RCB ફેન્સ માટે ખરાબ સમાચાર, ટૂર્નામેન્ટમાંથી બાહર આ મેચ વિનર ખેલાડી; આ ખેલાડીને મળ્યું સ્થાન

Royal Challengers Bangalore: રોયલ ચેલેન્જર્સ બેંગ્લોરને વિમેન્સ પ્રીમિયર લીગ 2025 વચ્ચે મોટો ઝટકો લાગ્યો છે. ટીમની સ્ટાર ઓફ સ્પિન ઓલરાઉન્ડર ઈજાના કારણે ટુર્નામેન્ટમાંથી બહાર થઈ ગઈ છે. જો કે, તેમના રિપ્લેસમેન્ટની પણ જાહેરાત કરવામાં આવી છે.  શ્રેયંકા પાટિલ 2025 મહિલા પ્રીમિયર લીગ (WPL)ની બાકીની મેચોમાંથી બહાર છે. સ્મૃતિ મંધાનાની આગેવાની હેઠળની RCBએ તેમની પ્રથમ મેચમાં ગુજરાત જાયન્ટ્સને 6 વિકેટથી હરાવીને સિઝનની શાનદાર શરૂઆત કરી હતી.

આ અનુભવી ખેલાડીને મળ્યું સ્થાન
ડિફેન્ડિંગ ચેમ્પિયન રોયલ ચેલેન્જર્સ બેંગ્લોર (RCB)એ શ્રેયંકાની જગ્યાએ અનુભવી સ્નેહ રાણાને ટીમમાં સામેલ કરી છે. કેમ્પમાં શ્રેયંકાનું સ્થાન લેનાર સ્નેહ અગાઉ WPLમાં ગુજરાત જાયન્ટ્સ (GG) તરફથી રમી ચૂકી છે અને તેની કેપ્ટનશિપ પણ કરી ચૂકી છે. હવે તે સ્મૃતિ મંધાનાની આગેવાની હેઠળની ફ્રેન્ચાઈઝીમાં રૂ. 30 લાખમાં જોડાઈ છે. તેની હાજરી RCBની સ્પિન-બોલિંગ લાઇન-અપમાં વધુ અનુભવ ઉમેરશે, જેણે હવે તેમની પહેલી પસંદગીની સ્પિન બોલર ગુમાવી છે.

આયુર્વેદમાં આમળાને માનવામાં આવે છે અમૃત, આ બીમારીઓ માટે છે રામબાણ!

RCBના ખિતાબ જીતવામાં નિભાવી હતી મોટી ભૂમિકા
RCB માટે 15 મેચ રમનાર અને 2023થી અત્યાર સુધીમાં 19 વિકેટ લેનારી શ્રેયંકા ઈજાના કારણે WPLની ત્રીજી સિઝનમાંથી બહાર થઈ ગઈ છે. તે WPL 2024માં 8 મેચમાં 13 વિકેટ સાથે સૌથી વધુ વિકેટ લેનારી બોલર હતી. તેણે દિલ્હી કેપિટલ્સ સામે ફાઇનલમાં 4-12 વિકેટ લીધી હતી, જેણે નવી દિલ્હીના અરુણ જેટલી સ્ટેડિયમમાં RCBને પ્રથમ વખત ટાઇટલ જીતવામાં મદદ મળી હતી. WPL 2025માં RCB માટે શ્રેયંકાની ઉપલબ્ધતા અંગે પ્રશ્નો ઉભા થયા હતા. જ્યારે તે વડોદરામાં ચાલી રહેલી ટુર્નામેન્ટના પ્રથમ ચરણમાં ટીમ સાથે જોવા મળી ન હતી. 

6,6,6,6,6,6 ભારતનો છે આ બીજો યુવરાજ, બોલરોના છોતરા કાઢી નાખે છે આ ક્રિકેટર

સૂત્રોએ આઈએએનએસને જણાવ્યું કે, ગયા વર્ષના T20 વર્લ્ડ કપ બાદથી બહાર રહેલી શ્રેયંકા પિંડીની ઈજાથી પીડાઈ રહી છે. સૂત્રોએ કહ્યું કે, 'સ્નેહ ટીમ સાથે છે અને જો શ્રેયંકા બિલકુલ ન રમી હોત તો તેને મુખ્ય ટીમમાં સામેલ કરવાની હતી. પરંતુ શનિવારે જ્યારે તે સ્પષ્ટ થઈ ગયું કે, શ્રેયંકા WPL 2025ની બાકીની મેચો માટે ઉપલબ્ધ રહેશે નહીં, ત્યારે તેના સ્થાને સ્નેહને સ્થાન આપવાનો નિર્ણય લેવામાં આવ્યો. શ્રેયંકાની ગેરહાજરીએ બોલિંગ વિભાગમાં આરસીબીની સમસ્યાઓમાં વધુ વધારો કર્યો છે. WPL 2025 શરૂ થતા પહેલા ટીમે WPL 2024ની જીતમાં તેના બે મુખ્ય ખેલાડીઓ આશા શોભના અને સોફી મોલિનક્સની સેવાઓ ઘૂંટણની ઇજાને કારણે ગુમાવી દીધી હતી.

2 પત્નીઓએ પતિને 3-3 દિવસ માટે વહેંચી દીધો,પતિને 1 દિવસ મળશે વીકઓફ; જબરદસ્ત છે સ્ટોરી

આરસીબીની મજબૂત શરૂઆત
સોફી ડિવાઇન (માનસિક સ્વાસ્થ્ય બ્રેક) અને કેટ ક્રોસ (પીઠની ઇજા) ના બહાર થવાથી RCBની તાકાતમાં વધુ ઘટાડો થયો હતો. તેના પાંચ મુખ્ય ખેલાડીઓની ગેરહાજરી હોવા છતાં RCBએ ગુજરાત જાયન્ટ્સ સામે 202 રનનો પીછો કરીને તેમના ટાઇટલ સંરક્ષણની શાનદાર શરૂઆત કરી હતી. વિકેટકીપર બેટ્સમેન રિચા ઘોષે 26 બોલમાં અણનમ 64 રન બનાવ્યા, જ્યારે કનિકા આહુજાના અણનમ 30 અને એલિસ પેરીના 57 રનની મદદથી RCBએ WPLના ઇતિહાસમાં સૌથી મોટા સફળ ચેઝનો નવો રેકોર્ડ બનાવ્યો. RCB હવે વડોદરામાં બે વખતની ઉપવિજેતા દિલ્હી કેપિટલ્સ સામે ટકરાશે.