Aadhaar Card Address Change Limit: ఆధార్‌ కార్డు మన దేశంలో ప్రతిఒక్కరూ కలిగి ఉండటం తప్పనిసరి. ఏ ప్రభుత్వ, ప్రైవేలు రంగాలకు సంబంధించిన పని పూర్తి చేయాలన్నా ఆధార్‌ కార్డు తప్పనిసరి. స్కూలు పిల్లల నుంచి ప్రభుత్వ, ప్రైవేటు రంగ ఉద్యోగులకు కూడా ఆధార్‌ తప్పనిసరి. అయితే, ఈ ఆధార్‌ కార్డు (Aadhaar Card) పై ఇంటి అడ్రస్ ఎన్నిసార్లు మార్చుకోవచ్చు తెలుసుకుందాం.
మన దేశంలో ఆధార్‌ కార్డు ప్రతి ఒక్కరూ కలిగి ఉండాలి. ఇది గుర్తింపు కార్డు. బ్యాంకింగ్‌ సేవలతోపాటు చదువు, ఉద్యోగం ఇతర అన్ని పనులకు ఒక వ్యక్తి ఆధార్‌ కార్డు తప్పనిసరిగా కలిగి ఉండాలి.
ఈ ఆధార్‌ కార్డు యూఐడీఏఐ 12 అంకెలతో అందిస్తుంది. ఆధార్‌ కార్డుపై పేరు, ఇంటి అడ్రస్, మొబైల్‌ నంబర్‌ మార్చుకునే సదుపాయం ఉంటుంది. అయితే, ఈరోజు ఆధార్‌ కార్డుపై ఎన్నిసార్లు అడ్రస్ మార్చుకోవచ్చు తెలుసుకుందాం.
సొంత ఇల్లు ఉంటే వేరు కాని అద్దె ఇంట్లో ఉన్నా.. ఇల్లు మారినా ఆధార్‌ కార్డుపై అడ్రస్ మార్చుకోవాల్సి వస్తుంది. ఆధార్‌ కార్డుపై ఇంటి అడ్రస్ ఆన్‌లైన్‌లో మార్చుకోవచ్చు. లేదా దగ్గరలో ఉన్న ఆధార్‌ సెంటర్‌లలో కూడా అప్డేట్‌ చేసుకోవచ్చు.
అక్కడ బయోమెట్రిక్‌ వెరిఫికేషన్‌ పూర్తి చేస్తారు ఆ తర్వార అడ్రస్ మార్పు రిక్వెస్ట్‌ ప్రక్రియ మొదలవుతుంది. ఆధార్‌ కార్డుపై అడ్రస్ ఎన్నిసార్లు అయినా మార్చుకోవచ్చు. దీనికి మీ వద్ద కరెంట్‌ బిల్‌, బ్యాంక్‌ స్టేట్‌మెంట్‌, రేషన్‌ కార్డు, పాస్‌పోర్ట్‌ ఏదో ఒకటి కలిగి ఉండాలి.
ఆధార్‌ కార్డుపై అడ్రస్ సులభంగా మార్చుకోవచ్చు. అధికారిక వెబ్‌సైట్‌లో అడ్రస్ మార్పు రిక్వెస్ట్‌ చేయాలి. ఆ తర్వాత సంబంధిత డాక్యుమెంట్లు కూడా అప్‌లోడ్‌ చేయాల్సి ఉంటుంది. దీనికి నామమాత్రపు ఛార్జీ రూ.50 వసూలు చేస్తారు. ఓ 15 రోజులు తర్వాత అడ్రస్ అప్డేట్‌ అవుతుంది.
