Business Idea: మార్కెట్ అవసరాలు మారుతుండటంతో వినియోగదారులు అభిరుచుల్లోనూ మార్పులు వస్తున్నాయి. దీంతో కొత్త వ్యాపారాలు ఎన్నో పుట్టుకొస్తున్నాయి. ముఖ్యంగా యువత ఇలాంటి అవకాశాలను ఎక్కువగా ఉపయోగించుకుంటున్నారు. మార్కెట్లో ఉన్న ట్రెండీ వ్యాపారాలను మొదలుపెట్టి మంచి లాభాలను ఆర్జిస్తున్నారు. అలాంటి ఒక బెస్ట్ బిజినెస్ ఐడియా గురించి ఇప్పుడు మనం తెలుసుకుందాం.
Business Idea: మార్కెట్ కు వెళ్లామంటే మొదట టమాటాలనే కొనుగోలు చేస్తుంటాం. వంటకం ఏదైనా సరే టమాట తప్పుకుండా ఉండాల్సిందే. టమాట లేకుంటే ఆ వంటకు రుచి రాదు. దీంతో టమాట ధరల విషయంలో ప్రతిఒక్కరూ ఫోకస్ పెడుతుంటారు. రూపాయికి కిలో ధర పలికిన రోజులు కూడా ఉన్నాయి. అదే కిలో టమాట ధర రూ. 60కి చేరిన రోజులు కూడా ఉన్నాయి. అలా అని టమాట తక్కువగా ఉన్నప్పుడు ఎక్కువ మొత్తంలో కొనుగోలు చేసి స్టోర్ చేయలేని పరిస్థితి.
అయితే ఈ సమస్యకు చెక్ పెట్టేందుకు టమాట పౌడర్ ఎంతగానో ఉపయోగపడుతుంది. సూపర్ మార్కెట్ కల్చర్ చిన్న చిన్న పట్టణాలకు కూడా విస్తరించింది. దీంతో టమాట పౌడర్ ప్రతి పట్ణణంలో కూడా లభ్యం అవుతుంది.
రెస్టారెంట్స్, హోటల్స్ తోపాటు ఇళ్లలోనూ టమాటా పౌడర్ ను ఉపయోగిస్తున్నారు. దీంతో దీనికి భారీ డిమాండ్ ఏర్పాడుతోంది. అయితే ఇలాంటి టమాట పౌడర్ తయారీని మీరే ప్రారంభించి మంచి లాభాలను అర్జించవచ్చు. ఇంతకీ ఈ వ్యాపారాన్ని ఎలా ప్రారంభించాలి. ఎంత ఖర్చు అవుతుంది.
టమాట పౌడర్ తయారీ వ్యాపారాన్ని చాలా తక్కువ పెట్టుబడితో ప్రారంభించవచ్చు. ధరలు తక్కువగా ఉన్న సమయంలో పెద్ద ఎత్తున టమాటాలను కొనుగోలు చేయాల్సి ఉంటుంది. టమాటలను కొనుగోలు చేసిన తర్వాత వాటిని శుభ్రంగా కడగాలి.
తర్వాత వాటిని చిన్న చిన్న ముక్కలుగా కట్ చేసి ఎండలో ఆరబెట్టుకోవాలి. ఆ తర్వాత ఎండి టమాటాలను మిక్స్ చేసి వ్యాపార ప్రారంభం సమయంలో ఇంట్లోనే చిన్న మిక్సీతో మొదలు పెట్టుకోవచ్చు.
ఒకవేళ పెద్ద మొత్తంలో వ్యాపారాన్ని విస్తరించాలనుకుంటే పెద్ద పెద్ద మిక్సీలను కొనుగోలు చేయవచ్చు. ఈ పౌడర్ తయారు చేసి వాటిని మీ సొంత బ్రాండింగ్ తో ప్యాకింగ్ చేయాలి.
వీటిని మీకు దగ్గర లో ఉన్న కిరాణ దుకాణాలు, సూపర్ మార్కెట్లో, ఆన్ లైన్ లో కూడా విక్రయించుకోవచ్చు. ఇక లాభాల విషయానికి వస్తే..ప్రస్తుతం మార్కెట్లో కిలో టమాట పౌడర్ ధర రూ. 150 వరకు ఉంది
హోల్ సెల్ లో కిలో పౌడర్ ను రూ. 80 నుంచి రూ. 100 వరకు విక్రయించవచ్చు. ఈ లెక్కన ఈ వ్యాపారాన్ని ప్రారంభిస్తే భారీగా లాభాలను ఆర్జించవచ్చు.
