Thandel 4 days Box Office collection: యువ సామ్రాట్ నాగ చైతన్య కథానాయకుడిగా సాయి పల్లవి హీరోయిన్ గా నటించిన చిత్రం ‘తండేల్’. చందూ మొండేటి డైరెక్షన్ లో అల్లు అరవింద్ సమర్ఫణలో బన్నీ వాస్ తెరకెక్కించారు. పాజిటివ్ టాక్ తో ప్రారంభమైన ఈ చిత్రం మొదటి మూడు రోజులు మంచి వసూళ్లనే కుమ్మేసింది. ఇక నాల్గో రోజైన సోమవారం ఈ సినిమా మంచి వసూళ్లనే రాబట్టింది.
Thandel 4 days Box Office collection: గత కొన్నేళ్లుగా నాగ చైతన్య హీరోగా నటించిన తండేల్ మూవీ ప్రమోషన్స్ తో ఈ సినిమాపై అంచనాలు ఏర్పడ్డాయి. ఆ అంచనాలను అందుకోవడంలో ఈ మూవీ సక్సెస్ అయింది. అది వసూళ్ల రూపంలో కనిపించింది. ఈ సినిమా మొదటి రోజు ప్రపంచ వ్యాప్తంగా రూ. 21 కోట్లకు పైగా వరల్డ్ వైడ్ గా గ్రాస్ వసూళ్లను రాబట్టి దుమ్ము లేపింది.
ఇక రెండో రోజు కూడా ప్రపంచ వ్యాప్తంగా ఈ సినిమాకు మంచి వసూళ్లనే కుమ్మేసింది. మొత్తంగా రెండో రోజు రూ. 41.20 కోట్ల గ్రాస్ వసూళ్లతో దుమ్ము దులిపింది. లవ్ కమ్ యాక్షన్, ఎమోషన్ తో కూడి దేశ భక్తి చిత్రంగా ప్రేక్షకులను ఆకట్టుకుంటోంది.
మూడో రోజు రూ. 62.37 కోట్ల గ్రాస్ వసూళ్లలతో కుమ్మేసిన ‘తండేల్’ మూవీ సోమవారం కూడా మంచి హోల్డ్ చూపించింది. లవ్ స్టోరీ తర్వాత తండేల్ మూవీతో మరోసారి హిట్ పెయిర్ అనిపించుకున్నారు నాగ చైతన్య, సాయి పల్లవి. ఈ సినిమా ఫస్ట్ డే చైతూ సోలో హీరోగా గత రికార్డులను బద్దలు కొట్టింది.
అంతేకాదు నాగ చైతన్య కెరీర్ లో బిగ్గెస్ట్ గ్రాసర్ గా నిలిచే అవకాశాలున్నాయి.నాల్గో రోజు సోమవారం ఈ సినిమా మొత్తంగా రూ. 73.20 కోట్ల గ్రాస్ వసూళ్లు.. రూ 38 కోట్ల షేర్ తో బ్రేక్ ఈవెన్ పూర్తి చేసుకుంది.
ముందుగా తెలంగాణలో రూ. 10.50 కోట్ల బ్రేక్ ఈవెన్ టార్గెట్ తో బరిలో దిగిన ఈ సినిమా నాల్గో రోజుల్లో రూ. 12 కోట్ల వరకు కలెక్షన్స్ రాబట్టి తండేల్ బ్రేక్ ఈవెన్ పూర్తి చేసుకున్న తొలి ఏరియాగా నిలిచింది. అంతేకాదు ఈ వీకెండ్ వరకు ఈ సినిమా రూ. 100 కోట్ల గ్రాస్ క్లబ్బులో ప్రవేశించనుంది.
హీరోగా నాగ చైతన్యకు ఇది మొదటి రూ. 100కోట్ల చిత్రంగా నిలవనుంది. ఈ చిత్రంలో నాగ చైతన్య ‘తండేల్ రాజు’ పాత్రలో ఒదిగిపోయాడు. సాయి పల్లవి ‘సత్య’ పాత్రలో ఒదిగిపోయింది. వీరిద్దరి కెమిస్ట్రీకి ప్రేక్షకులు ఫిదా అయ్యారు.
