मंत्रिमंडळात स्थान न मिळाल्यानं शिवसेना आमदार नाराज

मुंबई : राज्य मंत्रिमंडळ विस्तारात संधी न मिळाल्यानं पश्चिम महाराष्ट्रातील शिवसेनेचे आमदार नाराज झाले आहेत. पश्चिम महाराष्ट्रातून अनेकजण मंत्रीपदासाठी इच्छुक होते. त्यामध्ये कोल्हापूरमधून सुजीत मिंचेकर, राजेश क्षीरसागर यांच्यासह साता-यातील एकमेव शिवसेना आमदार शंभूराज देसाई यांचाही समावेश होता. मात्र शिवसेनेकडून पश्चिम महाराष्ट्राला डावलण्यात आल्यानं ते नाराज झाल्याचं समजत आहे.