உடல் ஆரோக்கியம் சிறப்பாக இல்லை என்றால், கோடிக்கணக்கில் பணம் இருந்தாலும் அதனால் ஒன்றும் பயனில்லாமல் போய்விடும். எனவே உடலை பிட்டாக வைத்துக் கொண்டு, ஆரோக்கியம் கெடாமல் பார்த்துக் கொள்ள வேண்டியது மிகவும் அவசியமாகிறது. நமது உடல் ஆரோக்கியத்திற்கும், நமது அன்றாட பழக்க வழக்கம் மற்றும் உணவு முறைக்கும் நேரடி தொடர்பு உண்டு. இந்நிலையில், நமது ஆரோக்கியத்தை பெரிதும் பாதிக்கும் சில பழக்க வழக்கங்களை அறிந்து கொள்ளலாம்.
காலை உணவை தவிர்த்தல்
நாள் முழுவதும் ஆற்றலுடன் செயல்பட உடலுக்குத் தேவையான எரிசக்தியை வழங்குவது காலை உணவு என்றால் மிகை இல்லை. ஆனால் இதன் முக்கியத்துவத்தை உணராமல், பலர் நேரமில்லை என்ற காரணத்தைக் காட்டி காலை உணர்வை தவிர்த்து விடுகின்றனர். இந்த பழக்கம் தில தீவிர பிரச்சனைக்கு வழிவகுக்கும். இதனால் நீரழிவு செரிமான பிரச்சனை, வளர்ச்சியை மாற்றும் மந்தமாதல் போன்ற நீண்ட கால பாதிப்புகள் (Health Tips) ஏற்படும்.
இரவு தாமதமாக தூங்குதல்
இன்றைய டிஜிட்டல் உலகில், நடு இரவு வரை கண்விழித்து, காலை மிகவும் தாமதமாக எழும் பழக்கம் பலருக்கு உள்ளது. இது மூளையின் செயல் திறனுக்கு மிகவும் ஆபத்தை விளைவிக்க கூடிய பழக்கம். இதனால் நினைவாற்றல் குறைவது, எதிலும் கவனம் செலுத்த முடியாத நிலை, போன்ற பிரச்சனைகளை எதிர்கொள்ள நேரிடும். இவை மன அழுத்தத்தை ஏற்படுத்துவதோடு, நோய் எதிர்ப்பு சக்தியையும் பாதிக்கும்.
டிஜிட்டல் கேட்ஜெட்டுகளை அதிகம் பயன்படுத்துதல்
பல மணி நேரங்கள், செல்போன் கணினி ஆகியவற்றில் நேரத்தை செலவிடுவதால், கண் பார்வை திறன் பாதிக்கப்படுவதோடு, தூக்கமின்மை பிரச்சனையும் ஏற்படுகிறது. டிஜிட்டல் சாதனங்களில் இருந்து வெளிப்படும் ஒளி, மெலடோனின் என்ற ஹார்மோன் உற்பத்தியை பாதித்து, தூக்கமின்மை முதல் ஆண்மை பிரச்சனை வரை பலவித உடல் நல பாதிப்புகளை ஏற்படுத்தும்.
குறைவான தண்ணீர் உட்கொள்ளும் பழக்கம்
பொதுவாக அனைவரும் தினம் குறைந்தது 8 கிளாஸ் தண்ணீர் குடிக்க வேண்டும் என உணவில் நிபுணர்கள் வலியுறுத்துகின்றனர். ஆனால், வேலையில் மூழ்கி போவதாலும், அடிக்கடி சிறுநீர் போவதை தவிர்க்க விரும்புவதாலும் பலர் குறைந்த அளவு தண்ணீரை குடிக்கின்றனர். இது பல உடல்நல பிரச்சனைகளை ஏற்படுத்தும். குறிப்பாக சிறுநீரகம், உடல் ஆரோக்கியம் பாதிக்கப்படும். சருமம் தொடர்பான பிரச்சனைகள், செரிமானம் தொடர்பான பிரச்சனைகள் ஏற்படலாம்.
மேலும் படிக்க | உடல் எடையை குறைக்க உதவும் தென்னிந்திய உணவுகள்!
மதுபானம் மற்றும் புகைப்பிடிக்கும் பழக்கம்
புகை பிடிக்கும் பழக்கம் மற்றும் குடிப்பழக்கம் என்பது ஆரோக்கியத்திற்கு பெரும் கேடு விளைவிக்கும் பழக்கங்களில் முதன்மையாக உள்ளது. குடிப்பழக்கம் மூளை முதல் கல்லீரல் வரை பல உறுப்புகளை பலவீனப்படுத்துகிறது. புகை பிடிக்கும் பழக்கம் நுரையீரலை பாதிப்பதோடு மட்டுமல்லாமல், இதய நோய் ஆபத்தையும் அதிகரிக்கிறது. ஆரோக்கியமாக இருக்கவும், புற்றுநோய், இதய நோய், கல்லீரல் செயல் இழப்பு, சிறுநீரக செயலிழப்பு போன்ற கடுமையான உடல் பிரச்சனைகளில் சிக்காமல் இருக்கவும், இந்தப் பழக்கங்களை கைவிடுவது நல்லது.
பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE MEDIA இந்த தகவல்களுக்கு பொறுப்பேற்காது.
மேலும் படிக்க | சுரைக்காய் உடன் இந்த 5 உணவுகளை சேர்த்து சாப்பிடாதீங்க...!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
