Former CM KCR Gets Tears After Tributes Of His Sister Cheeti Sakalamma: తన సోదరిమణి కన్నుమూయడంతో మాజీ సీఎం కేసీఆర్ కన్నీటి పర్యంతమయ్యారు. తన అక్కను చూసి కేసీఆర్ భావోద్వేగానికి లోనయ్యారు. చీటి సకలమ్మ మృతితో కల్వకుంట్ల కుటుంబం తీవ్ర విషాదంలో మునిగింది.
బీఆర్‌ఎస్‌ పార్టీ అధినేత, మాజీ ముఖ్యమంత్రి కేసీఆర్ కన్నీటి పర్యంతమయ్యారు. తన సోదరిమణి మృతితో భావోద్వేగానికి లోనయ్యారు.
కేసీఆర్ ఐదో సోదరి చీటీ సకలమ్మ శుక్రవారం రాత్రి కన్నుమూసిన విషయం తెలిసిందే. ఆమె మరణవార్త విన్న కేసీఆర్ వెంటనే శనివారం ఉదయం ఆమె ఇంటికి వెళ్లారు.
తన అక్క సకలమ్మతో ఆత్మీయ అనుబంధం కలిగిన కేసీఆర్ ఆమె మరణంతో దిగ్భ్రాంతికి లోనయ్యారు. కేసీఆర్ తన అక్కతో ఉన్న అనుబంధాన్ని గుర్తుచేసుకున్నారు.
హైదరాబాద్‌లో సకలమ్మ పార్థీవదేహానికి కేసీఆర్ పూలమాల వేసి అంజలి ఘటించారు. అనంతరం సకలమ్మ కుటుంబాన్ని ఓదార్చారు.
ప్రతి రాఖీ పండుగకు తప్పనిసరిగా కేసీఆర్ తన అక్కాచెల్లెళ్లతో రాఖీలు కట్టించుకుంటున్నారు. కేసీఆర్‌తో అక్కాచెల్లెళ్ల అనుబంధం విడదీయరానిది.
సకలమ్మ అంత్యక్రియలలో కూడా కేసీఆర్ తన సతీమణి శోభతోపాటు కుమారుడు కేటీఆర్‌, కోడలు శోభ, కుమార్తె కల్వకుంట్ల కవిత, మేనల్లుడు హరీశ్‌ రావు తదితరులు హాజరయ్యారు.
కేసీఆర్‌కు మొత్తం ఎనిమిది అక్కలు, ఒక అన్న, ఒక చెల్లి ఉన్న విషయం తెలిసిందే. వీరిలో ప్రస్తుతం ముగ్గురు అక్కలు మృతి చెందారు.
2018లో కేసీఆర్ ఇద్దరు అక్కలు విమల బాయి (82), లీలమ్మ కన్నుమూయగా.. తాజాగా సకలమ్మ మరణించారు.
