தமிழக வெற்றிக் கழகத்தில் இணைந்து பணியாற்ற நடிகர் விஜய் அழைத்தால் இணைந்து பணியாற்ற தயாராக உள்ளேன் என தூத்துக்குடியில் நடிகை தர்ஷா குப்தா பேட்டி.
தூத்துக்குடி ஐயன் அடைப்பு பகுதியில் அமைந்துள்ள பிரத்யங்கிரா தேவி ஆலயத்தில் இன்று தை அமாவாசையை முன்னிட்டு உலக நன்மை விவசாயம் செழிக்க வேண்டி ஒரு லட்சத்து எட்டு எலுமிச்சை யாகம் நடைபெற்றது.
இதையொட்டி பிரித்தியங்கரா தேவிக்கு சிறப்பு அபிஷேகம் மற்றும் சிறப்பு பூஜை நடைபெற்றது. ஒரு லட்சத்து எட்டு எலுமிச்சை பக்தர்களால் காணிக்கையாக செலுத்தப்பட்டு பின்னர் அவை பூஜை செய்யப்பட்டு யாகசாலையில் போடப்பட்டது.
இதில் ஏராளமான பக்தர்கள் கலந்து கொண்டு தரிசனம் செய்தனர். இந்த பூஜைகளை சீனிவாச சித்தர் செய்தார், இந்த பூஜையில் வெளிநாட்டினர் மற்றும் பிக் பாஸ் நிகழ்ச்சியில் பங்கேற்ற நடிகை தர்சா குப்தா உள்ளிட்டோர் பங்கேற்று வழிபட்டனர்.
பின்னர் நடிகை தர்சா குப்தா செய்தியாளர்களை சந்தித்தார் அப்போது அவர் கூறுகையில், பிக் பாஸ் நிகழ்ச்சியில் பங்கேற்றது மகிழ்ச்சியாக இருந்தது. தற்போது தெலுங்கு படம் உள்ளிட்ட பல்வேறு படங்களில் நடிக்க உள்ளேன்.
நடிகர் விஜய் நடிகராக இருக்கும் போதே எனக்கு மிகவும் பிடிக்கும், அவர் அரசியலுக்கு வந்துள்ளார். அவர் தமிழக முதல்வர் ஆக வேண்டும் என விரும்புகிறேன். நடிகர் விஜய் அழைத்தால் அவரது கட்சியில் இணைந்து பணியாற்றுவேன் என அவர் தெரிவித்தார்.
