POMIS: பணம் என்பது மனித வாழ்க்கைக்கு மிக தேவையான ஒரு விஷயமாகும். பணத்தை சம்பாதிப்பது எவ்வளவு முக்கியமோ, அதை சேர்த்து வைப்பதும் மிக அவசியம் ஆகும். பணத்தை சேமிக்க பல வித சேமிப்பு திட்டங்கள் உள்ளன. அவற்றில் தபால் நிலைய சேமிப்பு திட்டங்கள் மிக பாதுகாப்பானவையாகவும், பிரபலமானவையாகவும் உள்ளன.
Post Office Monthly Saving Scheme
அனைத்து வயதினருக்கும், அனைத்து வகுப்பினருக்கும் ஏற்ற சேமிப்புத் திட்டங்கள் தபால் அலுவலகம் மூலம் செயல்படுத்தப்படுகின்றன. இவை சிறந்த வருமானத்தை அளிப்பதோடு முதலீட்டின் பாதுகாப்பிற்கும் உத்தரவாதம் அளிக்கின்றன. அஞ்சல் அலுவலகம் மூலம் நடத்தப்படும் சிறப்பு திட்டங்களில் ஒன்றின் மூலம் ஒவ்வொரு மாதமும் முதலீட்டாளருக்கு வருமானம் கிடைக்கும். அதுதான் தபால் அலுவலக மாதாந்திர வருமானத் திட்டம். இன்னும் சில நாட்களில் தீப ஒளித் திருநாளான தீபாவளி கொண்டாடப்படவுள்ளது. இந்த நாளில் இந்த திட்டத்தில் முதலீடு செய்யத் திட்டமிட்டு முதலீட்டைத் தொடங்குவது ஒரு சிறந்த தேர்வாக இருக்கும்.
POMIS Interest Rate: 7.4% வட்டி விகிதம்
தபால் துறையின் இந்த மாத வருமானத் திட்டம் சிறப்பான வருமானத்தைத் தரும். இந்த திட்டத்தில் 7.4 சதவீத வட்டியை அரசு வழங்குகிறது. இந்தத் திட்டத்தில் மிகவும் சிறப்பம்சம் என்னவென்றால், இதில் முதலீடு செய்வதன் மூலம், உங்கள் மாத வருமானத்திற்கான பதற்றம் முடிவடைகிறது. இந்த அரசு திட்டத்தின் முதிர்வு காலம் 5 ஆண்டுகள் ஆகும். கணக்கு தொடங்கி ஒரு வருடம் வரை அதிலிருந்து பணத்தை எடுக்க முடியாது. இதில் வெறும் 1000 ரூபாயிலும் கணக்கை தொடங்கலாம் என்பது குறிப்பிடத்தக்கது.
Monthly Income Scheme: 9 லட்சம் வரை முதலீடு செய்யலாம்
தபால் அலுவலக மாதாந்திர சேமிப்புத் திட்டத்தின் (POMIS) கீழ் முதலீடு செய்யும் முதலீட்டாளர்களுக்கான முதலீட்டு வரம்பு ரூ.9 லட்சம் ஆகும். மறுபுறம், நாம் கூட்டுக் கணக்கில் அதிகபட்ச வரம்பு ரூ.15 லட்சமாக நிர்ணயிக்கப்பட்டுள்ளது. இந்த வரம்பு கடந்த ஆண்டு ஏப்ரல் 1, 2023 அன்று அதிகரிக்கப்பட்டு செயல்படுத்தப்பட்டது. இது ஒற்றை முதலீட்டுத் திட்டமாகும். முதலீட்டாளர் இதில் முதலீடு செய்தவுடன், இந்தத் திட்டத்தின் கீழ் ஒவ்வொரு மாதமும் அவருக்கு உத்தரவாதமான வருமானம் கிடைக்கும்.
கணக்கை மூட கட்டணம் எவ்வளவு?
இந்தத் திட்டத்தில், கணக்கைத் திறந்த ஒரு வருடத்திற்கு அதை மூட முடியாது. முதலீட்டாளர்கள் தங்கள் தபால் அலுவலக மாதாந்திர வருமானத் திட்டக் கணக்கை மூன்று ஆண்டுகளுக்கு முன்பு மூடினால், அதற்கு 2 சதவீதம் கட்டணம் விதிக்கப்படும். அதே நேரத்தில் 3 ஆண்டுகளுக்குப் பிறகும், 5 ஆண்டுகளுக்கு முன்பும் இந்தக் கணக்கை மூடினால், 1 சதவீதம் கட்டணம் விதிக்கப்படும். .
மாத வருமானத்திற்கான கணக்கீடு
- இந்தத் திட்டத்தில், மொத்தத் தொகையாக முதலீடு செய்வதன் மூலம் ஒவ்வொரு மாதமும் வருமானத்திற்கான உத்தரவாதம் அளிக்கப்படுகிறது.
- உதாரணமாக, ஐந்து ஆண்டுகளுக்கு இந்த திட்டத்தில் ரூ.5 லட்சத்தை முதலீடு செய்தால், 7.4 சதவீத வட்டி விகிதத்தின் படி மாதா மாதம் ரூ.3,084 வருமானம் கிடைக்கும்.
- அதிகபட்ச வரம்பு அதாவது ரூ.9 லட்சம் முதலீடு செய்தால், மாத வருமானம் ரூ.5,550 ஆக இருக்கும்.
- மாதாந்திர வருமானம் தவிர, நீங்கள் இந்த வட்டி வருமானத்தை காலாண்டு, அரையாண்டு அல்லது ஆண்டு அடிப்படையிலும் முதலீட்டாளர்கள் பெறலாம்.
POMIS கணக்கை திறப்பது எப்படி?
மாதாந்திர வருமானத் திட்டத்தின் கீழ் கணக்கைத் திறப்பது மிகவும் எளிதானது. இதற்கு அருகில் உள்ள தபால் நிலையத்திற்குச் சென்று, தேவையான ஆவணங்களுடன் விண்ணப்பத்தை சமர்ப்பிக்கலாம். தபால் அலுவலகத்திலிருந்து விண்ணப்பதாரர்கள் கணக்கு திறப்பு படிவத்தை எடுத்து, KYC படிவம் மற்றும் பான் கார்டுடன் சமர்ப்பிக்க வேண்டும். கூட்டுக் கணக்கு வைத்திருப்பவர்களும் KYC ஆவணங்களை சமர்ப்பிக்க வேண்டும். கணக்கைத் திறப்பதற்கான படிவத்தை நிரப்பும்போது, அனைத்து விவரங்களையும் சரியாக உள்ளிட வேண்டும் என்பதை நினைவில் கொள்ளவும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
