காலையில் எழுந்தவுடன் பெரும்பாலும் நம் அனைவருக்கும் பசி எடுப்பது சகஜம். சிலருக்கு இந்த பசி மிக அதிகமாகவே இருக்கும். ஆனால், நாம் காலை எழுந்தவுடன் வெறும் வயிற்றில் என்ன சாப்பிடுகிறோம் என்பது மிகவும் முக்கியமான ஒரு விஷயமாகும். பழங்களும், காய்கறிகளும், பிற உணவு வகைகளும் நமது உடலுக்கு தேவையான பல ஊட்டச்சத்துகளையும் வைடமின்களையும் அளிக்கின்றன. ஆனால், எந்த வகை உணவை எந்த நேரத்தில் எடுத்துக்கொள்கிறோம் என்பது மிக முக்கியமாகும்.
சரியான உணவு வகைகளை சரியான நேரத்தில் உட்கொண்டால் நாம் நல்ல உடல் ஆரோக்கியத்தை அனுபவிக்கலாம். குறிப்பாக சில உணவுகளை வெறும் வயிற்றில் தவிர்ப்பது மிக அவசியம். அவற்றைப் பற்றி பார்க்கலாம்.
காலி வயிற்றில் இளநீர் அருந்தலாமா?
இளநீரை வெறும் வயிற்றில்அருந்தக் கூடாது. ஏனெனில் அதில் உள்ள அமிலத் தன்மை வயிற்றில் புண்ணை உருவாக்கும். ஏதாவது ஆகாரம் எடுத்த பின்னரே இளநீரை பருக வேண்டும்.
காலி வயிற்றுக்கு பேரிக்காய் நல்லதல்ல
பேரிக்காயில் நார் சத்து உள்ளது. நாம் அதை வெறும் வயிற்றில் சாப்பிடும்போது, அது மென்மையான சளி சவ்வை சேதப்படுத்தும்.
சிட்ரஸ் பழங்களை வெறும் வயிற்றில் உண்ணக்கூடாது
சிட்ரஸ் பழங்களில் பழ அமிலம் உள்ளது. அவற்றை வெற்று வயிற்றில் சாப்பிடும்போது, வாயு பிரச்சினைகள் ஏற்படும்.
வெறும் வயிற்றில் காபி / டீ வேண்டாம்
வெறும் வயிற்றில் காபி (Coffee) அல்லது தேநீர் உட்கொள்வது நாள் முழுவதும் உங்கள் வயிற்றில் அமிலத்தன்மை மற்றும் அஜீரண பிரச்சினைகளை ஏற்படுத்தும். இந்த பானங்கள் உணவை ஜீரணிக்க தேவையான பித்தம் மற்றும் அமிலத்தை குறைக்கின்றன.
ALSO READ: Health news: முட்டை உங்கள் நண்பனா எதிரியா? அது உங்கள் கையில் உள்ளது!!
காலி வயிற்றில் வாழைப்பழத்தை உண்ணக் கூடாது
மக்கள் பெரும்பாலும் காலையில் வெறும் வயிற்றில் வாழைப்பழத்தை (Banana) உட்கொள்வார்கள். வாழைப்பழங்கள் சூப்பர்-ஃபுட் என்று அழைக்கப்படுகின்றன. இது பசியை அமைதிப்படுத்துகிறது. செரிமானத்திற்கு நல்லது. வாழைப்பழத்தில் அதிக அளவு மெக்னீசியம் மற்றும் பொட்டாசியம் உள்ளது. இதை வெறும் வயிற்றில் சாப்பிடும்போது, அது நம் இரத்தத்தில் உள்ள மெக்னீசியம் மற்றும் பொட்டாசியத்தின் அளவில் ஏற்றத்தாழ்வுகளை ஏற்படுத்தக் கூடும்.
வெறும் வயிற்றில் பச்சையாக தக்காளியை உட்கொள்ள வேண்டாம்
தக்காளியில் வைட்டமின் சி (Vitamin C) மற்றும் ஊட்டச்சத்துக்கள் அதிகம் உள்ளன. ஆனால் வெறும் வயிற்றில் இதை உண்பதை தவிர்க்க வேண்டும். தக்காளியில் உள்ள டானிக் அமிலம் வயிற்றில் உள்ள அமிலத்தன்மையை அதிகரிக்கும். இது உங்கள் வாயு பிரச்சினைகளையும் அதிகரிக்கும்.
ALSO READ: Health News: தேன் ஏன்? தித்திக்கும் தேனால் கிடைக்கும் திகட்டாத வாழ்க்கை!!
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
