IND vs PAK : ભારત-પાકિસ્તાન મેચમાં વરસાદ બનશે વિલન ? જાણો 23 ફેબ્રુઆરીએ કેવું રહેશે દુબઈનું હવામાન

IND vs PAK Match Weather Report : ચેમ્પિયન્સ ટ્રોફી બુધવારથી શરૂ થઈ રહી છે. પ્રથમ મેચમાં યજમાન પાકિસ્તાનનો મુકાબલો ન્યુઝીલેન્ડની ટીમ સાથે થવાનો છે. આ પછી ભારતીય ક્રિકેટ ટીમ 20 ફેબ્રુઆરીએ દુબઈમાં બાંગ્લાદેશ સામે ટકરાશે. આ પછી ટીમ ઈન્ડિયા 23 ફેબ્રુઆરીએ તેની આગામી મેચમાં કટ્ટર હરીફ પાકિસ્તાન સામે ટકરાશે. 

ચેમ્પિયન્સ ટ્રોફી શરૂ થાય તે પહેલા જ ભારત અને પાકિસ્તાન વચ્ચેની મેચને લઈને લોકોમાં ભારે ઉત્સુકતા છે. આવી સ્થિતિમાં આ મેચમાં દુબઈની હવામાનની સ્થિતિ કેવી રહેશે તે જાણવું ખૂબ જ જરૂરી છે.

ભારત અને પાકિસ્તાન વચ્ચેની મેચ દુબઈના દુબઈ ઈન્ટરનેશનલ સ્ટેડિયમમાં રમાશે. જો 23 ફેબ્રુઆરીના રોજ દુબઈના હવામાનની વાત કરીએ તો આ દિવસે દુબઈમાં વરસાદની કોઈ શક્યતા નથી. તે દિવસે મહત્તમ તાપમાન 33 ડિગ્રી રહેશે. તે દિવસે મેચના સમયે તડકો રહેશે અને હવામાન ગરમ રહેવાની આશા છે. 

ચેમ્પિયન્સ ટ્રોફીમાં છેલ્લી વખત પાકિસ્તાનથી ટીમ ઈન્ડિયાએ હજુ બદલો લેવાનો બાકી છે. ગત વખતે પાકિસ્તાને ફાઇનલમાં ટીમ ઇન્ડિયાને 180 રને હરાવીને ટાઇટલ જીત્યું હતું. આ સાથે જ ટીમ ઈન્ડિયા સતત 2 ચેમ્પિયન્સ ટ્રોફી જીતવાનું ચૂકી ગઈ હતી.

જોકે, આ વખતે ટીમ ઈન્ડિયા પહેલી જ મેચમાં પાકિસ્તાનને હરાવીને મજબૂત શરૂઆત કરવાનો પ્રયાસ કરશે. તો પાકિસ્તાનની ટીમ આ વખતે ચેમ્પિયન્સ ટ્રોફીની યજમાન છે અને તેના માટે પણ ટાઈટલ જાળવી રાખવાનો પડકાર હશે.