Madha Gaja Raja Box Office Collection Day 1 : 12 வருடங்களுக்கு முன்பு உருவாக்கி இப்போது வெளியாகியிருக்கும் படம் மதகஜராஜா. சுந்தர் சி இயக்கத்தில் உருவாக்கி இருக்கும் இந்த படத்தில் விஷால் ஹீரோவாக நடித்துள்ளார். ரசிகர்களின் பல நாள் காத்திருப்பதற்கு மத்தியில் இப்படம் வெளியாக இருப்பதை தொடர்ந்து, முதல் நாளில் பெற்ற வசூல் குறித்து இங்கு பார்ப்போம்.
மதகஜராஜா திரைப்படம்:
எந்த ஒரு திரைப்படமும் ரிலீஸிற்கு ரெடியாக இருந்து, பல ஆண்டுகளுக்கு பின்பு வெளியாகிறது என்றால் அது வெளியாவது சாத்தியமற்றது. அப்படியே வெளியானாலும் அது பெரிதும் வெற்றி பெறுமா என்பது தெரியாது. ஆனால், இத்தனை ரிஸ்க்களுக்கும் மத்தியில் வெளியாகியிருக்கிறது, மத கஜ ராஜா திரைப்படம். விஷால், தனது திரையுலகின் பீக்-ல் இருந்த டைமில் எடுக்கப்பட்ட படம் இது. இதில் நடித்துள்ள அஞ்சலி, வரலட்சுமி, சந்தானம் என அனைவருமே அப்போது இன்னும் இளமையாகவும், தங்களின் திரை வாழ்க்கையிலும் டாப்பில் இருந்தனர். இந்த படத்தை தியேட்டரில் பார்க்கும் போது, அப்படியே 10 வருடம் பின்னால் போனதாக இருப்பதாக படம் பார்த்த சிலர் கருத்துகளை தெரிவித்து வருகின்றனர்.
முதல் நாள் வசூல்:
மதகஜராஜா படம், பொங்கல் பண்டிகை விடுமுறைகளை குறி வைத்து வெளியாகியிருக்கிறது. இதையடுத்து, ரிலீஸாகியிருக்கும் இன்று மட்டும் இப்படம் எவ்வளவு வசூலித்திருக்கும் என்பது குறித்த விவரம் வெளியாகியிருக்கிறது. இந்த படம், முதல் நாளில் மட்டும் சுமார் ரூ.5 கோடி வரை வசூலிக்கலாம் எனக்கூறப்படுகிறது.
#MadhaGajaRaja
Madha Gaja Raja box office prediction day 1: Vishal and Sundar C's film may earn Rs 5 crore pic.twitter.com/F6ZVeqsJQW— deepaksaini9680 (@deepaksaini9680) January 12, 2025
இது குறித்த அதிகாரப்பூர்வ தகவல் நாளை வெளியாகலாம்.
படத்தின் ஹைலைட்ஸ்:
மதகஜராஜா திரைப்படம், மக்கள் மத்தியில் இவ்வளவு எதிர்பார்ப்பை ஏற்படுத்த காரணம், இந்த படத்தின் பாடல்களுள் ஒன்று எனக்கூறலாம். அதுதான், “மை டியர் லவ்வரு” பாடல். விஜய் ஆண்டனியின் இசையில் உருவாகியிருந்த இந்த பாடல், கிட்டத்தட்ட 12 வருடத்திற்கும் மேலாக பலரது ப்ளேலிஸ்டில் வைப் செய்யும் பாடலாக இருக்கிறது. சொல்லப்போனால் இந்த பாடலை பெரிய திரையில் பார்க்க வேண்டும் என்பதற்காகவே பலர் தியேட்டருக்கு சென்றதாக கூறி வருகின்றனர்.
விஜய் ஆண்டனியின் இசையை தாண்டி, படத்தில் ரசிக்ககூடிய வகையில் இருந்தது சந்தானத்தின் டைமிங் கவுண்டர்கள். 10-11 ஆண்டுகளுக்கு முன்னாள், “இனி நடித்தால் ஹீரோவாக மட்டும்தான் நடிப்பேன்” என சபதம் எடுத்த அவர், அதன் பிறகு எந்த ஹீரோவுடனும் சேர்ந்து காமெடி தோற்றங்களில் வரவே இல்லை. அப்படிப்பட்ட சந்தானத்தை பல நாட்களாக மிஸ் செய்தவர்கள், மதகஜராஜா படத்தில் அவரை ரசித்து வருகின்றனர்.
சந்தானத்தை தவிர், மனோபாலா, சடகோபன் ரமேஷ், மணிவண்ணன், லொல்லு சபா மனோகர், ஸ்வாமினாதன் உள்ளிட்டோரும் திரையில் தோன்றி கலகலக்க வைக்கின்றனர். அஞ்சலி மற்றும் வரலட்சுமியை இந்த படத்தில் கொஞ்சம் கிளாமராகவே காட்டியிருக்கின்றனர்.
விஷாலின் நிலை..
மதகஜராஜா படத்தில், விஷால் கட்டுமஸ்தான தோற்றத்தில் பார்க்கவே மாஸாக இருக்கிறார். ஆனால், இப்போதோ கை நடுக்கம், குரலில் பதற்றம் என ஆளே மாறிப்போயிருக்கிறார். இதனால், விஷாலின் ரசிகர்கள் அவரை ஒரு வித ஏக்கப்பெருமூச்சுடனேயே திரையில் பார்த்து வருகின்றனர்.
மேலும் படிக்க | ஜாலியா? காலியா? மத கஜ ராஜா படம் எப்படி? நெத்தியடி திரை விமர்சனம்!!
மேலும் படிக்க | விஷாலுக்கு என்ன ஆச்சு? கை நடுக்கம், குரலில் தடுமாற்றம்..இதுதான் காரணம்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
