பழைய ஓய்வூதியம் அதிரடி அப்டேட்: இந்த ஊழியர்களுக்கு மீண்டும் ஓபிஎஸ், விரைவில் உத்தரவு!!

பழைய ஓய்வூதிய திட்டம், சமீபத்திய புதுப்பிப்பு: சமீபகாலமாக பழைய ஓய்வூதியத் திட்டத்தை மீண்டும் நடைமுறைப்படுத்த வேண்டும் என்ற கோரிக்கையை வலியுறுத்தி பல மாநில மற்றும் மத்திய அரசு ஊழியர்கள் தொடர்ந்து போராடி வருகின்றனர். பழைய ஓய்வூதியத் திட்டம் குறித்து நாடு முழுவதும் பல விவாதங்கள் நடைபெற்று வருகின்றன. பழைய ஓய்வூதியத் திட்டத்தை மீண்டும் அமல்படுத்த வேண்டும் என மத்திய அரசு ஊழியர்களும் பல மாநில அரசு ஊழியர்களும் தொடர்ந்து கோரிக்கை விடுத்து வருகின்றனர். இதற்காக பல போராட்டங்களும் நடத்தப்பட்டு வருகின்றன. பல மாநில  அரசுகள் பழைய ஓய்வூதியத் திட்டத்தை அமல்படுத்தி விட்டன. காங்கிரஸ் ஆளும் பல மாநிலங்களில் ஓபிஎஸ் அமல்படுத்தப்பட்டுள்ளது. இது குறித்து தினமும் பல புதுப்பிகளும் வந்துகொண்டு இருக்கின்றன.  

தற்போது வந்துள்ள புதுப்பிப்புகளின் படி, மத்திய அரசு ஊழியர்கள் மற்றும் அதிகாரிகள் தவிர, ஓய்வு பெற்ற ஊழியர்களும் பழைய ஓய்வூதியத் திட்டத்தில் சேர வாய்ப்பு வழங்கப்பட்டுள்ளது. செயல்முறை முடிந்ததும், நவம்பர் 30ம் தேதிக்குள் இதற்கான உத்தரவுகள் வெளியிடப்படலாம். 

முன்னதாக இந்த வசதி மத்திய ஊழியர்களுக்கு மார்ச் மாதம் வழங்கப்பட்டது. ஜூலையில், அகில இந்தியப் பணியில் தேர்ந்தெடுக்கப்பட்ட அதிகாரிகளுக்கும் இந்த விருப்பத்தின் பலன் அளிக்கப்பட்டுள்ளது. அப்போது ஓய்வு பெற்ற ஊழியர்களிடமிருந்தும் இந்த விருப்பத்தின் பலனை அவர்களுக்கு வழங்க முடியுமா என்ற கேள்வியும் எழுப்பப்பட்டது. இதற்காக மத்திய அரசு மூலம் ஒரு குழு அமைக்கப்பட்டது. நவம்பர் 7 அன்று இந்திய அரசின் பணியாளர்கள், பொதுமக்கள் குறைகள் மற்றும் ஓய்வூதியங்கள் அமைச்சகத்தால் அலுவலக குறிப்பாணை வெளியிடப்பட்டுள்ளது. இதில், இந்த விருப்பத்தை பயன்படுத்தும் மத்திய பணியாளர்களுக்கு நவம்பர் 30-ம் தேதிக்குள் இறுதி உத்தரவுகளை ஆணையம் வெளியிடலாம் என்று கூறப்பட்டுள்ளது. முன்னதாக, இது தொடர்பான உத்தரவு அக்டோபர் 31-ஆம் தேதிக்குள் பிறப்பிக்கப்பட இருந்தது.

கட் ஆஃப் தேதி நவம்பர் 30 வரை நீட்டிக்கப்பட்டுள்ளது

இது தொடர்பாக கடைசி தேதியை நீட்டிக்குமாறு நியமன அதிகாரியால் கோரப்பட்டதன் அடிப்படையில் DoPPW ஆல் கட் ஆஃப் தேதி நீட்டிக்கப்பட்டுள்ளது. பல்வேறு துறைகளிடம் இருந்து பெறப்பட்ட கோரிக்கைகளை பரிசீலித்து, இது தொடர்பாக இறுதி முடிவு எடுப்பதற்கான கட்-ஆஃப் தேதியை நவம்பர் 30ஆம் தேதி வரை DoPPW நீட்டித்துள்ளது. மத்திய அரசு வழங்கிய முடிவின்படி, மத்திய அரசுப் பணியாளர்கள் ஓய்வூதிய விதிகள் 1972ன் கீழ், 22 டிசம்பர் 2003 -க்கு முன்னால் விளம்பரம் செய்யப்பட்ட அல்லது அறிவிக்கப்பட்ட பதவிகளுக்காக மத்திய அரசு பணிகளில் சேர்ந்த ஊழியர்கள் புதிய ஓய்வூதியத் திட்டத்தில் இருந்து பழைய ஓய்வூதியத் திட்டத்திற்கு மாறுவதற்கான விருப்பம் அளிக்கப்படும். 

மேலும் படிக்க | தீபாவளி பரிசாய் வருகிறதா இபிஎஃப் வட்டித்தொகை? பண்டிகை காலத்தில் ஊழியர்களுக்கு சூப்பர் செய்தி!!

அத்தகைய பணியாளர்கள் ஆகஸ்ட் 31 ஆம் தேதிக்குள் விருப்பத்தைத் தேர்ந்தெடுக்க அறிவுறுத்தப்பட்டது. இதற்கான உத்தரவுகள் 2023 மார்ச்சில் வெளியிடப்பட்டன. இருப்பினும், இந்த காலகட்டத்தில், உத்தரவு வருவதற்கு முன்பே ஓய்வு பெற்ற சில ஊழியர்கள் இருந்தனர். ஓய்வுக்குப் பிறகு பழைய ஓய்வூதியத் திட்டத்தில் சேர விருப்பம் கிடைக்குமா என்று சமீபத்தில் அவர்கள் கேட்டிருந்தார். இந்த திட்டத்தில் நிபந்தனையுடன் சேரவும் அரசு உத்தரவிட்டது.

இது தவிர புதிய ஓய்வூதியத் திட்டத்தில் சேர்க்கப்பட்டுள்ள அகில இந்தியப் பணி அலுவலர்களும் பழைய ஓய்வூதியத் திட்டத்தில் சேருவதற்கான வாய்ப்பை மத்திய அரசு வழங்கியிருந்தது. 13 ஜூலை 2023 அன்று அரசு ஒரு உத்தரவை பிறப்பித்தது. அதில், 22 டிசம்பர் 2003 அன்று புதிய ஓய்வூதியத் திட்டம் அறிவிக்கப்படுவதற்கு முன், நியமிக்கப்பட்ட அகில இந்தியப் பணி அதிகாரிகள் பழைய ஓய்வூதிய திட்டத்தில் சேர தகுதியுடையவர்கள் என்று கூறப்பட்டுள்ளது. அத்தகைய சூழ்நிலையில், ஜனவரி 1, 2004 க்குப் பிறகு, AIS விதிகள் 1958 இன் கீழ் பழைய ஓய்வூதியத் திட்டத்தின் விதிகளின் விருப்பத்தை சேவையில் உள்ள அதிகாரிகளுக்கு வழங்க முடியும்.

இருப்பினும், இதற்காக அவர்கள் சில நிபந்தனைகளை பூர்த்தி செய்ய வேண்டும். மேலும், அவர்கள் 30 நவம்பர் 2023க்குள் தங்கள் விருப்பத்தை அளிக்க வேண்டும். விருப்பம் வழங்க இதுவே கடைசி வாய்ப்பாக இருக்கும் என அரசு தெளிவுபடுத்தியுள்ளது. இதுபோன்ற சூழ்நிலையில், மத்திய அரசில் பணிபுரியும் அதிகாரிகள், ஏஐஎஸ் அதிகாரிகள் உள்ளிட்ட ஓய்வு பெற்ற ஊழியர்களும் பழைய ஓய்வூதியத் திட்டத்தின் பலனைப் பெறலாம். இதற்கு அவர்கள் விதிமுறைகள் மற்றும் நிபந்தனைகளை நிறைவேற்றுவது கட்டாயமாக இருக்கும். இதற்கான ஆணைகள் நவம்பர் 30ஆம் தேதி வெளியிடப்படலாம். 

மேலும் படிக்க | கோடீஸ்வரனாகும் எளிய வழி... ‘இந்த’ 5 விதிகளை கடைபிடிக்கவும்...!

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ