ஆஸ்திரேலிய பிரதமர் ஸ்காட் மோரிசன் இந்திய பிரதமருடன் செல்ஃபி எடுத்துக்கொள்கிறார் என்று கிட்னா அட்சா ஹை மோடி கூறுகிறார்!
உலகத் தலைவர்கள் ஜி 20 உச்சிமாநாட்டில் நட்புறவை கூறும் வகையில், ஆஸ்திரேலிய பிரதமர் ஸ்காட் மோரிசன் பரபரப்பான நிலையில் இருந்து சிறிது நேரத்தை ஒதுக்கி ஒரு செல்ஃபி புகைப்படம் ஒன்றை தனது ட்விட்டர் பக்கத்தில் வெளியிட்டார்.
ஆஸ்திரேலிய பிரதமர் ஸ்காட் மோரிசன் ஜப்பானில் நடைபெற்ற G20 உச்சி மாநாட்டின் போது பிரதமர் நரேந்திர மோடியை சந்தித்த சந்திப்பைக் குறிக்கும் வகையில் செல்ஃபி ஒன்றை எடுத்துள்ளார். இரண்டு பிரதமர்களின் புகைப்படத்தைத் தொடர்ந்து ஆஸ்திரேலிய மாநிலத் தலைவரின் ஒரு இனிமையான தலைப்புடன் அந்த புகைப்படத்தை ட்விட்டரில் பகிர்ந்துள்ளார் - "கித்தானா ஆச்சா ஹே மோடி!" (மோடி எவ்வளவு நன்றாக இருக்கிறார்!) என குறிப்பிட்டுள்ளார்.
Kithana acha he Modi! #G20OsakaSummit pic.twitter.com/BC6DyuX4lf
— Scott Morrison (@ScottMorrisonMP) June 28, 2019
G20 நாடுகளின் உச்சிமாநாடு ஜப்பான் நாட்டின் ஒசாகா நகரில் இரண்டாவது நாளாக நடைபெறுகிறது. மாநாட்டில் பங்கேற்றுள்ள பிரதமர் மோடி, நேற்று அமெரிக்க அதிபர் டிரம்பை சந்தித்துப் பேசினார். ஈரான் பிரச்சனை, 5ஜி தொழில்நுட்பம், பாதுகாப்புத்துறை மற்றும் இருதரப்பு உறவுகள் குறித்து இரு தலைவர்களும் பேச்சு நடத்தினர்.
இருநாடுகளுக்கு இடையிலான வர்த்தகப் பேச்சுகளில் வரிவிதிப்பு தொடர்பான பிரச்சினைகளைப் பேச்சுவார்த்தை மூலம் தீர்க்கலாம் என்று மோடி கூறிய யோசனையை டிரம்ப் வரவேற்றுள்ளார். இந்தியாவுடன் மிகப்பெரிய ஒப்பந்தங்கள் கையெழுத்தாக உள்ளதாக டிரம்ப் அறிவித்துள்ளார்.
முதல் நாள் அமர்வுகளில் பிரிக்ஸ் தலைவர்கள் மத்தியில் உரை நிகழ்த்திய பிரதமர் மோடி, மனிதகுலத்திற்கு தீவிரவாதம் மிகப்பெரிய அச்சுறுத்தலாக விளங்குவதாக தெரிவித்தார். தீவிரவாதத்திற்கு உதவும் நாடுகளை தனிமைப்படுத்தவும் தீவிரவாதத்திற்கு எதிராக ஒன்றுபட்டு போராடவும் மோடி அழைப்பு விடுத்தார்.
தொடர்ந்து பிற்பகலில் ரஷ்ய அதிபர் புதின்-சீன அதிபர் சீ ஜின்பிங் உள்ளிட்டோருடன் மோடி முத்தரப்பு பேச்சுவார்த்தையில் ஈடுபட்டார். தீவிரவாதம், பாதுகாப்பு, சுற்றுச்சூழல் பருவ நிலை மாற்றம் உள்ளிட்ட முக்கியப் பிரச்சினைகள் குறித்து இந்த சந்திப்பில் விவாதிக்கப்பட்டன. மூன்று நாடுகளும் தீவிரவாதத்தை முழு மனத்துடன் கண்டனம் தெரிவிப்பதாக அறிவித்துள்ளன.
இந்த சந்திப்பு முக்கிய சர்வதேச பிரச்சினைகளை விவாதிப்பதற்கு பயனுள்ளதாக அமைந்தது என்று மோடி தெரிவித்துள்ளார்.
தொடர்ந்து பல்வேறு நாடுகளின் தலைவர்களுடன் பிரதமர் மோடி இருதரப்பு பேச்சுவார்த்தைகளில் ஈடுபட்டுள்ளார்.ஜப்பான் பிரதமர் ஷின்சோ அபே, சவூதிபட்டத்து இளவரசர் , தென்கொரியா, பிரேசில் மற்றும் ஜெர்மனி உள்ளிட்ட நாடுகளின் தலைவர்களுடன் மோடி இருதரப்பு பேச்சுவார்த்தைகளில் ஈடுபட்டு வருகிறார்.
