Chiranjeevi - Harish Shankar: టాలీవుడ్ సినీ ఇండస్ట్రీలో మెగాస్టార్ గా ఎదిగి.. ఎంతోమందికి ఆదర్శంగా నిలిచిన చిరంజీవి నేడు ఎన్నో అత్యుత్తమ పురస్కారాలను స్వీకరించి ఎంతో పేరు ప్రఖ్యాతలు గడించారు. ఈ ఏడాది భారతదేశంలో అత్యంత పౌర పురస్కారంగా భావించే పద్మ విభూషణ్ అందుకొని రికార్డు సృష్టించిన చిరంజీవి, ఇదే ఏడాది గిన్నిస్ బుక్ ఆఫ్ వరల్డ్ రికార్డుల్లో చోటు సంపాదించుకొని మరో అరుదైన గౌరవాన్ని అందుకున్నారు అంతేకాదు అక్టోబర్ 28వ తేదీన అక్కినేని అవార్డును కూడా ఆయన అందుకోబోతూ ఉండడం విశేషం.
ఆరు పదుల వయసు దాటిన తర్వాత కూడా వరుస సినిమాలు ప్రకటిస్తూ తన డాన్స్ మూమెంట్స్ తో అందరినీ ఆకట్టుకుంటున్న చిరంజీవి.. ఈ డాన్స్ కారణంగానే గిన్నిస్ బుక్ ఆఫ్ వరల్డ్ రికార్డుల్లో చోటు దక్కించుకున్నారు. ఇకపోతే ఈయనకు దేశవ్యాప్తంగా ప్రశంసలు వెల్లువెత్తుతున్నాయి.
ఇదిలా ఉండగా చిరంజీవి ప్రస్తుతం ప్రముఖ డైరెక్టర్ వశిష్ట మల్లిడి దర్శకత్వంలో విశ్వంభర అనే టైటిల్ తో సినిమా చేస్తున్నారు, ఈ సినిమా వచ్చే ఏడాది సంక్రాంతి కానుకగా విడుదల కాబోతోంది. మరి ఈ సినిమా తర్వాత నెక్స్ట్ ఏంటి అంటూ అభిమానులు ప్రశ్నిస్తూ ఉండగా.. తాజాగా డైరెక్టర్ శంకర్ దర్శకత్వంలో డివివి దానయ్య నిర్మాణంలో సినిమా చేయబోతున్నారని సమాచారం.
అసలు విషయంలోకి వెళితే ఇటీవలే మిస్టర్ బచ్చన్ సినిమాతో డిజాస్టర్ చవి చూసిన హరీష్ శంకర్ మరొకవైపు పవన్ కళ్యాణ్ తో ఉస్తాద్ భగత్ సింగ్ సినిమా చేస్తున్నారు. అయితే ప్రస్తుతం పవన్ కళ్యాణ్ రాజకీయాలలో బిజీగా ఉండడం వల్ల.. హరీష్ ఖాళీగా ఉండడంతో మెగాస్టార్ చిరంజీవి ని డైరెక్ట్ చేస్తారనే వార్త తెరపైకి వచ్చింది.
ఈ వార్త వైరల్ అవ్వడంతో మెగా అభిమానులు ఆందోళన వ్యక్తం చేస్తున్నారు. రవితేజ తో మిస్టర్ బచ్చన్ సినిమా తీసి భారీ డిజాస్టర్ అందుకున్న హరీష్ శంకర్ కి చిరంజీవి ఎలా అవకాశం ఇచ్చారు అంటూ కామెంట్లు చేస్తూ ఉండడం గమనార్హం.
నిజానికి మెగాస్టార్ చిరంజీవి , హరీష్ శంకర్ ఇటీవలే కంట్రీ డిలైట్ అనే కమర్షియల్ యాడ్ కోసం కలసి పనిచేసిన విషయం తెలిసిందే. ఇక ఇక్కడ హరీష్ శంకర్ పనికి మెచ్చుకున్న మెగాస్టార్ ఒక చిత్రాన్ని ఆఫర్ చేశారట. అందులో భాగంగానే ఈ టాలెంటెడ్ డైరెక్టర్ కూడా స్క్రిప్ట్ వర్క్ చేస్తున్నాడని సమాచారం. అంతేకాదు ఈ ప్రాజెక్టు కోసం దానయ్య చిరంజీవి , హరీష్ శంకర్ లకు అడ్వాన్స్ కూడా ఇచ్చినట్లు తెలుస్తోంది. ఇక వచ్చే యేడాది ఈ ప్రాజెక్టు అనౌన్స్మెంట్ తో సహా ప్రారంభం అయ్యే అవకాశాలు కూడా ఉన్నట్లు సమాచారం.
Also Read: NTR Emotional: పోలీస్‌ లాఠీచార్జ్‌పై ఎన్టీఆర్‌ భావోద్వేగం.. ఫ్యాన్స్ కాలరేగరేసేలా చేస్తా
Also Read: Devara Pre Release: ఎన్టీఆర్‌ ఫ్యాన్స్‌పై విరిగిన లాఠీ.. దేవర ప్రి రిలీజ్‌ వేడుక రద్దు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
