Ex CM KCR Sister Sakalamma Passes Away: కల్వకుంట్ల కుటుంబంలో తీవ్ర విషాదం చోటుచేసుకుంది. బీఆర్‌ఎస్‌ పార్టీ అధినేత, మాజీ ముఖ్యమంత్రి కేసీఆర్ సోదరిమణి తుదిశ్వాస విడిచారు. ఆమె మరణంతో కేసీఆర్ దిగ్భ్రాంతికి లోనయ్యారు. ఈ సమాచారం అందుకున్న వెంటనే ఆమె ఇంటికి కేసీఆర్‌తో సహా ఇతర కుటుంబసభ్యులు వెళ్లారు.
బీఆర్‌ఎస్‌ పార్టీ అధినేత, మాజీ ముఖ్యమంత్రి కేసీఆర్ కుటుంబంలో తీవ్ర విషాదం చోటుచేసుకుంది. కేటీఆర్‌ సోదరిమణి తుదిశ్వాస విడిచారు. దీంతో ఆ కుటుంబం విషాదంలో మునిగింది.
కేసీఆర్ ఐదో సోదరి చీటీ సకలమ్మ గురువారం రాత్రి కన్నుమూశారు. ఆమె వయసు దాదాపు 90 వరకు ఉంటుందని సమాచారం.
తన అక్క సకలమ్మతో ఆత్మీయ అనుబంధం కలిగిన కేసీఆర్ ఆమె మరణంతో దిగ్భ్రాంతికి లోనయినట్లు తెలుస్తోంది. కేసీఆర్ తన అక్కలతో ఎంతో ప్రేమానురాగాలతో ఉంటున్నారు.
కేసీఆర్ కుటుంబం చాలా పెద్దది. కేసీఆర్‌కు మొత్తం ఎనిమిది అక్కలు, ఒక అన్న, ఒక చెల్లి ఉంది. వీరిలో కొందరు కాలం చెందారు.
2018 ఫిబ్రవరి 21వ తేదీన కేసీఆర్ రెండో అక్క విమల బాయి (82), మరో సోదరి లీలమ్మ కన్నుమూసిన విషయం తెలిసిందే. ఆమె మరణంతో కేసీఆర్ కలత చెందారు.
ప్రతి రాఖీ పండుగకు తప్పనిసరిగా కేసీఆర్ తన సోదరిమణులతో రాఖీలు కట్టించుకుంటున్నారు. అధికారం ఉన్నా లేకపోయినా కుటుంబపరంగా కేసీఆర్ ఎంతో అనుబంధాన్ని కలిగి ఉన్నారు.
సకలమ్మ అంత్యక్రియలకు కేసీఆర్ తన సతీమణి శోభతోపాటు కుమారుడు కేటీఆర్‌, కోడలు శోభ, కుమార్తె కల్వకుంట్ల కవిత, మేనల్లుడు హరీశ్‌ రావు తదితరులు హాజరయ్యే అవకాశం ఉంది.
