തന്റെ പുതിയ ചിത്രം ചതുരത്തെ കുറിച്ച് തുറന്ന് സംസാരിച്ച് രംഗത്ത് എത്തിയിരിക്കുകയാണ് മലയാളികളുടെ പ്രിയ താരം സ്വാസിക. മലയാളി തനിമ നിറഞ്ഞ സീതയെന്ന കഥാപാത്രത്തിൽ നിന്നും വളരെ വ്യത്യസ്തമായ ചതുരത്തിലെ സെലീന എന്ന കഥാപാത്രത്തിലേക്ക് എത്തിയതിനെ കുറിച്ച് സീ മലയാളം ന്യൂസിനോട് സംസാരിക്കുകയായിരുന്നു താരം. സീതയെ പോലെ നല്ലൊരു കുട്ടിയല്ല ഞാൻ, അതെന്റെ ഒരു കഥാപാത്രം മാത്രമായിരുന്നുവെന്നാണ് സ്വാസിക പറഞ്ഞത്. എന്നാൽ അതിൽ നിന്ന് വ്യത്യസ്തമായ ഒരു കഥാപാത്രം ചെയ്യുമ്പോഴും ആളുകൾ ഇഷ്ടപ്പെടണം എന്നുള്ളതാണ് എന്റെ ആഗ്രഹമെന്നും സ്വാസിക പറഞ്ഞു. അത്തരത്തിൽ വ്യത്യസ്തമായ കഥാപാത്രങ്ങൾ ചെയ്യാൻ ശ്രമിക്കുന്നത് കൊണ്ടാണ് തനിക്ക് അഭിനയ രംഗത്ത് പിടിച്ച് നിൽക്കാൻ കഴിയുന്നതെന്നും താരം അഭിപ്രായപ്പെട്ടു.
സ്വാസിക കേന്ദ്ര കഥാപാത്രമായി എത്തിയ ചിത്രം നവംബർ 4 നാണ് തീയേറ്ററുകളിൽ റിലീസ് ചെയ്തത്. റോഷൻ മാത്യു, അലൻസിയർ എന്നിവരായിരുന്നു ചിത്രത്തിൽ കേന്ദ്ര കഥാപത്രങ്ങളായി എത്തിയത്. ചിത്രം ഇപ്പോഴും തീയേറ്ററുകളിൽ പ്രദർശനം തുടരുകയാണ്. ചിത്രത്തിന് സമ്മിശ്ര അഭിപ്രായമാണ് തീയേറ്ററുകളിൽ നിന്ന് ലഭിച്ചതെന്നാണ് റിപ്പോർട്ടുകൾ സൂചിപ്പിക്കുന്നത്. സിദ്ധാർഥ് ഭരതനാണ് ചിത്രം സംവിധാനം ചെയ്തത്.
ALSO READ: Chathuram Movie: ഉദ്വേഗം നിറച്ച് ചതുരം ട്രെയിലർ; സിദ്ധാർത്ഥ് ഭരതൻ ചിത്രം തിയേറ്ററുകളിലേക്ക്
സെൻസർ ബോർഡ് എ സർട്ടിഫിക്കറ്റ് നൽകിയ ചിത്രത്തിന് നിരവധി വിമർശനങ്ങൾ ഏറ്റ് വാങ്ങേണ്ടി വന്നിരുന്നു. ചിത്രത്തിൽ അതിയായ വയലൻസും സെക്സും നിറഞ്ഞിരിക്കുന്നതിനാലാണ് സെൻസർ ബോർഡ് ചിത്രത്തിന് എ സർട്ടിഫിക്കറ്റ് നൽകിയത്. വളരെ ഗ്ലാമറസായ വേഷത്തിലാണ് ചിത്രത്തിൽ സ്വാസിക എത്തിയത്. റോഷൻ മാത്യു, സ്വാസ്വിക എന്നിവർക്ക് പുറമെ ശാന്തി, അലൻസിയർ, ലിയോണ, ഗീതി സംഗീത, നിശാന്ത് സാഗർ, കിച്ചു ടെല്ലസ് എന്നിവരാണ് സിനിമയിലെ പ്രധാന കഥാപാത്രങ്ങളെ അവതരിപ്പിച്ചത്.
ഗ്രീൻവിച്ച് എന്റർടെയ്ൻമെന്റ്സിന്റെയും യെല്ലോ ബേർഡ് പ്രൊഡക്ഷന്റെയും ബാനറിൽ വിനിതാ അജിത്തും ജോർജ് സാന്തിയാഗോയും ചേർന്നാണ് ചിത്രം നിർമ്മിച്ചിരിക്കുന്നത്. സിദ്ധാർഥ് ഭരതനും വിനോയി തോമസും ചേർന്നാണ് സിനിമയ്ക്ക് കഥയും തിരക്കഥയും ഒരുക്കിയിരിക്കുന്നത്. പ്രദീഷ് എം വർമ്മയാണ് ക്യാമറ കൈകാര്യം ചെയ്തിരിക്കുന്നത്. പ്രശാന്ത് പിള്ളയാണ് സിനിമയ്ക്ക് സംഗീതം നൽകിയിരിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
