பொதுவாக தாமதமாக தூங்கும் நபர்களுக்கு மனச்சோர்வு மற்றும் பதட்டம் உள்ளிட்ட பல்வேறு மனநல பிரச்சனைகளை உருவாக்கும் என்பதை பலரும் அறிவர். ஆனால் சமீபத்திய ஆய்வின் முடிவுகள் இவற்றை தாண்டி பல்வேறு பிரச்சனைகளை ஏற்படுத்தும் என்பதை காட்டியுள்ளது. இரவில் வெகுநேரம் விழித்திருப்பவர்கள் அதிகமாக பாதிக்கப்படுகின்றனர் என்பது தெரியவந்துள்ளது. மக்கள் பெரும்பாலும் இரவு நேரங்களில் மோசமான முடிவுகளை எடுக்கிறார்கள், இது மனநிலை பிரச்சனைகளுக்கு வழிவகுக்கும் என்பதை ஆராய்ச்சி எடுத்துக்காட்டுகிறது. கவலையளிக்கும் வகையில் தற்கொலை எண்ணங்கள், வன்முறைச் சம்பவங்கள், போதைப்பொருள் துஷ்பிரயோகம் மற்றும் அளவுக்கு அதிகமாக உணவு உண்பது போன்ற எண்ணங்கள் தாமதமாக தூங்குபவர்களிடம் இருப்பதாக ஆய்வுகள் கூறுகிறது.
மேலும் படிக்க | அதிகமாக ஆயில் சேர்த்தால்... இந்த 5 பெரிய பிரச்னைகள் வரும் - ரொம்ப கவனம் மக்களே
எனவே இரவு நீண்ட நேரம் தூங்காமல் இருப்பது எந்தவித பாதிப்பையும் ஏற்படுத்தாது என்று நீங்கள் நம்பினால், அந்த மனநிலையை மறுபரிசீலனை செய்ய வேண்டிய நேரம் இது. இரவில் தாமதமாக தூங்குபவர்களிடம் நடத்திய சமீபத்திய ஆய்வில் சில திடுக்கிடும் தகவல்கள் வெளியாகி உள்ளது. 8 வருட காலப்பகுதியில் 70,000 க்கும் மேற்பட்ட நபர்களை உள்ளடக்கிய ஒரு விரிவான ஆய்வில், அதிகாலை 1 மணிக்குப் பிறகு தூங்க செல்வது மன மற்றும் நடத்தை சிக்கல்களை ஏற்படுத்தும் அபாயத்தை கணிசமாக அதிகரிக்கிறது என்பதை காட்டுகிறது.
75,000 மேற்பட்ட நபர்களிடம் நடத்தப்பட்ட இந்த ஆய்வில் இரவு நீண்ட நேரம் விழித்து இருப்பது பழக்கவழக்கங்கள் மற்றும் மனநலத்தில் தீங்கான தாக்கத்தை ஏற்படுத்துகின்றன என்பதை தெளிவாகச் சுட்டிக்காட்டுகின்றன. இரவில் சரியான நேரத்தில் தூங்குபவர்கள் மற்றும் தாமதமாக தூங்குபவர்கள் என இருவரிடமும் இந்த ஆய்வு நடத்தப்பட்டுள்ளது. இரவில் தாமதமாக தூங்கி காலையில் சீக்கிரம் எழுந்தாலும் அல்லது தொடர்ந்து இதே பழக்கத்தை கடைபிடிப்பது மன ஆரோக்கியத்தை மோசமாக பாதிக்கும் என்பதை இந்த ஆய்வு சந்தேகத்திற்கு இடமின்றி விளக்குகிறது.
சீக்கிரம் தூங்கும் பழக்கத்தை எப்படி வளர்ப்பது?
உங்கள் தூக்கத்தின் தரத்தை மேம்படுத்தவும், உங்கள் மனதையும் உடலையும் ஆரோக்கியமாக வைத்திருக்கவும் விரும்பினால் அதிகாலை 1 மணிக்குப் பிறகு தூங்கும் பழக்கத்தை இப்போதே கைவிடுங்கள். இதனை பின்பற்ற விடுமுறை நாட்களிலும் கூட, தினமும் ஒரே நேரத்தில் தூங்கி எழுந்திருங்கள். மேலும் இரவு தூங்குவதற்கு ஒரு மணி நேரத்திற்கு முன் உங்கள் போன், டிவி மற்றும் மடிக்கணினியை பார்க்காதீர்கள். தூங்கும் முன்பு அமைதியான இசையை கேளுங்கள், புத்தகத்தைப் படியுங்கள் அல்லது தியானம் செய்யுங்கள். இரவில் காபி மற்றும் காரமான உணவுகளை தவிர்க்கவும். காலையில் எழுந்ததும் சிறிது நேரம் சூரிய ஒளியில் நில்லுங்கள். இது உடலை சீராகும்.
இந்த வழிகாட்டுதல்களைப் பின்பற்றுவதன் மூலம், உங்கள் தூக்கத்தின் தரத்தை மேம்படுத்துவதோடு மட்டுமல்லாமல், உங்கள் ஒட்டுமொத்த மனநலத்திற்கும் குறிப்பிடத்தக்க பங்களிப்பை வழங்கும் ஆரோக்கியமான தூக்கப் பழக்கங்களை நீங்கள் வளர்க்கலாம்.
மேலும் படிக்க | தினமும் தேவையான புரோட்டீன்.. இந்த உணவுகள் ரொம்ப முக்கியம்!
(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
