ராட்சசன் திரைப்படத்தில் இடம்பெற்றுள்ள "காதல் கடல் தானா" பாடலின் லிரிக்கல் விடியோ வெளியானது!
முண்டாசுப்பட்டி பட இயக்குனர் ராம்குமாருடன், நடிகர் விஷ்ணு மீண்டும் இணைந்துள்ள படம் ராட்சசன். காவல்துறை அதிகாரியாக விஷ்ணு நடித்துள்ள இப்படத்தில் இவருக்கு ஜோடியாக நடிகை அமலாபால் நடித்துள்ளார்.
சைக்கலாஜிக்கல் ரொமாண்டிக் த்ரில்லர் ஜானரில் உருவாகியுள்ள இத்திரைப்படத்திற்கு ஜிப்ரான் இசையமைத்துள்ளார். பி.வி.ஷங்கர் ஒளிப்பதிவு செய்துள்ளார், சான் லோகேஷ் படத்தொகுப்பாளராக பணியாற்றுகிறார்.
‘ஆக்சஸ் ஃபிலிம் ஃபேக்டரி – ஸ்கைலார்க் எண்டர்டெயின்மெண்ட்’ நிறுவனங்கள் இணைந்து தயாரித்து வரும் இத்திரைப்படத்தில் டீஸர் சமீபத்தில் வெளியாகி ரசிகர்களிடையே நல்ல வரவேற்பினை பெற்றது.
விரைவில் இப்படம் வெளியாகவுள்ள நிலையில் தற்போது இப்படத்தில் இடம்பெற்றுள்ள "காதல் கடல் தானா" பாடலின் லிரிக்கல் வீடியோவினை படக்குழுவினர் வெளியிட்டுள்ளனர். இப்பாடலினை உமா தேவி எழுதியுள்ளார், சத்யபிரகாஷ் - சைத்ரா பாடியுள்ளனர்.
