Zee Telugu Kutumbam Awards : హైదరాబాద్, 17 అక్టోబర్ 2024: తెలుగు ప్రేక్షకులకు నిరంతరం వినోదాన్ని అందించే ఛానల్ జీ తెలుగు. నటీనటులను ప్రోత్సహించేందుకు ప్రతి సంవత్సరం మాదిరిగానే 2024 సంవత్సరానికిగానూ ప్రతిష్టాత్మక.. జీ తెలుగు కుటుంబం అవార్డ్స్ను ఘనంగా నిర్వహించింది.
టాలీవుడ్ ప్రముఖులు, జీ తెలుగు తారల సందడితో కోలాహలంగా జరిగిన ఈ కార్యక్రమం.. మొదటి భాగం ఇప్పటికే ప్రసారం కాగా, రెండో భాగాన్ని ప్రసారం చేసేందుకు సిద్ధమైంది. ఈ మెగా ఈవెంట్ పార్ట్-2ను.. ఈ ఆదివారం మీముందుకు తెచ్చేందుకు సిద్ధమైంది. అలరించే ప్రదర్శనలు, హృదయాన్ని హత్తుకునే క్షణాలు, మరపురాని అనుభవాలతో తెలుగు టెలివిజన్ స్ఫూర్తిని ప్రతిబింబించే జీ తెలుగు కుటుంబం అవార్డ్స్ పార్ట్-2.. అక్టోబర్ 19 సాయంత్రం 6 గంటలకు ప్రసారం కానుంది.
తెలుగు ప్రేక్షకులు ఆసక్తిగా ఎదురుచూస్తున్న జీ తెలుగు కుటుంబం అవార్డ్స్ పార్ట్ 2 మరోసారి వారిని అలరించేందుకు సిద్ధమైంది. ఎనర్జిటిక్ యాంకర్స్ సుధీర్, వర్షిణి ఈ కార్యక్రమానికి వ్యాఖ్యాతలుగా వ్యవహరించారు. ఆషిక, సౌందర్యల అద్భుతమైన ప్రదర్శనతో అన్ని సీరియల్ కుటుంబాల ప్రత్యేక ఎంట్రీతో ఘనంగా ప్రారంభమైన ఈ కార్యక్రమం.. ఆద్యంతం ఆసక్తికరంగా సాగింది. మేఘసందేశం సీరియల్ నటి భూమి నృత్య ప్రదర్శన ఈవెంట్కి మరింత సంప్రదాయ కళను తీసుకొచ్చింది.
యాంకర్ వర్షిణి జీ హీరోలందరితో.. కలిసి అద్భుతమైన మాస్ డాన్స్తో వీక్షకుల్లో ఉత్సాహం నింపింది. టాలీవుడ్ లవ్లీ పెయిర్ తరుణ్, శ్రియ శరణ్ ఎంట్రీ షో మరింత ఆహ్లాదంగా సాగింది. శ్రియ సినిమాల్లోని ప్రసిద్ధిగాంచిన.. సన్నివేశాలను డ్రామా జూనియర్స్ పిల్లలు రీక్రియేట్ చేసి నవ్వులు పూయించారు. తరుణ్తో..జీ తెలుగు తారల అల్లరి, శ్రియ డాన్స్ ఫెర్ఫామెన్స్ షోకి హైలెట్గా నిలిచాయి.
స్నేహం ప్రత్యేకతను తెలిపేలా..సాగిన సరిగమప సీజన్ 16 కంటెస్టెంట్ల అద్వితీయ ప్రదర్శన ఈ వేదికపై జరిగిన అత్యంత మధురమైన క్షణాలలో ఒకటిగా ఉండబోతోంది. అన్ని సీరియల్స్ లోని జంటలు పాల్గొనే వినోదాత్మక "గెస్ ది డ్రింక్" గేమ్ సరదాగా సాగింది. మేఘసందేశం నటీనటులు శ్రీకృష్ణుని స్మరిస్తూ అందించిన ప్రత్యేక ప్రదర్శన అందరినీ అలరించింది. ఉత్తేజకరమైన, వినోదభరితమైన, భావోద్వేగభరితమైన ప్రదర్శనలతో కార్యక్రమం ఆద్యంతం ఆసక్తికరంగా సాగింది. మీ ప్రియమైన తారలు వారి అసాధారణ ప్రతిభ, సృజనాత్మకత, అంకితభావాన్ని ప్రశంసిస్తూ ప్రతిష్ఠాత్మక జీ కుటుంబం అవార్డులు 2024 అందుకున్న క్షణాల్లో జీ తెలుగు వేదికగా మీరూ భాగంకండి!
ఈ పార్ట్ 2 అక్టోబర్ 18.. శుక్రవారం రాత్రి 10:30 గంటలకు, జీ తెలుగు కుటుంబం అవార్డ్స్ పార్ట్ 2 అక్టోబర్ 19 శనివారం సాయంత్రం 6 గంటలకు.. ప్రచారం కానున్నాయి.
Also Read: AP Cabinet: దీపావళి ధమాకా.. గ్యాస్ సిలిండర్లు ఫ్రీ.. ఏపీ క్యాబినేట్ కీలక నిర్ణయాలు..
Also Read: Tirumala: తిరుమల భక్తులకు బిగ్ అలర్ట్.. శ్రీవారి మెట్ల మార్గం మూసివేత
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
