Hero New Splendor 2023: డెడ్ చీప్ గా సరికొత్త 'హీరో స్ల్పెండర్‌'.. మైలేజ్ 70 కిలోమీటర్లు! ధర కేవలం రూ.83 వేలే

Hero MotoCorp Launches Super Splendor XTEC: ప్రముఖ దిగ్గజ ద్విచక్ర వాహన సంస్థ 'హీరో మోటోకార్ప్‌'కు భారత మార్కెట్‌లో మంచి డిమాండ్ ఉన్న విషయం తెలిసిందే. ఎప్పటినుంచో 'హీరో స్ల్పెండర్‌' అత్యధికంగా అమ్ముడైన బైక్‌గా ఉంది. కంపెనీ హీరో స్ల్పెండర్‌ను నిరంతరం అప్‌గ్రేడ్ చేస్తూ ఉండటానికి ఇదే కారణం. కంపెనీ ప్రస్తుతం హీరో స్ల్పెండర్‌ను వివిధ మోడళ్లలో విక్రయిస్తోంది. ఇప్పటివరకు హీరో తన 100సీసీ బైక్‌లను XTEC వేరియంట్‌లో మాత్రమే విక్రయిస్తోంది. ఇప్పుడు XTEC వెర్షన్‌లో 125సీసీ సూపర్ స్ల్పెండర్‌ను కూడా విడుదల చేసింది. హీరో సూపర్ స్ల్పెండర్‌ XTEC.. ప్యాషన్ XTEC కంటే పైన ఉంది. 

హీరో మోటోకార్ప్‌ కంపెనీ సూపర్ స్ల్పెండర్‌ XTEC (Hero Splendor 125cc XTEC) డ్రమ్ బ్రేక్ వేరియంట్ ధర రూ. 83,368లుగా నిర్ణయించగా.. డిస్క్ బ్రేక్ వేరియంట్ ధర రూ. 87,268 (రెండు ధరలు ఎక్స్-షోరూమ్)లుగా నిర్ణయించింది. ఈ బైక్‌లో 124.7 సీసీ ఇంజన్ ఇవ్వబడింది. ఈ ఇంజన్ 7500 RPM వద్ద 10.7 bhp శక్తిని మరియు 6000 RPM వద్ద 10.6 Nm టార్క్‌ను ఉత్పత్తి చేయగలదు. ఇంజిన్ 5-స్పీడ్ గేర్‌బాక్స్‌తో వస్తుంది. సూపర్ స్ల్పెండర్‌ దాదాపుగా 68 కిలోమీటర్ల మైలేజిని అందిస్తుందని కంపెనీ పేర్కొంది.

హీరో మోటోకార్ప్ తన సూపర్ స్ల్పెండర్‌తో సూపర్ పవర్, మైలేజ్, కంఫర్ట్ మరియు స్టైల్‌ని నిత్యం అందిస్తూనే ఉంది. ఇప్పుడు పూర్తి-డిజిటల్ ఇన్‌స్ట్రుమెంట్ కన్సోల్ వంటి ఫీచర్లు ఇందులో ఉన్నాయి. ఈ బైక్‌కి కనెక్టివిటీ ఫీచర్లు ఉన్నాయి. ఇందులో పూర్తిగా డిజిటల్ స్పీడోమీటర్, తక్కువ ఇంధన హెచ్చరిక, సర్వీస్ రిమైండర్ వంటి ఫీచర్లు ఉన్నాయి. XTEC సూట్‌తో కనెక్టివిటీ ఫీచర్‌లు (బ్లూటూత్, కాల్ హెచ్చరికలు మరియు SMS హెచ్చరికలు) ఉన్నాయి.

హీరో స్ల్పెండర్‌ 125cc XTECలో LED హెడ్‌ల్యాంప్, LED పొజిషన్ ల్యాంప్ మరియు ఆకర్షణీయమైన గ్రాఫిక్స్ ఉన్నాయి. బైక్ ముందు భాగంలో ఐచ్ఛిక డిస్క్ బ్రేక్, వెనుక డ్రమ్ బ్రేక్, టెలిస్కోపిక్ ఫ్రంట్ ఫోర్క్స్, ట్విన్ షాక్ అబ్జార్బర్స్, అల్లాయ్ వీల్స్ బ్లాక్ ఫినిషింగ్, రైడర్ ట్రయాంగిల్ ఉన్నాయి. ఈ హీరో బైక్ హోండా యొక్క CB షైన్ 125 cc మరియు TVS రైడర్‌తో పోటీపడుతుంది.

Also Read: Satrun Rising 2023: కుంభ రాశిలో శని పెరుగుదల.. ఈ రాశుల వారికి కొత్త ఉద్యోగం, ఊహించని డబ్బు!

Aslo Read: Holi Burning 2023 Remedies: కాముడి దహనం రోజున లక్ష్మీ జయంతి.. ఈ 5 వస్తువులు అగ్నిలో వేస్తే మీ ఇంట్లో ధన వర్షం పక్కా!

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ -  https://bit.ly/3P3R74U

ఆపిల్ లింక్ -  https://apple.co/3loQYe

Twitter, Facebook మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.