FD Interest Rate: തന്‍റെയും കുടുംബത്തിന്‍റെയും ഭാവി മനസ്സിൽ വെച്ചാണ് എല്ലാവരും സാമ്പത്തിക കാര്യങ്ങള്‍ പ്ലാൻ ചെയ്യുന്നത്. അതിനായി നല്ല വരുമാനം നല്‍കുന്ന പദ്ധതികളില്‍ നിക്ഷേപിക്കാനാണ് ആളുകള്‍ താത്പര്യപ്പെടുക. കൂടുതല്‍ നേട്ടങ്ങള്‍ നല്‍കുന്ന സാമ്പത്തിക പദ്ധതികളില്‍ പണം നിക്ഷേപിക്കുമ്പോള്‍ നിങ്ങളുടെ സാമ്പത്തിക ആസൂത്രണം കൂടുതൽ വിജയകരമാകും. ഇന്ന് കൂടുതല്‍ നേട്ടങ്ങള്‍ നല്‍കുന്ന നിക്ഷേപമായി സ്ഥിര നിക്ഷേപം (Fixed Deposit) ഉയര്‍ന്നു വരികയാണ്‌.
കഴിഞ്ഞ കുറച്ച് വർഷങ്ങളായി, നോക്കിയാല്‍ ബാങ്കുകൾ സ്ഥിര നിക്ഷേപങ്ങളുടെ പലിശ നിരക്ക് അടിക്കടി വര്‍ദ്ധിപ്പിച്ചിരുന്നു. ആ ഒരു സാഹചര്യത്തിൽ, നിങ്ങൾ പണം നിക്ഷേപിക്കാൻ പദ്ധതിയിടുകയാണെങ്കിൽ നിങ്ങളുടെ മുന്‍പിലുള്ള മികച്ച ഒപ്ഷനാണ് സ്ഥിര നിക്ഷേപം.
എന്നാല്‍, സ്ഥിര നിക്ഷേപം ആരംഭിക്കുന്നതിന് മുന്‍പ് ഏത് ബാങ്കാണ് കൂടുതല്‍ പലിശയും ആനുകൂല്യങ്ങളും നല്‍കുന്നത് എന്നറിയേണ്ടത് ആവശ്യമാണ്. രാജ്യത്തെ നിരവധി സര്‍ക്കാര്‍ ബാങ്കുകള്‍ പുതുവര്‍ഷം ആരംഭത്തോടെ പലിശ നിരക്ക് വര്‍ദ്ധിപ്പിച്ചിരുന്നു. ചില ബാങ്കുകള്‍ ഇപ്പോള്‍ സ്ഥിര നിക്ഷേപത്തിന് 8.40% വരെ പലിശ വാഗ്ദാനം ചെയ്യുന്നു.
റിപ്പോര്‍ട്ട് അനുസരിച്ച് PNB, BOB, ഫെഡറൽ ബാങ്ക്, IDBI ബാങ്ക് എന്നിവ 2024 ജനുവരിയിൽ സ്ഥിര നിക്ഷേപങ്ങളുടെ പലിശ നിരക്കിൽ മാറ്റം വരുത്തിയിട്ടുണ്ട്. 2024 ജനുവരിയിൽ ഏതൊക്കെ ബാങ്കുകളാണ് പലിശ നിരക്ക് വർദ്ധിപ്പിച്ചതെന്ന് അറിയാം.
പഞ്ചാബ് നാഷണല്‍ ബാങ്ക് (PNB)
പഞ്ചാബ് നാഷണൽ ബാങ്ക് (PNB) ജനുവരിയിൽ രണ്ട് തവണ സ്ഥിര നിക്ഷേപത്തിന്‍റെ പലിശ നിരക്കിൽ മാറ്റം വരുത്തി. സാധാരണ ഉപഭോക്താക്കൾക്കുള്ള 300 ദിവസത്തെ സ്ഥിര നിക്ഷേപത്തിന്‍റെ പലിശ നിരക്ക് 6.25% ൽ നിന്ന് 7.05% ആയി ഉയര്‍ത്തി. മുതിർന്ന പൗരന്മാർക്ക് 7.55% പലിശയും സൂപ്പർ സീനിയർ പൗരന്മാർക്ക് 7.85% പലിശയുമാണ് നൽകുന്നത്. സാധാരണ ഉപഭോക്താക്കൾക്ക് ബാങ്ക് 3.50% മുതൽ 7.25% വരെ പലിശ നിരക്ക് വാഗ്ദാനം ചെയ്യുന്നു. മുതിർന്ന പൗരന്മാർക്ക്, ബാങ്ക് 4% മുതൽ 7.75% വരെ പലിശ വാഗ്ദാനം ചെയ്യുന്നു.
ഫെഡറൽ ബാങ്ക് (Federal Bank)
ഫെഡറൽ ബാങ്ക് 500 ദിവസത്തേക്കുള്ള പലിശ നിരക്ക് 7.75% ആയും മുതിർന്ന പൗരന്മാർക്ക് 8.25% ആയും ഉയർത്തി. മുതിർന്ന പൗരന്മാർക്ക് 500 ദിവസത്തേക്ക് ഫെഡറൽ ബാങ്ക് ഇപ്പോൾ പരമാവധി 8.40% പലിശ നൽകുന്നു. ഒരു കോടി രൂപയ്ക്കും 2 കോടി രൂപയ്ക്കും ഇടയിലുള്ള തുകയുടെ പിൻവലിക്കാനാവാത്ത സ്ഥിര നിക്ഷേപത്തിന്‍റെ പലിശ നിരക്ക് 7.90% ആയി ഉയർത്തി. ഫെഡറൽ ബാങ്ക് സാധാരണ ഉപഭോക്താക്കൾക്ക് 7 ദിവസം മുതൽ 10 വർഷം വരെയുള്ള കാലയളവിലേക്ക് 3% മുതൽ 7.75% വരെ പലിശ നിരക്ക് വാഗ്ദാനം ചെയ്യുന്നു. മുതിർന്ന പൗരന്മാർക്ക്, ബാങ്ക് 3.50% മുതൽ 8.25% വരെ പലിശ നിരക്കുകൾ വാഗ്ദാനം ചെയ്യുന്നു.
ഐഡിബിഐ ബാങ്ക് (IDBI Bank)
ഐഡിബിഐ ബാങ്കും സ്ഥിര നിക്ഷേപത്തിന്‍റെ പലിശ നിരക്കിൽ മാറ്റം വരുത്തിയിട്ടുണ്ട്. മാറ്റത്തിന് ശേഷം, സാധാരണ ഉപഭോക്താക്കൾക്ക് 7 ദിവസം മുതൽ 10 വർഷം വരെയുള്ള കാലയളവിലേക്ക് ബാങ്ക് 3% മുതൽ 7% വരെ FD പലിശ നിരക്ക് വാഗ്ദാനം ചെയ്യുന്നു. മുതിർന്ന പൗരന്മാർക്ക്, ബാങ്ക് 3.50% മുതൽ 7.50% വരെ പലിശ നൽകുന്നു. ഈ നിരക്കുകൾ 2024 ജനുവരി 17 മുതൽ പ്രാബല്യത്തിലാണ്.
ബാങ്ക് ഓഫ് ബറോഡ (Bank of Baroda)
ബാങ്ക് ഓഫ് ബറോഡ പുതിയ മെച്യൂരിറ്റി കാലയളവിനൊപ്പം പ്രത്യേക ഹ്രസ്വകാല സ്ഥിര നിക്ഷേപം അവതരിപ്പിച്ചു. ഇതിൽ ഉപഭോക്താക്കൾക്ക് ഉയർന്ന നിരക്കില്‍ പലിശ ലഭിക്കും. 2 കോടി രൂപയിൽ താഴെയുള്ള നിക്ഷേപങ്ങൾക്ക് പുതിയ നിരക്കുകൾ ബാധകമാണ്, ഇത് 2024 ജനുവരി 15 മുതൽ പ്രാബല്യത്തിൽ വന്നു. സാധാരണ പൗരന്മാർക്ക് 7.10% പലിശ നൽകുന്ന 360D (bob360) എന്ന പേരിൽ ഒരു പുതിയ മെച്യൂരിറ്റി സ്ഥിര നിക്ഷേപം ബാങ്ക് വാഗ്ദാനം ചെയ്തിട്ടുണ്ട്. ഇത് കൂടാതെ, മുതിർന്ന പൗരന്മാർക്ക് 7.60% പലിശ നിരക്ക് വാഗ്ദാനം ചെയ്യുന്നു. മാറ്റത്തിന് ശേഷം, സാധാരണ ഉപഭോക്താക്കൾക്ക് 7 ദിവസം മുതൽ 10 വർഷം വരെയുള്ള കാലയളവിലേക്ക് ബാങ്ക് 4.45% മുതൽ 7.25% വരെ പലിശ നൽകുന്നു. മുതിർന്ന പൗരന്മാർക്ക് 0.50 ഉയർന്ന പലിശനിരക്ക് ലഭിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.
