எடுத்துக் கொள்ளக்கூடாது. இனிப்பு வகைகளான கேக், குக்கீஸ், சாக்லேட் மற்றும் சர்க்கரை அதிகமுள்ள பானங்கள் கோலா பானங்கள் எடுத்துக் கொள்ளக்கூடாது. ஐஸ்கிரீம் சாப்பிடுவதையும் தவிர்க்கவும்.
3. காரம் அதிகமுள்ள உணவுகள்
காரம் அதிகமுள்ள உணவுகள் சாப்பிடக்கூடாது. காரம் உள்ள முறுக்குகள், சிப்ஸ் ஆகியவற்றை தவிர்க்கவும். அதேபோல், காரம் அதிகமுள்ள சாஸ்கள் உணவில் சேர்த்துக் கொள்வதை தவிர்க்கவும். டீ, காபி ஆகியவற்றையும் தவிர்த்துவிடுவது நல்லது.
4. புரதம் அதிகமுள்ள உணவுகள்
புரதம் அதிகம் உள்ள உணவுகளை இரவில் சாப்பிடக்கூடாது. உதாரணமாக கோழி இறைச்சி, ஆட்டு இறைச்சி, மாட்டிறைச்சி, பன்றி இறைச்சி, முட்டை ஆகியவற்றை சாப்பிட வேண்டாம். இவை செரிமான கோளாறுகளை ஏற்படுத்த அதிக வாய்ப்பு உள்ளது.
5. கார்போஹைட்ரேட் அதிகமுள்ள உணவுகள்
அரிசி, பாஸ்தா, ரொட்டி மற்றும் கொழுப்பு அதிகமுள்ள பால் பொருட்களான சீஸ், வெண்ணெய், கிரீம், ஆகியவற்றை சாப்பிட வேண்டாம். மேலும், மதுவகைகளை கட்டாயம் சாப்பிடக்கூடாது. பாக்கெட் உணவுகளையும் தவிர்த்து விடுங்கள். மயோனைஸ், கெட்சப் சாப்பிடக்கூடாது.
இரவில் சாப்பிடுவதற்கு ஏற்ற உணவுகள்
இரவில் பின்வரும் உணவுகளை சாப்பிடலாம்: பழ வகைகள் வாழைப்பழம், ஆப்பிள் உள்ளிட்டவை, குறைந்த அளவு பால், கொஞ்சம் பாதாம் அல்லது பிஸ்தா உள்ளிட்டவைகளை சாப்பிடலாம். கூடுமானவரை இரவில் சாப்பிடுவதைத் தவிர்ப்பது உங்கள் உடல்நலத்திற்கு நல்லது. உங்கள் உடல் எடையைக் கட்டுப்படுத்தவும், உறக்கத்தை மேம்படுத்தவும் இது உதவும்.
(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | மாரடைப்பு வராமல் இருக்க .... நீங்கள் கடைபிடிக்க வேண்டிய 9 விஷயங்கள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
