Kannappa Team's Sacred Journey: హీరో మంచు విష్ణు తన ఆశలన్నీ తన నెక్స్ట్ సినిమా కన్నప్ప మీదే పెట్టుకున్నారు. భారీ బడ్జెట్ తో ప్రేక్షకుల ముందుకి రాబోతున్న ఈ సినిమాతో ఎలాగైనా మంచి హిట్ అందుకోవాలని మంచి విష్ణు ఫిక్స్ అయ్యారు. ఈ నేపథ్యంలో సినిమాకి భారీ రేంజ్ లో ప్రమోషన్లు కూడా మొదలుపెట్టారు. సినిమా విడుదలకి ఇంకా సమయం ఉన్నా కూడా వారానికి ఒక పోస్టర్ విడుదల చేస్తూ.. సినిమాని భారీగా ప్రమోట్ చేయడంలో బిజీగా ఉన్నారు.
తాజాగా చిత్ర బృందం ఆధ్యాత్మిక తీర్థయాత్రకు బయలుదేరింది. ఇందులో భాగంగా సినిమాని నిర్మిస్తున్న మోహన్ బాబు, హీరోగా నటించిన మంచు విష్ణు, డైరెక్ట్ గా వ్యవహరించిన ముఖేష్ కుమార్, కీలక పాత్ర పోషించిన అర్పిత్ రంక కలిసి కేదార్నాథ్, బద్రీనాథ్, రిషికేష్ లు సందర్శించారు. మొదటిగా 12 జ్యోతిర్లింగాలలో ఒకటైన కేదార్ నాథ్ ను సందర్శించిన చిత్ర బృందం బద్రీనాథ్లో కూడా ప్రార్థనలు చేసి రిషికేశ్ కు పయనమయ్యారు.
ఇందులో భాగంగా కెమెరా కంటికి చిక్కిన మంచి విష్ణువు మాట్లాడుతూ.. "కేదార్ నాథ్, బద్రీనాథ్, రిషికేష్ లు సందర్శించడం చాలా సంతోషంగా ఉంది. కన్నప్ప సినిమా పరమశివుడి భక్తుడి కథ ఆధారంగా తెరకెక్కుతుంది. సినిమా విడుదల కి ముందే 12 జ్యోతిర్లింగాలను సందర్శించాలని లక్ష్యంగా పెట్టుకున్నాను. మా ఎపిక్ యాక్షన్ సినిమా విడుదల కోసం మేమంతా చాలా ఆసక్తిగా ఎదురు చూస్తున్నాం" అని చెప్పుకొచ్చారు.
Also Read: Jagan Vs Sharmila: జగన్ గుట్టు రట్టు..3 పేజీల బహిరంగ లేఖ వదిలిన షర్మిలారెడ్డి..!
ఇప్పటికే సినిమా నుంచి విడుదలైన ఫస్ట్ లుక్, టీజర్, పాత్రలకి సంబంధించిన పోస్టర్లు ప్రేక్షకుల నుంచి మంచి ఆదరణ అందుకున్నాయి. ప్రముఖ హాలీవుడ్ ప్రాజెక్టులు అయిన లార్డ్ ఆఫ్ ది రింగ్స్ వంటి వాటి స్ఫూర్తితో హాలీవుడ్ సినిమాటోగ్రాఫర్ షెల్డన్ చౌ చే ఈ సినిమా కోసం పనిచేశారు. న్యూజిలాండ్ బ్యాక్ డ్రాప్ లో కొన్ని అద్భుతమైన ప్రకృతి దృశ్యాలు ప్రేక్షకులను కచ్చితంగా కట్టిపడేస్తాయి అని చిత్ర బృందం విశ్వసిస్తుంది.
ఈ సినిమాని ప్రేక్షకులకు ఒక విజువల్ వండర్ గా అందించాలని విచిత్ర బృందం ప్రయత్నాలు చేస్తోంది. ప్రభాస్, మోహన్ లాల్, అక్షయ్ కుమార్, శరత్ కుమార్ వంటి స్టార్ నటులు ఈ సినిమాలో క్యామియో పాత్రలలో కనిపించబోతున్నారు. మరి ఈ సినిమాతో మంచు విష్ణు ఎంతవరకు హిట్ అందుకుంటారో వేచి చూడాలి.
Also Read: YS Sharmila: నా అన్న వైఎస్ జగన్ చేసింది మహా పాపం: వైఎస్ షర్మిల
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
