Cinnamon Water Health Benefits: உடலை ஆரோக்கியமாக வைத்துக்கொள்ள வேண்டியது மிக அவசியமாகும். உடல் ஆரோக்கியத்திற்கு ஆரோக்கியமான உணவு முறையும், வாழ்க்கை முறையும் இன்றியமையாதவை. நாம் நமது தினசரி சமையலில் பயன்படுத்தும் மசலாக்கள் நமது உணவின் சுவையை அதிகரிப்பதோடு, உடல் ஆரோக்கியத்தையும் மேம்படுத்துகின்றன.
பல வித ஆரோக்கிய நன்மைகள் அடங்கியுள்ள மசாலாக்களில் இலவங்கப்பட்டையும் ஒன்று. இது பல வித நன்மைகளை அளிக்கின்றது. இலவங்கப்பட்டையில் அதிக அளவு கால்சியம், நார்ச்சத்து, வைரஸ் எதிர்ப்பு பண்புகள், ஆண்டிஆக்சிடெண்டுகள் மற்றும் பாக்டீரியா எதிர்ப்பு பண்புகள் உள்ளன. இலவங்கப்பட்டை தண்ணீர் குடிப்பதால் உடலுக்கு பல வித நன்மைகள் கிடைக்கும். அவற்றை பற்றி இந்த பதிவில் காணலாம்.
இலவங்கப்பட்டை நீரின் ஆரோக்கிய நன்மைகள்:
செரிமானம்
இலவங்கப்பட்டையில் நார்ச்சத்து உள்ளது. காலையில் அதன் நீரைக் குடிப்பது செரிமான அமைப்பை பலப்படுத்துகிறது. இதனுடன், வயிற்றில் உள்ள வாயுத்தொல்லை, அமிலத்தன்மை மற்றும் மலச்சிக்கல் போன்ற பிரச்சனைகளும் இதனால் நீங்கும்.
எடை இழப்பு
இலவங்கப்பட்டை நீர் உடல் நாள் முழுவதும் அதிக கலோரிகளை எரிக்க உதவுகிறது. இது வளர்சிதை மாற்றத்தை மேம்படுத்துகின்றது. எடை இழக்க விரும்புவோருக்கு இலவங்கப்பட்டை நன்மை பயக்கும்.
நோய் எதிர்ப்பு சக்தி
இலவங்கப்பட்டை நீரில் ஆண்டிஆக்சிடெண்ட், வைரஸ் எதிர்ப்பு மற்றும் பாக்டீரியா எதிர்ப்பு பண்புகள் உள்ளன. அவை நோயெதிர்ப்பு மண்டலத்தை வலுப்படுத்த உதவுகின்றன. தொற்று நோய்கள் மற்றும் பிற நோய்களிலிருந்து இது உடலைப் பாதுகாக்கிறது. இலவங்கப்பட்டை தண்ணீரை தொடர்ந்து குடிப்பது சளி மற்றும் காய்ச்சல் போன்ற நோய்களைத் தடுக்க உதவும். இதைக் குடிப்பதால் உடலில் தொற்று ஏற்படும் அபாயம் ஏற்படாது.
நீரிழிவு நோய்
நீரிழிவு நோயாளிகளுக்கு இலவங்கப்பட்டை தண்ணீர் ஒரு அருமருந்தாக உதவும். இதை குடிப்பது இரத்த சர்க்கரை அளவை கட்டுப்படுத்த உதவுகிறது. இது இன்சுலின் சென்சிட்டிவிட்டியை சீராக்கவும் உதவுகிறது.
இதய ஆரோக்கியம்
இலவங்கப்பட்டை பொடியை தண்ணீரில் கலந்து குடிப்பதால் கொலஸ்ட்ரால் அளவு கட்டுக்குள் இருக்கும். இந்த நீர் ட்ரைகிளிசரைடுகளை கட்டுப்படுத்துகிறது. இது இதய நோய்களைத் தடுக்கிறது. கெட்ட கொலஸ்ட்ரால் மற்றும் ட்ரைகிளிசரைடுகள் அதிகரிப்பதால் இதய நோய்கள் ஏற்படும் அபாயம் அதிகரிக்கிறது. இலவங்கப்பட்டை பொடி நீர் அதற்கு நிவாரணம் அளிக்கும்.
உடல் சோர்வு
காலையில் இலவங்கப்பட்டை தண்ணீர் குடிப்பது நாள் முழுவதும் உடலுக்கு ஆற்றலை அளிக்கிறது. இதை குடிப்பதால் சோர்வு மற்றும் பலவீனம் குறைகிறது. இது தவிர, இது மூட்டு வலியிலிருந்தும் நிவாரணம் அளிக்கிறது.
மூளை செயல்பாடு
இலவங்கப்பட்டை மூளையின் செயல்பாட்டை மேம்படுத்துவதாக ஆராய்ச்சியாளர்கள் கூறுகின்றனர். இது அறிவாற்றல் செயல்பாடு, நினைவகம் மற்றும் கவனத்தை மேம்படுத்துகிறது. இது அல்சைமர் நோய் போன்ற நோய்களின் அபாயத்தையும் குறைக்கிறது.
(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | நார்மல் ரத்த சர்க்கரை அளவு என்ன? சர்க்கரை நோயை முழுமையாக குணப்படுத்த முடியுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
