मुंबई महानगरपालिकेचा अर्थसंकल्प सादर; वर्षभरासाठी तब्बल ₹ 74,427.41 कोटींची तरतूद; नागरिकांवर 'हा' नवा कर लागू

Mumbai BMC Budget 2025-2026 : देशातील सर्वात मोठी आणि श्रीमंत महानगरपालिका म्हणून ख्याती असणाऱ्या मुंबई महानगर पालिकेचा अर्थसंकल्प मंगळवारी (4 फेब्रुवारी 2025) सादर करणअयात आला. या अर्थसंकल्पात तब्बल 14.19 टक्के वाढ झाल्याची बाब लक्षात आली. मुंबई महानगर पालिकेचे अतिरिक्त आयुक्त अभिजित बांगर यांनी आयुक्त भूषण गगराणी यांना हा अर्थसंकल्प सादर केला. 

मुंबई मगानगरपालिकेच्या या अर्थसंकल्पामध्ये रस्त्यांचे जाळे, फुटपाथ  यांच्यासाठी 5हजार 100 कोटींची तरतूद करण्यात आली. तर, शहरासाठी वर्षभरामध्ये तब्बल 74,427.41 कोटी रुपयांची तरतूद करण्यात आल्याचंही स्पष्ट करण्यात आलं. महापालिका निवडणुकीच्या तोंडावर सादर करण्यात आलेल्या या अर्थसंकल्पामध्ये करण्यात आलेल्या तरतुदी पाहता आता मुंबईचा सर्वांगीण विकास केंद्रस्थानी ठेवत त्यासाठी सढळ हस्ते निधी दिला जात असल्याचं स्पष्ट होत आहे. 

अर्थसंकल्पातील महत्त्वाचे मुद्दे... 

• मुंबईतील रस्त्यांचे जाळे ; फुटपाथ यांकरता 5100 कोटींची तरतुद
• कोस्टल रोड करता 1507 कोटींची तरतुद
• कोस्टल रोड -2 या पश्चिम उपनगराला जोडणा-या दहिसर ते भाईंदर या किनारी रस्त्याच्या महत्वाकांक्षी प्रकल्पासाठी 4300 कोटींची तरतुद
• गोरेगांव मुलुंड लिंक रोडकरता 1958 कोटींची तरतूद
• कचरा गोळा करण्यासाठी पालिकेकडून कर लागु केला जाणार, तूर्तास कर नाही यासाठी कायदेशीर सल्ला घेऊन निर्णय घेणार. 
• बेस्ट उपक्रमासाठी 1000 कोटींची तरतूद अनुदान म्हणून देण्यात येणार. 
• आरोग्य विषयक सोयीसुविधांसाठी 7000 कोटींची तरतूद 
• शिक्षण सुविधांसाठी 4000 कोटींची तरतूद. 
• मुंबईतल्या महापालिका शाळांची स्थिती सुधारण्याकरता दोन महत्वाच्या मोहिमा. मिशन 27 आणि मिशन संपूर्ण हे दोन मिशन पालिकेच्य़ा शाळांकरता राबवले जाणार
• मुंबईसाठी विशेष वातावरणीय बजेट सादर, पर्यावरण खात्याकरता 113 कोटींची तरतुद. 

हेसुद्धा वाचा : Video : 'वर्षा बंगल्याच्या लॉनमध्ये रेड्याची शिंगे पुरल्याची चर्चा' संजय राऊतांच्या वक्तव्यानं खळबळ 

मुंबई महापालिका निवडणुकीच्या तोंडावर बीएमसीचा नवा कर 

मुंबई महानगरपालिकेच्या अर्थसंकल्पामध्ये काही महत्त्वाचे मुद्दे अधोरेखित करत निवडणुका तोंडावर असतानाच शहरातील  झोपडपट्टीतील गाळेधारकांसाठी नवा कर लागू करण्यात आला आहे. परिणामी गाळेधारकांना मुंबई महापालिकेचा कर भरावा लागणार आहे. 
झोपडपट्टीतील व्यावसायिक गाळेधारकांना कर भरावा लागणार असून, या माध्यमातून साधारण 350 कोटी इतका महसूल अपेक्षित असल्याचं सांगण्यात येत आहे. 

 बृहन्मुंबई महानगरपालिकेचे वित्तीय वर्ष २०२५- २६ चे अर्थसंकल्पीय अंदाज महानगरपालिका प्रशासक श्री. भूषण गगराणी यांना महानगरपालिका मुख्यालयातील सभागृहात आज सादर करण्यात आले.

अतिरिक्त महानगरपालिका आयुक्त (पूर्व उपनगरे) डॉ. अमित सैनी यांनी शिक्षण खात्याचे अर्थसंकल्पीय अंदाज 'ई'… pic.twitter.com/za0ftuEiO6

— माझी Mumbai, आपली BMC (@mybmc) February 4, 2025

मुंबई महापालिकेत अडीच लाख झोपडपट्ट्या असून, त्यातील 20 टक्के झोपडपट्ट्यांमध्ये उद्योगधंदे दुकाने गोदाम हॉटेल्स अशा व्यवसायिक कारणासाठी वापर केला जातो. या व्यवसायिक गाळेधारकांना कर निर्धारण करून मालमत्ता कर मुंबई महापालिका वसूल करणार आहे.