'जिलबी': 'एक खून, अनेक आरोपी...' ट्रेलरने वाढवली उत्सुकता, कोण असेल खरा खूनी?

निर्मात्यांनी 'जिलबी' साठी एक नव्या दृष्टिकोनातून आणि चांगल्या कथेसाठी निवड केली आहे. 'आनंद पंडित मोशन पिक्चर्स' हे हटके आणि अनोख्या धाटणीचे चित्रपट दर्शकांसमोर आणण्याचा प्रयत्न करत आहेत. 'जिलबी' हा चित्रपट नितीन कांबळे दिग्दर्शित आहे, जो गोड आणि गूढ अशा दोन्ही फ्लेवर्सचे मिश्रण आहे. ट्रेलरमध्ये  'रहस्याच्या सावल्यांत दडलेला आहे खेळ, विश्वासाचा प्रवास की फसवणुकीचा जाळ?', असं सांगितलं जात आहे, ज्यामुळे चित्रपटातील रहस्य आणि थरार अधिकच गडद झाला आहे.

ट्रेलरमधून असे दिसून येत आहे की, जो विचार करतो त्यापलीकडे जाऊन आपल्या आजूबाजूला अनेक घटना घडत असतात. अशाच घडणाऱ्या घटनांमागचे नेमके रहस्य काय आहे, हे प्रेक्षकांना जाणून घ्यायला आता काहीच काळ बाकी आहे. 'जिलबी' चित्रपट प्रेक्षकांसमोर एक वेगळी कथा उलगडणार आहे, ज्यात रहस्य, थरार, उत्कंठा, शोध, संशय आणि समज-गैरसमज या सर्व गोष्टींचा मिलाप आहे. या चित्रपटाची विशेष गोष्ट म्हणजे अभिनेता प्रसाद ओक, स्वप्नील जोशी, शिवानी सुर्वे आणि पर्णा पेठे या प्रमुख कलाकारांनी पहिल्यांदाच एकत्र काम केले आहे.

चित्रपटात गणेश यादव, प्रणव रावराणे, अश्विनी चावरे, प्रियांका भट्टाचार्य यांसारख्या इतर कलाकारांचा समावेश आहे, ज्यांच्या अभिनयाने चित्रपटात खुसखुशीतपणा आणला आहे. 'जिलबी' प्रेक्षकांना एक वेगळ्या धाटणीच्या चित्रपटाची अनुभूती देणार आहे. हा चित्रपट मराठी सिनेमा क्षेत्रातील एक महत्त्वपूर्ण प्रयोग ठरणार आहे.

चित्रपट निर्माते आनंद पंडित आणि दिग्दर्शक नितीन कांबळे यांनी चित्रपटाची निर्मिती आणि वितरण प्रक्रियेवर चर्चा करतांना, 'जिलबी' च्या माध्यमातून एक वेगळा प्रयत्न केला असल्याचं सांगितलं आहे. त्यांनी विश्वास व्यक्त केला की, या चित्रपटाच्या गूढ आणि रहस्यमय घटकांमुळे प्रेक्षकांना ते समजून घेण्याची उत्सुकता लागेल. कलाकार प्रसाद ओक आणि स्वप्नील जोशी यांनीही, आनंद पंडित मोशन पिक्चर्सच्या सोबत काम करून मराठी चित्रपट इंडस्ट्रीला एक मोठा धक्का देण्याची अपेक्षा व्यक्त केली आहेत.

हे ही वाचा: तृप्ती डिमरीला 'अ‍ॅनिमल' चित्रपट करणं पडलं माहागात, निर्मात्यांनी 'या' कारणामुळे काढून घेतला 'आशिकी 3'

चित्रपटाची कथा-पटकथा आणि संवाद मच्छिंद्र बुगडे यांनी लिहिले आहेत, तर छायांकन गणेश उतेकर आणि कलादिग्दर्शन कौशल सिंग यांनी केले आहे. कार्यकारी निर्माते महेश चाबुकस्वार आहेत. 'जिलबी' हा चित्रपट आनंद पंडित मोशन पिक्चर्स आणि अल्ट्रा मीडिया अँड एंटरटेन्मेन्ट प्रा. लिमिटेड यांच्या सहकार्याने प्रदर्शित होणार आहे.

या चित्रपटाची प्रदर्शित तारीख 17 जानेवारी आहे. 'जिलबी' चित्रपटाच्या ट्रेलरने प्रेक्षकांमध्ये उत्सुकता निर्माण केली आहे आणि आता सर्वांचे लक्ष या गूढ कथेची उकल कधी होईल, याकडे लागले आहे.