எடை இழப்பு டயட்டில் இந்த பழங்கள் வேண்டவே வேண்டாம்: ஜாக்கிரதை!!

Weight Loss Tips: உடல் பருமன் உலக மக்களை பாடாய் படுத்தி வரும் பிரச்சனைகளில் ஒன்றாக உள்ளது. முன்னர் அங்கொன்றும் இங்கொன்றுமாய் மிகச்சிலரே உடல் பருமனால் பாதிக்கப்படடிருந்தார்கள். ஆனால், இன்று இது பலரை தன் பிடியில் ஆட்கொண்டுள்ளது. ஆரோக்கியமற்ற உணவும்முறையும், வாழ்க்கை முறையும் இதற்கு முக்கிய காரணங்களாக பார்க்கப்படுகின்றன.

உடல் எடையை குறைக்கவும் தொப்பை கொழுப்பை (Belly Fat) கரைக்கவும் மக்கள் பல வழிகளை நாடுகிறார்கள். உணவில் பல வித கட்டுப்பாடுகளை மேற்கொள்கிறார்கள். சாதம், சப்பாத்தி போன்றவற்றை குறைத்துக்கொண்டு அதற்கு பதிலாக, அதிக அளவில் பழங்களையும் காய்களையும் உட்கொள்ள அறிவுறுத்தப்படுகிறார்கள். ஆகையால், எடை இழப்பு முயற்சியில் இருக்கும் பலர், எடை இழக்க, தங்கள் உணவில் பல வகையான பழங்கள் மற்றும் காய்களைச் சேர்த்துக் கொள்கிறார்கள். 

எடை இழப்பு முயற்சியில் உள்ளவர்கள், தங்கள் டயட்டில் ஆரோக்கியமான உணவுகள் இருப்பது மிகவும் அவசியம் என்பதை நினைவில் கொள்வது முக்கியம்.  ஏனென்றால் அனைத்து பழங்களும் உணவுகளும் எடை இழப்புக்கு நன்மை பயக்காது. பழங்கள் உங்கள் ஆரோக்கியத்தை மேம்படுத்தலாம். ஆனால், சில பழங்கள் எடையைக் குறைக்கும் போது உங்கள் உடலுக்கு தீங்கு விளைவிக்கும் வாய்ப்புகளும் உள்ளது என்பதை நினைவில் கொள்ள வேண்டும்.

பல நேரங்களில் மக்கள் தங்கள் எடை இழப்பு உணவில் பழங்களைச் அதிகமாக சேர்த்துக் கொள்கிறார்கள். ஏனெனில் அவற்றில் நார்ச்சத்து மற்றும் ஆண்டிஆக்சிடெண்டுகள் அதிகமாக இருக்கின்றன. அவை உடலில் கலோரிகளின் அளவைக் குறைக்க உதவுகின்றன. எனினும், எடை இழப்பு டயட்டில் சில பழங்கள் மற்றும் உணவுகளை சேர்க்கக்கூடாது என்பதை நினைவில் கொள்ள வேண்டும். 

எடையை இழக்க இந்த உணவுகளை சாப்பிடுவதைத் தவிர்க்கவும்

எடை இழப்பு உணவில் பப்பாளியை ஒருபோதும் சேர்க்கக்கூடாது. ஏனெனில் அதில் சோடியம் மற்றும் கூடுதல் கலோரிகள் உள்ளன. மேலும் எடையை இழக்க வேண்டுமானால் மது அருந்துவதை நிறுத்த வேண்டியது மிக அவசியம். ஏனெனில் அதில் அதிக கலோரிகள் உள்ளன. இது உங்கள் எடையை அதிகரிக்கும். இது தவிர, உடல் பருமன் அதிகமாக உள்ளவர்கள் இனிப்புகள், ஐஸ்கிரீம் மற்றும் குளிர் பானங்கள் உட்கொள்வதை நிறுத்த வேண்டும்.

உடல் எடையை குறைக்க நினைப்பவர்கள் இந்த பழங்களை உட்கொள்ளக்கூடாது

Pineapple: அன்னாசிப்பழம்

அன்னாசிப்பழத்தில் உள்ள இயற்கை சர்க்கரை சில நேரங்களில் இரத்த சர்க்கரையை அதிகரிக்கக்கூடும், இது அதிக பசிக்கு வழிவகுக்கும். இது உங்கள் எடையைக் குறைப்பதற்குப் பதிலாக அதிகரிக்கும். ஆகையால், எடை இழப்பு உணவில் அன்னாசிப்பழத்தைச் சேர்க்காமல் பார்த்துக் கொள்ள வேண்டும்.

Cherry: செர்ரி

செர்ரிகளில் கொழுப்பு குறைவாகவும், நார்ச்சத்து அதிகமாகவும் உள்ளது. ஆனால் அவை மற்ற பழங்களை விட அதிக கிளைசெமிக் குறியீட்டைக் கொண்டுள்ளன. இதை சாப்பிடுவது உங்கள் இரத்த சர்க்கரை அளவை அதிகரிக்கும். மேலும் இது உங்கள் உணவுப் பசியை அதிகரிக்கும். இதன் காரணமாக, நீங்கள் அடிக்கடி சாப்பிடவும், அதிகமாக சாப்பிடவும் வாய்ப்புள்ளது. இது எடை அதிகரிக்கும் அபாயத்தை அதிகரிக்கும்.

Grapes: திராட்சை

ஒரு கப் திராட்சையில் சுமார் 100 கிராம் கலோரிகள் உள்ளன. இதில் இயற்கையான சர்க்கரை நிறைந்துள்ளது. பல நேரங்களில் நீங்கள் அதிக அளவில் திராட்சை சாப்பிடும்போது, ​​அது உடலில் சர்க்கரை அளவை அதிகரித்து. இதன் மூலம் எடை அதிகரிக்கும் அபாயம் ஏற்படுத்துகிறது.

(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

மேலும் படிக்க | தினமும் தேவையான புரோட்டீன்.. இந்த உணவுகள் ரொம்ப முக்கியம்!

மேலும் படிக்க | அதிகமாக ஆயில் சேர்த்தால்... இந்த 5 பெரிய பிரச்னைகள் வரும் - ரொம்ப கவனம் மக்களே

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ