Heath Streak Passes Away: ஜிம்பாப்வே கிரிக்கெட் அணயின் முன்னாள் கேப்டனும், மூத்த ஆல்-ரவுண்டருமான ஹீத் ஸ்ட்ரீக் சர்வதேச அளவில் 65 டெஸ்ட், 189 ஒருநாள் மற்றும் 175 முதல்தர போட்டிகளில் விளையாடி உள்ளார். ஸ்ட்ரீக் நீண்ட காலமாக கல்லீரல் புற்றுநோயுடன் போராடி வந்தார். அவரது மனைவி நாடின் ஸ்ட்ரீக் சமூக வலைதளப் பக்கத்தில் இந்த சோகமான செய்தியைப் பகிர்ந்து கொண்டார், 'என் வாழ்க்கையின் மிகப்பெரிய காதல் ஏஞ்சல்ஸுடன் இருக்க வேண்டும்' என்று அந்த பதிவில் அவர் குறிப்பிட்டுள்ளார்.
மேலும்,"இன்று அதிகாலையில், செப்டம்பர் 3, 2023 ஞாயிற்றுக்கிழமை, என் வாழ்க்கையின் மிகவும் அன்பானவரும், என் அழகான குழந்தைகளின் தந்தையும், அவரது குடும்பம் மற்றும் நெருங்கிய அன்புக்குரியவர்கள் உடன் தனது கடைசி நாட்களைக் கழிக்க விரும்பிய அவரது வீட்டில் இருந்து தேவதூதர்களால் அழைத்துச் செல்லப்பட்டார்" என்று நாடின் பேஸ்புக்கில் பதிவிட்டுள்ளார்.
ஸ்ட்ரீக் இறந்துவிட்டதாக சுமார் ஒரு வாரத்திற்கு முன்பு வதந்தி ஒன்று பரவியது. இந்த வதந்தி இணையத்தில் காட்டுத்தீ போல் பரவியது. முன்னாள் கிரிக்கெட் வீரர்கள் அனில் கும்ப்ளே மற்றும் ஆடம் கில்கிறிஸ்ட் போன்றவர்கள் கூட போலி செய்தியை நம்பி அவருக்கு இரங்கல் தெரிவித்தனர். ஸ்ட்ரீக்கின் முன்னாள் அணி வீரர் ஹென்றி ஒலோங்கா அந்த வதந்தியை நம்பி இரங்கல் தெரிவித்தார். ஆனால் ஸ்ட்ரீக்குடன் பேசிய பிறகு ஹென்றி மன்னிப்பு கேட்டார். எவ்வாறாயினும், அந்த சோகமான செய்தி இந்த முறை உண்மையாக மாறியது.
Formar Zimbabwe Legendary cricketer Heath Streak has passed away.
- 239 wickets & 2943 runs in ODIs.
- 216 wickets & 1990 runs in Tests.One of the greatest from Zimbabwe
Condolences to his family.RIP! Heath Streak! #RIP #HeathStreakpic.twitter.com/nkpqwqFWFP
— Tejash (@ROHIT_FC045) September 3, 2023
மேலும் படிக்க | Asia Cup 2023, IND vs PAK: மழையால் ஆட்டம் ரத்து, ஏமாற்றத்தில் ரசிகர்கள்
டெஸ்ட் கிரிக்கெட்டில் 216 விக்கெட்டுகளையும், ஒருநாள் போட்டிகளில் 239 விக்கெட்டுகளையும் ஸ்ட்ரீக் எடுத்தார். இவை இரண்டும் அவரது நாட்டிற்காக சாதனையாக இருந்தது. 1993ஆம் ஆண்டு முதல் 2005ஆம் ஆண்டு வரையிலான 12 ஆண்டு கால வாழ்க்கையில் அவர் டெஸ்ட் போட்டிகளில் 1,990 ரன்களையும் ஒருநாள் அரங்கில் 2,943 ரன்களையும் எடுத்தார்.
அவர் கேப்டனாக ஜிம்பாப்வேக்காக அதிக டெஸ்ட் வெற்றிகளைப் பெற்றார். அவர் தலைமை தாங்கிய 21 ஆட்டங்களில் நான்கில் வெற்றி பெற்றார் மற்றும் 11இல் தோல்வியடைந்தார். ஒருநாள் போட்டிகளில், அவர் 68 ஆட்டங்களில் கேப்டனாக இருந்தார், 18 போட்டிகளில் வெற்றி பெற்றார் மற்றும் 47 போட்டிகளில் தோல்வியடைந்தார். ஓய்வுக்குப் பிறகு, அவர் ஜிம்பாப்வே அணிக்கு பயிற்சியாளராகவும் சென்றார்.
ஸ்ட்ரீக்கின் வாழ்க்கை உற்சாகமாக இருந்தாலும், 2021ஆம் ஆண்டில் கிரிக்கெட் போட்டியில் ஊழல் செய்ததற்காக சர்வதேச கிரிக்கெட் கவுன்சில் (ஐசிசி) அவருக்கு எட்டு ஆண்டுகள் தடை விதித்தது. முன்னாள் கிரிக்கெட் அவரது செயல்களுக்கு 'முழுப் பொறுப்பையும்' ஏற்றுக்கொண்டாலும், அவர் சரிசெய்ய எந்த முயற்சியும் செய்யவில்லை.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
