Facebook Inc செவ்வாயன்று Facebook Pay என்ற ஒருங்கிணைந்த கட்டண சேவையை அறிமுகப்படுத்துவதாக தெரிவித்துள்ளது!
இதன் மூலம் வாட்ஸ்அப் மற்றும் இன்ஸ்டாகிராம் உள்ளிட்ட அதன் தளங்களில் உள்ள பயனர்கள் பயன்பாட்டில் இருந்து வெளியேறாமல் பணம் செலுத்த முடியும். இந்த சேவை பயனர்கள் தங்கள் ஸ்மார்ட்போன்களில் PIN அல்லது பயோமெட்ரிக்ஸ் போன்ற பாதுகாப்பு விருப்பங்களுடன் பணம் அனுப்பவோ அல்லது பணம் செலுத்தவோ அனுமதிக்கப்படுவர் எனவும் Facebook Inc தெரிவித்துள்ளது.
Facebook தலைமை நிர்வாக அதிகாரி மார்க் ஜுக்கர்பெர்க் இந்த ஆண்டின் தொடக்கத்தில் Facebook தனது தளங்களில் செய்தி உள்கட்டமைப்பை ஒன்றிணைக்க திட்டமிட்டுள்ளது என தெரிவித்திருந்தார். சில ஆண்டுகளில் Facebook-ன் செய்தி ஊட்டத்தின் பாரம்பரிய, திறந்த மேடையில் நேரடி செய்தியிடல் கலந்துரையாடலைக் குறைக்க வாய்ப்புள்ளதால், நிறுவனம் தனது பல செய்தியிடல் சேவைகளில் உரையாடல்களை குறியாக்கம் செய்து அவற்றை இணக்கமாக்கும் என்றும் அவர் கூறியிருந்தார்.
இந்நிலையில் தற்போது Facebook Pay குறித்த அறிவிப்பினை நிறுவனம் அறிவித்துள்ளது. சமூக ஊடக செயலிகள் போட்டியில் முதலிடத்தில் இருக்கும் Facebook, தற்போது கட்டண சேவை செயலிகளுக்கு போட்டியாக Facebook Pay செயலியினை அறிமுகம் செய்யவுள்ளது.
இந்த புதிய சேவையில் ஒரு பரிவர்த்தனை செய்யப்படும்போது கட்டணம் செலுத்தும் முறை, தேதி, பில்லிங் மற்றும் தொடர்பு விவரங்கள் போன்ற, பயனர் தகவல்களை சேகரிக்கும் என்றும் பயனர்களுக்கு இலக்கு விளம்பரங்களைக் காண்பிக்க தரவைப் பயன்படுத்தும் என்றும் Facebook தெரிவித்துள்ளது.
தனியுரிமை மற்றும் பயனர் தரவிற்கான அணுகுமுறை குறித்த அதிருப்திக்கு மத்தியில் Facebook விளம்பர நடைமுறைகள் கடந்த சில ஆண்டுகளாக கவனத்தை ஈர்த்து வருகின்றன. இந்த வாரம் அமெரிக்காவில் Facebook Inc, Facebook மற்றும் Messenger-ல் கிடைக்கும் என்று நிறுவனம் ஒரு வலைப்பதிவு இடுகையில் தெரிவித்துள்ளது குறிப்பிடத்தக்கது.
