மூத்த குடிமக்களுக்காக வடிவமைக்கப்பட்ட வழக்கமான சேமிப்புக் கணக்காக SCSS கணக்கு தொடர்பாக பலருக்கு சரியான புரிதல் இருப்பதில்லை. மூத்தக் குடிமக்களின் எதிர்கால ஸ்திரத்தன்மையை உறுதிசெய்யும் நோக்கில் உருவாக்கப்பட்டுள்ள சேமிப்புக் கணக்கு இது. அதிக ஆபத்து இல்லாமல் மொத்தமாக முதலீடு செய்ய விரும்பும் மூத்த குடிமக்களுக்கு இந்த திட்டங்கள் நன்மையளிக்கின்றன. பணி ஓய்வு பெறுபவர்களுக்கு மூத்த குடிமக்கள் சேமிப்புத் திட்டம் (Senior Citizen Savings Scheme) மிகவும் உகந்த தேர்வாக இருக்கிறது.
அரசாங்கத்தால் ஆதரிக்கப்படும் மூத்த குடிமக்கள் சேமிப்புத் திட்டம் (SCSS) ஓய்வூதியதாரர்களிடையே மிகவும் விருப்பமான முதலீட்டு விருப்பங்களில் ஒன்றாகும். இது வழக்கமான சேமிப்புக் கணக்கு அல்ல, இது நிலையான வைப்புத்தொகை கணக்காகும்.
இந்த ஆண்டு, அக்டோபர்-டிசம்பர் காலாண்டில் செய்யப்படும் முதலீடுகளுக்கு, மூத்த குடிமக்கள் சேமிப்புத் திட்டம் ஆண்டுக்கு 8.2% வட்டி விகிதத்தை வழங்கியது. SCSS கணக்கில் தனிநபர்கள் ரூ.30 லட்சம் வரை முதலீடு செய்யலாம்.
SCSS சேமிப்புக் கணக்கை திறக்க 60 வயது அல்லது அதற்கு அதிக வயதுள்ளவராக இருக்க வேண்டும். இந்திய குடிமகனாக இருப்பது அவசியம். இந்தியாவின் எந்தப் பகுதியில் இருக்கும் பொதுத்துறை வங்கியின் கிளையில் இந்த சேமிப்புக் கணக்கைத் துவக்கலாம். அதேபோல, அங்கீகரிக்கப்பட்ட தனியார் துறை வங்கிகளின் கிளைகளிலும், நாட்டின் எந்தவொரு தபால் நிலையத்திலும் SCSS கணக்கைத் திறக்கலாம்.
மேலும் படிக்க | மருத்துவ காப்பீடு எடுக்க போறீங்களா... 2024 ஜனவரி முதல் புதிய விதி அமல்!
SCSS கணக்கை எவ்வாறு திறப்பது?
SCSS கணக்கைத் தொடங்குவது மிகவும் எளிய செயல்முறையாகும். இதை இந்தியக் குடிமக்கள் அனைவரும் எங்கு வேண்டுமானாலும் தொடங்கலாம்.
வங்கிக் கிளை: ஏற்கனவே சேமிப்புக் கணக்கும் இருக்கும் வங்கியை தேர்ந்தெடுக்கலாம். அது உங்களுக்கு அணுகுவதற்கு எளிதாக இருப்பதுபோலவே, பரிச்சயமான மற்றும் சிக்கலற்ற செயல்பாடுகளுக்கு வசதியாக இருக்கும். பெரும்பாலான பொதுத்துறை மற்றும் அங்கீகரிக்கப்பட்ட தனியார் துறை வங்கிகள் SCSS கணக்குகளை வழங்குகின்றன.
உங்களுக்கு விருப்பமான வங்கியில் சேவை தரமானதாக இல்லை என்றால் கவலைப்படத் தேவையில்லை! SCSS கணக்குகளை வழங்கும் எந்த அங்கீகரிக்கப்பட்ட வங்கியின் கிளைக்கும் சென்று மூத்த குடிமக்கள் கணக்கைத் திறக்கலாம்.
தபால் அலுவலகம்: உங்கள் குடியிருப்புக்கு அருகில் அஞ்சலகங்கள் இருந்தால், அங்கு SCSS கணக்கைத் தொடங்கலாம். அஞ்சல் அலுவலகங்களின் பரவலான நெட்வொர்க் அணுகல் மற்றும் வசதியை உறுதி செய்கிறது.
கணக்கு தொடங்குவது எப்படி?
நீங்கள் தேர்ந்தெடுத்த வங்கி அல்லது தபால் அலுவலகத்தில் கிடைக்கும் SCSS விண்ணப்பப் படிவத்தைப் பூர்த்தி செய்யவும்.
அடையாளச் சான்று, முகவரி மற்றும் வயதுச் சரிபார்ப்பு ஆவணங்களான பான் கார்டு, ஆதார் அட்டை போன்றவை உட்பட KYC ஆவணங்களைச் சமர்ப்பிக்கவும்.
மேலும் படிக்க | Budget 2024: PPF முதலீட்டாளர்களுக்கு 2 நல்ல செய்திகள், அதிகமாகிறது வட்டி
ஆரம்ப வைப்புத்தொகையை டெபாசிட் செய்து கணக்கைத் தொடங்கவும், குறைந்தபட்சத் தொகை ₹1,000 இருந்தால் போதும். இந்த கணக்குகளில் அதிகபட்ச வரம்பு இப்போது ₹30 லட்சமாக நீட்டிக்கப்பட்டுள்ளது.
வட்டி விகிதங்கள்: தற்போது, SCSS கணக்கில் 8.20% வருடாந்திர வட்டி விகிதம் கொடுக்கப்படுகிறது, இது இந்தியாவில் எந்த அரசாங்க ஆதரவு சேமிப்பு திட்டமும் வழங்கும் அதிக வட்டி விகிதங்களில் ஒன்றாகும்.
நிலையான வருமானம்: உங்கள் SCSS கணக்கின் வட்டியானது காலாண்டுக்கு ஒருமுறை கணக்கிடப்பட்டு வழங்கப்படுகிறது. இது உங்கள் அன்றாட வாழ்க்கைச் செலவுகளை ஈடுசெய்வதில் உதவ நிலையான வருமானத்தை உறுதி செய்கிறது.
நிதி நிலைத்தன்மை மற்றும் உத்தரவாதம்: SCSS ஆனது இந்திய அரசாங்கத்தால் ஆதரிக்கப்படுகிறது, உங்கள் முதலீட்டின் பாதுகாப்பை உறுதி செய்கிறது.
வரி நன்மைகள்: உங்கள் SCSS கணக்கிற்கான பங்களிப்புகள் வருமான வரிச் சட்டத்தின் பிரிவு 80C இன் கீழ் வரி விலக்குகளுக்குத் தகுதிபெறும், ஆண்டுக்கு அதிகபட்ச வரம்பு ₹1.5 லட்சம் ஆகும்.
மேலும் படிக்க | செயற்கை தொழில்நுட்பத்தில் ChatGPT போல் பாரத் ஜிபிடியை அறிமுகப்படுத்தும் அம்பானி
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
