Thai Amavasai 2025: தை மாதம் தமிழ் மாதங்களில் மிகவும் சிறப்பு வாய்ந்ததாக கருதப்படுகின்றது. தை மாதத்தில் பல சிறப்பு ஆன்மீக நிகழ்வுகளும் கொண்டாட்டங்களும் கொண்டாடப்படுகின்றன. அவற்றில் முன்னோர்களுக்கான ஒரு சிறப்பான நாளாகவும், முன்னோர்களின் ஆசியை பெற உகந்த நாளாகவும் தை அமாவாசை கருதப்படுகின்றது. இந்த ஆண்டு இன்று, அதாவது ஜனவரி 29 ஆம் தேதி தை அமாவாசை கொண்டாடப்படுகின்றது. முன்னோர்களுக்கு திதி கொடுத்தும், புனித நதிகளில் நீராடியும், பிறருக்கு அன்னதானம் முதலிய தானங்களை செய்தும் மக்கள் இதை அனுசரித்து வருகிறார்கள்.
தை அமாவாசையில் உருவாகியுள்ள திரிகிரகி யோகம்
ஜோதிட ரீதியாகவும் இந்த தை அமாவாசை மிகவும் சிறப்பு வாய்ந்தது. இந்த முறை தை அமாவாசயில் திரிகிரகி யோகம் உருவாகிறது. சூரியன், சந்திரன் மற்றும் புதன் ஆகிய கிரகங்கள் மகர ராசியில் ஒன்றாக சேர்ந்துள்ளன. இதன் காரணமாக மகர ராசியில் திரிகிரகி யோகம் உருவாகியுள்ளது. இந்த நாளில் குரு பகவானும் தன்னுடைய நவம திருஷ்டியையும், அதாவது ஒன்பதாம் இட பார்வையையும் இந்த மூன்று கிரகங்களின் மீதி செலுத்துவதாக ஜோதிடர்கள் கணித்துள்ளனர். இதனுடன் சுக்கிரன் மீன ராசியில் இருப்பது மாளவ்ய ராஜயோகத்தையும் உருவாக்கியுள்ளது. இது தவிர ஏற்கனவே ஷஷ ராஜயோகமும் புத ஆதித்ய ராஜயோகமும் உருவாகியுள்ளன.
தை அமாவாசையில் உருவாகியுள்ள இந்த ராஜயோகங்களின் தாக்கம் அனைத்து ராசிகளிலும் இருக்கும். எனினும், சில ராசிகளில் இதனால் அதீத நற்பலன்கள் ஏற்படும். இவர்களுக்கு இன்று முதல் அனைத்திலும் வெற்றி, முன்னேற்றத்திற்கான வாய்ப்புகள், மகிழ்ச்சி, பண வரவு ஆகிய நல்ல விளைவுகள் ஏற்படும். அந்த அதிர்ஷ்ட ராசிகளை பற்றி இங்கே காணலாம்.
ரிஷபம் (Taurus):
தை அமாவாசை முதல் ரிஷப ராசிக்காரர்களுக்கு பணி இடத்தில் பல ஆக்கப்பூர்வ மாற்றங்கள் ஏற்படும். பதவி உயர்வுடன் ஊதிய உயர்வுக்கான வாய்ப்புகளும் உள்ளன.
கன்னி (Virgo):
கன்னி ராசிக்காரர்கள் ஆரோக்கியத்தில் நல்ல முன்னேற்றத்தை காணலாம். வாழ்வில் மகிழ்ச்சியும், அமைதியும் அதிகரிக்கும். குழந்தைகளால் நல்ல செய்திகள் கிடைக்கும்.
துலாம் (Libra):
துலா ராசிக்காரர்களுக்கு குழந்தைகள் மூலம் நல்ல செய்திகள் கிடைக்கும். புதிய முயற்சிகள் வெற்றியை கொடுக்கும். வீட்டில் அமைதி இருக்கும்.
மகரம் (Capricorn):
மகர ராசிக்கரர்களுக்கு வியபாரத்தில் வெற்றி ஏற்படும். பொருளாதார நிலை முன்னேறும். பண வரவு அதிகமாகும். வீட்டில் அமைதி இருக்கும்.
தை அமாவாசை: சில விசேஷ குறிப்புகள்
- தை அமாவாசை அன்று நர்மதை, கங்கை, சிந்து, காவேரி போன்ற புனித நதிகளில் நீராடுவது அனைத்து பாவங்களையும் நீக்கும் என்று சாஸ்திரங்கள் கூறுகின்றன.
- இந்த நாளில் லட்சக்கணக்கான பக்தர்கள் நதிகளில் புனித நீராட கூடுவார்கள்.
- சில சாஸ்திர கூறுகளின் படி, இந்த நாள் துவாபர யுகத்தின் தொடக்கமாகக் கருதப்படுகிறது.
- இந்த நாளில் தானம் செய்வதும் நல்ல பலன்களைத் தரும்.
- தை அமாவாசை நாளில், எண்ணெய், எள், போர்வை, ஆடைகள், கருப்பு ஆடைகள், காலணிகள் போன்றவற்றை தானம் செய்ய வேண்டும்.
- தை அமாவாசை நாளில் மௌனத்தைக் கடைப்பிடிப்பதும் மங்களகரமானது என்று நம்பப்படுகிறது.
பொறுப்பு துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்துள்ளன. ஜீ மீடியா இந்த தகவல்களை உறுதிப்படுத்தவில்லை.
மேலும் படிக்க | தை அமாவாசை 2025: ராமேஸ்வரத்தில் தர்ப்பணம் கொடுக்க மக்கள் குவிவது ஏன்?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
